اعذب غرام العاشقين

بارت ١٤

#اعذب_غرام_العاشقين ١٤،
-
دخل غرفته بتعب مشى وهو يحط جواله ومفاتيحه على الطاوله فسخ ثوبه وهو يرميه على الكنب وفسخ الفنيله برميه مشى فتح الدولاب يطلع له ملابس يغير عشان يروح ل غسان ،
غرام طلعت بتوتر ونطقت : اوف كيف اروح مو وقتك جدتي،
واخذت نفس وهي تناظر اتجاه الباب مشت بهدوء وتوتر مدت يدها وفتحت الباب بدون ما تدق ، كان واقف يقفل ازرار التيشيرت و رفع نظره من سمع صوت الباب ، تجمدت بمكانها وهي تشوفه بصدره العاري ويقفل الازار نزلت راسها تقفل الباب لكن وقفها وعطاها ظهره ونطق : ادخلي ،
وقفل الازرار والتفت عليها كانت واقفه عند الباب بهدوء ،
رفع نظره يطالع فيها ومشى وهو يسحب المفاتيح يحطهم بجيبه ناظرت فيه انه ما نطق بحرف وهمست : سياف ،
رفع راسه بهدوء : هلا ،
مشت لعنده وهمست : كيفك؟ حاولت اكلمك ماعندي رقمك ولا عرفت كيف اكلمك كنت ابي اتطمن عليك ،
هز راسه وهو يعدل شعره ب باطن كفه : بخير ،
سكتت وهي تشوف هدوءه ونطقت : جدتي طلبت السبحة جيت اخذه وقلت اتطمن عليك ،
رفع نظره لها وحط يدينه بجيوبه : انتي كيفك؟ مبسوطه مع اهلك ومع اخوك و امك؟
هزت راسها بالايجاب : اي و احاول اتعود بس مبسوطه ب حنيتهم و اخوي نفسك حنون زيك ،
ابتسم بخفه ونطق : اي ومن حنيته ماعاد تحتاجيني صح؟
هزت راسها بالنفي : ما قلت كذا ،
ناظر فيها لثواني : جدتي كلمتك بشيء؟
هزت راسها بالنفي بتوتر : لا ليه؟
سكت وهو يطالع فيها ونطق بهدوء : رحتي لابوكِ؟
اخذت نفس ونطقت : بيجي الصباح كان تعبان ،
هز راسه وهو يقرب بيمشي لكن وقف عندها وهو يطالع فيها ونطق : غرام ، فزت و رفعت راسها تطالع فيه بتوتر ،
اخذ نفس ونطق : انتبهي على نفسك و اقضي هالايام مع اهلك قبل ترجعين لي ،
عقدت حواجبها باستغراب وهمست : كيف؟
رفع نظره : ايش الي كيف؟ تبين الطلاق !
فزت وهزت راسها بالنفي : ما قلت كذا ،
هز راسه بالايجاب : ادري ما قلتي راح اجي بعد كم شهر اخطبك من ابوكِ بشكل رسمي و اشوف رايه وش يبغى هو نكمل ولا اتركك ،
سكتت وهي تطالع فيه صد عنها ومشى وهو يطلع من الغرفه مد يده ل جيبه وتذكر جواله و رجع بيدخل الغرفه لكن وقف وهو يناظر فيها ، وقفت عند المرايه وهي تطالع ب اغراضه و سرحانه دخل ومد يده : عطيني الجوال ،
نزلت نظرها تشوف جواله ومشت مدت له وناظرت فيه ونطقت : تتاخر؟
عقد حواجبه : ليه تنتظريني ما تمشين بيتك؟
غرام بهدوء : جدتي طلبت اسوي كبسه عشان الشغاله مو موجوده انا و افنان نسوي يعني متى تجي عشان تاكل؟
هز راسه بالنفي : بالعافيه عليكم راح تتاخر انا ،
ومشى يطلع ، وقفت بقهر كان ودها تسولف معه..

-
كُنتم تنتظرن حضن صح؟ اطلبوا الله🤣
-

ومشى يطلع ، وقفت بقهر كان ودها تسولف معه وتسمع صوته وهو يسولف و يعاملها بحنية لكن صد ومشى تركها ،
اخذت نفس وهي تجلس على سريره والتفتت تشوف ثوبه و شماغه مرميه على الارض مشت وهي تنظف غرفته وعدلت سريره وحطت كل ثوبه في الدولاب والتفتت من دخلت افنان ونطقت بضحكه : ي عيني على اللي يهتمون ب زوجهم ،
غرام التفتت عليها : ما يضحك بس عارفه جدتي تطلب انظف وانتي امشي معي نجهز الكبسه ،
افنان هزت راسها بالنفي : اعترفي اذا باسك وقالك مقابل هالبوسة نظفي الغرفه؟
غرام بصدمه : اوف افنان كانك ريوف والله حقيره ،
افنان بضحكه : بس اعرف اخوي ماعنده قلة ادب ،
غرام : اي صحيح مؤادب زيك ،
افنان ضحكت وهمست : رايحه انتظرك في المطبخ رغم الالم اساعدك و اصايل الحيوانه طول الوقت نايمه شكلها حامل ،
غرام اخذت نفس : يالله كلهم مجانين هنا !
