#البارت_الثاني
#ميركل
#ساندرا_فادي
في صباح يوم جديد
في مطعم الذي ذهب اليه شادي ليقابل اصدقاءه
بيشوي بمزاح الي شادي :قولي موقعتش واحده كده ولا كده في استراليا انا اسمع انهم هناك اي صواريخ
قهقه اصدقائهم
قال شادي بمزاح هو الاخر:يابني عيب عليك وبعدين اصلا البنات هناك فاضلهم اتنين ڤولت وينوروا
قالت مريم بسخريه وغيره :علفكره مش بيبقوا قد كده يعني
قال بيشوي وهو يعلم مدي غيرتها علي شادي :منفسنه اوي يعني
وقال بهمس قصد ان تسمعه هي فقط :
_خفي علشان انتي عارفه ان شادي بيفكر في شغله وبس
غير بيشوي الحديث وظلوا يتحدثون ويمرحون ويتذكروا طفولتهم سويا
........................................
علي الجانب الاخر كانت بتجلس جومانا رفقت صديقتها يوانا
قالت يوانا وهي مندهشه :يلهوي كابتن شادي بنفسه قاعد معانا في مطعم واحد
قالت جومانا وهي تنظر للجهه الذي تنظر بها يوانا:
_مين كابتن شادي ده
قالت يوانا وهي لم تصدق ان صديقتها لم تعرفه :يابت الطيار المعروف اللي كان مشهور من فتره انه كسر الرقم في عدد الرحلات واكثرهم سلاماً
جومانا بعد ان تذكرته قالت بعدم اهتمام: اه اه ماله يعني سيبك منه
يوانا وهي تنظر لها بيائس هذه المتحجره القلب :انتي مافيش حد بيلفت نظرك ابدا
قالت جومانا بعدم اهتمام: انتي عارفه ان مبيفرقش معايا الحجات دي واني شايفه ان شغلي اهم
يوانا وهي تنظر لها بسخريه :خلي الشغل ينفعك ياختي قومي هاتي حاجه نشربها
نهضت جومانا لجلب طلابتهم
...................................................
نهض شادي وهو يقول لهم انه عليه الرحيل:انا ماشي بقه بجد كنتوا واحشني جامد نتقابل اجازتي الجايه لازم امشي
بيشوي وهو يصافحه: سلام يا صاحبي
كاد شادي ان يلتفت فصادمه مجئ جومانا وهي تحمل المشروبات وتتحدث في الهاتف
جومانا لوالدتها في الهاتف:متقلقيش ياماما هي كام يوم خليكي عند خالتو وانا هروح اخلص شغلي وابقا اجيلك لو لسه هناك....د... حاسب.. انا اسفه جدا
شادي بغضب بعد انكباب المشروبات عليه :مش تحاسبي يا عاميه انتي
جومانا بغضب من ذلك الوقح: اقفلي ياماما شكل في حد عاوز يتربي ..... اي عاميه دي يالي معندكش دم منا قولت اسفه قله زوق صحيح
ثم تركته وزهبت الي طاولتها
ظل شادي ينظر لها دون ان يتحدث سرح بها تلك الفتاه ذات القامه القصيره فاق من شروده علي صوت
بيشوي صديقه :اي يابرنس سرحان في اي دي مشيت وانت لسه مبحلق
قال شادي بعد ان انتبه له:مافيش انا ماشي سلام
..................................................
علي طاوله جومانا
يوانا بهدوء:اهدي يابنتي براحه في ايه هتطلعي نار من عينك
جومانا بعصبيه :انا هاديه اهو اتحزم وارقص انسان قليل الزوق بصحيح
حاولت يوانا ان تهدي صديقتها وهي تكتم ضحكتها علي مظهر صديقتها المضحك :خلاص اهدي براحه هروح انا اجيب حاجه نشربها بدل اللي وقعت علي الغلبان ده
نظرت لها جومانا بسخريه ولم تتحدث
ذهبت يوانا لتطلب مشاريب اخري في نفس الوقت الذي ذهب بها بيشوي لياخد طلبه
بيشوي بحمحمه:احم احم سوري علي الطريقه اللي صاحبي كلم صحبتك بيها
رفعت يوانا اعينها عن هاتفها بعد ان انتبهت لصوته وقالت بهدوء بعد ان اخذت طلباتها :لا عادي محصلش حاجه ...... بعد اذنك
بيشوي في سره : اوباا علي التقيل الاسمر الحلو
...................................................
كانت لوسين في عيادتها وقد شعرت ببعض الالم في معدتها نفضت هذا الشعور عن مخيلاتها وتذكرت حديثها مع حمزه امس
فلاش باك
حمزه بالم: من الصبح وكل شويه يجيلي هواجس وذكرايات
صمت قليلا
شجعته لوسين علي الحديث :كمل انا سمعاك
ظل حمزة ينظر لها بالم وحزن وعيونه بدائت ان يملاها الدموع وقال: افتكرت شكله قدامي وهو علي الارض بيتصفي بيقولي هات حقي من اللي عمل فيا كده ومعرفتش كنت ضعيف ومقدرتش اجيب حقه شوفته قدامي بيضرب بالنار وكنت متكتف يا لوسين كل مفتكر شكله ببقا تعبان وعاوز اعيد المشهد تاني واقوله متسبنيش يابابا متسبنيش انت ضهري انا من بعدك هموت من بعدك كلاب السكك هيبهدلوني ومحدش هيعرف ينجدني منهم غيرك
بداءت دموعه بالهطول
ولوسين بجانبه تحاول التماسك لتقوي محبوبها نهضت واخذته بين احضانها وهي تقول له بحنان وحزن علي ماضي المؤلم:
كمل يا حبيبي كمل انا سمعاك
امسك بها مثل الطفل الذي يخشي فراق ولدته واكمل حديثه: لما شوفت منتصر قدامي افتكرت وهو بيرميني في مصحه من غير نظره شفقه حتي في عينه وامي واقفه مش عارفه تعمل حاجه افتكرت وهما بيكهربوني وبيعملوني اسواء معامله
ومع شدة البكاء اصبح جسده ينتفض
احست به لوسين فا قالت له بحنان وصوت يبث الاطمئنان داخله: اهدي اهدي متفكرش انا جمبك ياحبيبي انت بقيت كويس انت في حضني وكل ده خلاص انتهي صدقني انت كويس
فاقت من شرودها وهي تمسح دموعها المنهمره علي خديها
نهضت تذهب الي والدتها
........... .................................. ....