-
جنان كانت جالسه بالصاله تتابع المسلسل و ريوف سرحانه تلعب بشعرها عقدت حواجبها من سمعت صوت الباب مشت وهي تفتح الباب ونطقت : مين؟
عزام بهدوء : انا ابغى اتكلم معك بموضوع ،
جنان سمعت صوته وعرفته اما ريوف خافت وقفلت الباب ،
جنان سحبت العبايه والطرحه وتلثمت ومشت وهي تطلع فتحت الباب ونطقت : ايش تبغى! الله يخليك مو ناقصه مشاكل!
عزام بهدوء : وانا بعد مو ناقص و اعرف حجم الغلطه واعرفك انك تشوفيني غلط بس انا ما رضيت على اختي واحد ابن كلب قايل عن اختي انها كانت بين احضانه تبيني اسكت!
جنان : هو سافل وحقير بتصير نفسه!
عزام : اذا اضطريت ف اصير ،
جنان بتعب : ايش بغيت جاي!
عزام : اكلمك بموضوع عن اخته ل فارس الكلب ،
جنان : طب اخلص !
عزام : تكلمين امها و تتفاهمين معها و عدنان يخطبها ،
جنان بسخريه : زي ما اخذتوها روحوا اخطبوها ،
عزام : مو وقتك ترا! اخلصي تساعديني ولا لا ،
عزام : مانت وجهك احد يساعدكم لكن عشانها صديقتي بس ف راح اساعدكم واكلم امها الي من يومين تبكي بسببكم عديمين الضمير والحياء ما يستاهل خويك واحد زيها لكن مجبورين و وصل له كلامي يعقل بيكون افضل ،
عزام تنهد : يا كثر كلامك قسم بالله ،
جنان : و قل يدفع المهر مية الف ،
ناظر بصدمه : عساه خير ؟
جنان : قليل بعد وقل له تبي بيت باسمها مو كافي انها اعتدى عليها الخبيث!
عزام : لا تصيرين محامية دفاع عنها وخلي هالكلام لامها و اطلعي من السالفه بس شغلتك تروحين مع اخته تكلمينهم بالموضوع ،
جنان بسخريه : خطابه عندك؟
عزام بقلة حيل : اخلصي ايش اعطيك عشان تسوين! والموضوع لا يوصل ل غرام ،
جنان : ماني بحاجة شيء منك اي شي اسويها عشان صحبتي يعني متوقع بطلب منك فلوس؟
ناظر فيها وسكت يمشي ،
-
الجده نوير دخلت المطبخ ناظرت افنان و غرام يشتغلون وقفت وهي تطالع ونطقت : اي زوجك قال انه بيجي؟
غرام فزت والتفتت من كلمة " زوجك و توترت وهزت راسها بالنفي : لا قال ما يجي ،
الجده نوير : وليه ما يجي اتصلي اقنعيه ،
افنان : حتى انا ي جدتي قلتلها اتصلي عليه بس رفضت ،
غرام باحراج : جدتي خلاص متى ما رجع ياكل ،
الجده نوير : وش هالكلام اتصلي عليه وكلميه خليه يجي ،
غرام التفتت على افنان الي تضحك الجده نوير اخذت جوالها وهي تتصل على سياف ومدت لها: كلميه ،
غرام ناظرت بصدمه وسكتت وحطت الجوال على اذنها ،
سياف كان يسوق متوجه ل غسان عقد حواجبه من رن جواله وناظر و ابتسم بخفه و رد : هلا جدتي ،
غرام بتوتر : وينك؟
سكت من سمع صوتها ونطق : غرام؟
غرام : اي اذا قريب يمديك تجي؟
سياف بخوف : صاير شيء؟
غرام التفتت تطالع ب جدتها : لا مو صاير شي بس عشان..سكتت وهي تفكر ونطقت : مدري عشان ايش بس...سكتت من سحبت منها الجوال الجده نوير : سياف ي امي زوجتك تعبت وهي تطبخ وقاعده تقول اقنعيه يجي ياكل ،
غرام شهقت بصدمه والتفتت على افنان : ما قلت وربي!
سياف بضحكه : زوجتي تقول ولا انتي؟
الجده نوير : لا هذي هي قدامي هي تقول ،
سياف : والله جدتي اني عارف هذي حركاتك مو حركاتها ،
الجده نوير : اخلص تعال قبل تروح بيتها ،
سياف سكت وهو يحك جبينه : رايح ل غسان ،
الجده نوير : ارجع البيت بالاول بعدين روح ،
سياف سكت وناظر للطريق وانه قريب من البيت : تمام جاي،
الجده نوير قفلت الخط وهمست : هو جاي بالطريق روحي البسي فستان من دولاب افنان و تجهزي ،
غرام بصدمه : جدتي ايش قاعده تسوي انتي!