في الطريق لوالدتها هاتفت حمزه
رد حمزه عليها بمرح :قولي اني وحشتك وعاوزه تسمعي صوتي متتكسفيش ياسيا
قالت لوسين بمرح هي الاخره: طبعا ياروح قلب سيا .... قولي يلا النحنحه دي اي سببها بتخوني صح انا عارفه انتو صنف ملكوش امان
حمزه بضحك وغيظ من تلك المجنونه:مكدبتش لما قولت عليكي هادمه اللحظات الرومانسيه اهدى ياماما في ايه اخونك اي انتى كرهتيني في الصنف كله
قالت لوسين بحزن مصطنع: انا كرهتك في الصنف كله مكانش العشم
ثم قالت بمرح : ولا اقولك احسن علشان عينك متبصش كده ولا كده
قال حمزه ببسمه وهو يعلم ان مهاتفتها سببها ان تمازحه لتخفف عن حزنه امس: قوليلي اي سبب المكالمه الباهيه دى
قالت لوسين بضحك:الحق عليا بطمن عليك يا عديم الاحساس
سأل حمزه بجديه: لا كتر خيرك يازوجتي المصون ...بجد انتى كويسه عاوزه اي حاجه؟
قالت لوسين بصوت حنون :لا ياحبيبي انا كويسه كنت بطمن عليك.... يلا روح شوف شغلك وانا هروح اقعد عند ماما شويه واجي
اغلقت معاه وهي تتنهد بحب لهذا الزوج الذي منها الله به
...................................................
في المساء في منزل بيشوي
دلف الي منزله وهتف باسم ولدته :يا سوسو ياسووو انتي فين
سمع صوت ولدته في المطبخ :انا هنا يابيشو تعالي ياحبيبي
دلف اليها وهو يقول : فين الاكل ياماما جعاااان يا بشر
ضحكت ساميه عليه:يابني اعقل بقه انت بقيت مهندس ... علي العموم ابوك في الطريق استني لما يجي وناكل مع بعض
تزمر بيشوي وهو يقول: استني ابويا ليه هو معاه مفتاح الحلل ياست عاوز اكل الله يخليكي
ضربته ساميه بالمعلقه الخشب التي في يدها: اتلم يلا واطلع غير هدومك انا قولت محدش هياكل غير لما ابوك يجيي
ضحك بيشوي وخرج وهو يقول :خارج ياساميه لما نشوف اخرتها معاكوا اي في البيت ده
.................................................
صعد الي غرفه اميرته الصغيره ليشاكسها قليلا دلف بهجوم وهو يقول بصوت مرتفع: بتعملي اي يابت
صرخت برنديت والقته بوساده جانبها: خضتني ياعم حرام عليك ياستر يارب
دلف لها وهو يقهقه عليها وجلس علي الاريكه :بتعملي اي يا مقصوفه الرقبه انتي
قالت وهي تغلق الكتاب الذي بين يديها: بقراء كتاب
قال باستفسار: بيحكي عن اي بقه
قالت بمزاح: بيتكلم عن اخت بتقتل اخوها علشان كل شويه يغلس عليها ها يغلس عليها... مالك ياحبيبي وشك اصفر ليه امال لو عرفت انها قطعته حتت
قال بيشوي وهو ينهض سريعا ويخرج من الغرفه: طب يا حبيبه اخوكي لو عاوزه حاجه قوليلي انتي عارفه انا اخ محترم
ضحكت برنديت وهي تراه يغلق باب الغرفه واكملت قراءه
............................. ............ ........
في منزل ولدت لوسين
جلست لوسين مع والدتها
وظلوا يتحدثوا
وفجاه قالت لوسين بتوتر: ماما انا حاسه اني حامل
قالت ميرفت بفرح :الله واكبر اخيرا يابنتي الف مبروك
لوسين بمقاطعه: ماما في اي بقولك حاسه مش متاكده
استوعبت والدتها وقالت لها بحنان: طب متتاكدي ياحبيبتي ده حمزه هيفرح اوي هكلم الصيدليه تجبلك اختبار حمل
هزت لوسين راسها بموافقه وظلت شارده هل سيفرح حمزه كما قالت والدتها
بعد مده قصيره ظلت لوسين تنظر لهذا الاختبار بين يديها
هتفت والدتها لتحسها علي الخروج :ها يا سيا طمنيني يابنتي انتي ساكته ليه
خرجت لوسين من المرحاض واعطت والدتها الاختبار
..................................................