افنان بضحكه : روحي ي غرام استعجلي ،
غرام بفشله : وربي فشلتني جدتي اي وجه اطالع فيه!وسكتت مشت بقهر توجهت ل غرفة افنان غيرت ملابسها ولبست بلوفر اسود و بنطلون ابيض وعدلت شعرها وطلعت من الغرفه وقفت بصدمه من شافته دخل وقفل الباب وراه ،
وقف وهو يطالع فيها وتوجه يمشي لغرفته والتفت عليها ونطق : الحقيني ، مشى دخل غرفته وترك الباب مفتوح ،
توترت وهمست : اوف ياربي كله من جدتي ،
توجهت دخلت الغرفه بتوتر ناظرت فيه كان واقف يعدل شعره والتفت عليها وهمس : قفلي الباب ،
هزت راسها بالنفي بتوتر : لا اروح اساعد افنان ،
توجه مسكها من ذراعها سحبها لداخل ومد يده يقفل الباب،
الجده نوير كانت واقفه بالصاله تراقب و ابتسمت وقامت مشت دخلت المطبخ : يلا طلعي الاكل،
افنان : جدتي اعترفي كنتي تسوين هالحركات مع جدي؟
الجده نوير : يا بنتي هذول توهم متزوجين ما يعرفون هالحركات الرجال همه بطنه اذا اهتميتي في بطنه راح يحبك ،
رفعت نظرها تطالع فيه بتوتر قرب منها : ايش حركات المتزوجين هذي؟ همك بطني؟
غرام بتوتر : والله مو انا جدتي كذبت عليك ،
عقد حواجبه يناظر فيها : يعني ما همك انتي؟
هزت راسها بالنفي وصدت : لا ما همني ،
ابتسم لثواني ونطق : طيب يعني ماراح اكل ،
ناظرت فيها ونطقت : لا تاكل ،
هز راسه راسه وهو يطالع فيها ومد يده يبعد شعرها عن نحرها ونطق : متى بترجعين بيتك؟
نزلت راسها وهمست : الصباح لما يطلع ابوي ،
هز راسه لثواني ونطق : يعني يمدي ننام؟
فزت وهي تطالع فيه و..سكتت والتفتت من صوت الباب ،
توجهت تمشي لكن مسكها من ذراعها وسحبها لورا ظهره ومشى وهو يفتح الباب وناظر ل جدته : هلا جدتي ،
الجده نوير : تعالوا الاكل لا يبرد لاحقين على حركاتكم ،
سياف ضحك من كلامها وسكت والتفت عليها : تعالي.
مشت طلعت وهي تفرك يدينها بتوتر وسحبت الكرسي تجلس وقفتها الجده نوير : وين تجلسين اجلسي قدام زوجك ،
سياف مد يده يحك جبينه ونطق : وين امي وخالتي مهرة؟
الجده نوير : نايمين في المجلس من كثر السوالف ناموا ،
دخلت افنان ومشت وهي تجلس تناظر فيهم ،
سياف سكت ومد يده اخذ الملعقه وهو ياكل بهدوء ،
الجده نوير : مافي مكان بالغرفه و غرفة افنان اصايل و يوسف نايمين وفي المجلس ننام انا وافنان ف غرام تنام معك ،
غرام فزت وغصت بالاكل وقامت تكح بقوه ،
سياف التفت عليها ومد يده يمسح على ظهرها : بسم الله ،
واخذ المويا مد لها : اشربي ، شربت المويا دفعه وحده وتركت الكاسه من يدها ونطقت : ما انام مافيني نوم ،
افنان كتمت ضحكتها وهي تاكل ،
الجده نوير : اي اذا ما فيكِ نوم اجلسي مع زوجك ،
سياف ترك الملعقه من يده ووقف : شبعت الحمدلله ،
الجده نوير : اشكر زوجتك تراها تعبت تسوي لك ،
سياف : اي اشكرها بالغرفه و..سكت من لاحظ وجود افنان و توتر ومد يده يحك جبينه ومشى عنهم بسرعه ،
غرام رجعت غصت بالاكل وسحبت المويا تشرب ،
افنان كانت تضحك وهي تناظر فيها : شدعوه شفيكِ؟
غرام بقهر : مابي اكل شبعت كثر ما غصيت ،
الجده نوير : اي دامك شبعتي روحي شوفي سياف وش يحتاج،
غرام هزت راسها بالنفي : ما يحتاج شيء ،
طلع سياف ونطق بحده : افنان ،
افنان رفعت نظرها باستغراب : هلا؟
سياف : مين لمس اغراضي كم مره افهمكم لحد يدخل غرفتي ولا يلمس اغراضي !
افنان رفعت نظرها لـ غرام ونطقت : زوجتك والله مو انا ،
سياف سكت وناظر فيها : وين حطيتي ثوبي؟
غرام بخوف : في الدولاب بغرفتك ،
الجده نوير : قومي معه روحي علميه فين ،
غرام وقفت بتوتر ومشت وراه دخل الغرفه ونطق : اخلصي ،
مشت وهي تفتح الدولاب وطلعت ثوبه : هذا؟