اعذب غرام العاشقين

بارت ٢٥

#اعذب_غرام_العاشقين ٢٥،
-

-
مع امي و نروح نخطبها ؟
مرام هزت راسها بالنفي : توها صغيره ما يوافقون ،
عذبي : كيف صغيره هي بنفسها قالت اذا تخرجت اروح اخطبها!
مرام بتوتر : عذبي قفل هالموضوع يصير خير وقته ،
عذبي وقف سيارته عند البيت والتفت عليها : هي بخير متاكده؟ تكفين لا تكذبين علي مرام !
مرام نزلت نظرها وهمست : واذا قلتلك انها مو بخير؟
ناظر بصدمه : كيف مو بخير وشفيها ؟
مرام غمضت عيونها بضيق ونطق : يزوجونها لولد عمها ،
عذبي فز والتفت بصدمه وتجمد بمكانه من هول الصدمه ،
مرام سكتت لثواني وكملت : وقالت لي اقولك انكم انتهيتوا ،
رجف يدينه الي على الدركسون وسكت وهو مصدوم ،
-
سياف وقف سيارته ونزل وقف عند بيتها و ابتسم لثواني و رفع راسه يدور شباك غرفتها وعقد حواجبه يشوف شباكها مفتوحة،
وتوجه ياخذ الحجر من الارض و رماه اتجاه شباك غرفتها ،
كانت جالسه على السرير كل تفكيرها بـ افنان فزت من سمعت صوت الحجر وعقدت حواجبها : مين الكلب...سكتت وهي توقف تناظر بصدمه تشوف سيارته و واقف عند السياره ،
و رفع كفه ياشر لها تفتح الباب بدون ما يدق و ينقفط ،
ابتسمت بخفه ومشت بسرعه طلعت من غرفتها وناظرت مافي احد في الصاله ومشت تنزل لكن وقفت بصدمه تشوف ابوها جالس في الحديقه الخارجيه و توترت ووقفت تطالع فيه ،
فواز ابتسم : اهلين ب اميرتي تعالي اجلسي معي ،
مشت وهي تحك جبينها : غريب بابا صاحي الحين ؟
فواز هز راسه بالايجاب : اي يابنتي تعالي اجلسي معي ،
غرام مشت وهي تجلس جنبه وتلتفت حوال الباب بتوتر ،
فواز ابتسم بخفه : امك نامت و تركتني اسهر لوحدي ،
غرام بتوتر : الوقت تاخر يبه مو زين تسهر ،
هز راسه بالنفي : عزام تاخر ما رجع من عند جدك ،
غرام التفتت اول ما انفتح الباب و دخل عزام ومعه سياف ونطق وهو يضحك : لقيت حرامي عند الباب ،
غرام فزت ووقفت بتوتر تناظر فيه.
فواز ابتسم وهو يوقف : سياف ولدي!
سياف باحراج : جيت توقعت عزام في البيت وقابلته عند الباب،
والتفت يطالع بـ غرام بحده لانها تاخرت عليه ولا فتحت له ،
فواز بضحكه : تفضل ادخل داخل ،
سياف هز راسه و لحق عزام وفواز و توجه للمجلس ،
غرام مشت ركضت لغرفتها وطالعت بنفسها في المراية تشوف وجهها وهمست : اوف ياربي شكلي يفشل ،
سياف جلس جنب عزام وهو يسولف مع فواز و دقايق و فواز وقف يستاذن ومشى ينام ،
سياف التفت على عزام ونطق : دامنا لوحدك خلني اكلمك،
عزام باستغراب : شصاير؟
سياف سكت لثواني ونطق : لا تطلق زوجتك ،
عزام بصدمه : شلون؟
سياف : ليه تطلقها أصلًا؟
عزام اخذ نفس ونطق : هي طلبت ،
سياف : وجدي ناوي نيه قشره وانا مستحيل..
-

-
سياف : وجدي ناوي نيه قشره وانا مستحيل اوافق مو مقصدي نقص فيك لكن اختي يعني مستحيل ارضى تاخذ واحد كان على علاقه مع غيرها و..سكت من فهم عليه عزام وهز راسه بالايجاب ونطق : فهمت مقصدك ،
سياف سكت لثواني والتفت عليه : تفاهم معها ولا تطلقها فكر بكلامي وانت ادرى ب مصلحتك لكن كلام جدي وجدتي ماعاد لها اي اهمية عندي كل تفكيرهم يزوجونا عشان يعيشون براحه تفكيرهم بهالعمر كذا بس انت اسمع كلامي خلك من كلام جدي الفاضي ،
عزام نزل راسه وهو يمسح على وجهه ،
وكمل سياف : زوجتك صديقة غرام ومن زمن طويل اعتقد ف اكيد تعرفها اكثر منك شف وش يرضيها ما ظنتي الطلاق حل الانسب لكم !
عزام بهدوء : جدي عرف ب ماضيها ويقول انها قاتله و طلقها وانا عارف لو ابوي عرف هالموضوع راح يقول نفس الشيء ،
سياف باستغراب : اي موضوع؟
عزام اخذ ونطق : انها طعنت زوجها وكان دفاع نفس يخي بس وش يفهمهم الغلط مني اني تكلمت وعلمتهم ،
-
ام رباح بصدمه : وش قاعد تقول !
عذبي بحده : تروحون تخطبونها لي تكفين يمه تكفين ،
مرام كانت واقفه تناظر لامها الي مصدومه من عذبي ،
عذبي وقف جنب امه ونطق : طلبتك بالله يمه لا ترديني ،
ام رباح تجمدت بمكانها بصدمه : عذبي! ايش قاعد تقول انت! مستحيل يعطونك بنتهم ومستحيل يوافقون !
عذبي بحده : ليه مستحيل يمه ليه مستحيل هي تبيني وانا ابيها! مافي شي مستحيل يمه تكفين كلميهم ،
ام رباح التفتت عليه وهي مصدومه : تحبك هي!
مرام اخذت نفس : هُم على علاقه من فتره طويله و افنان انخطبت لولد عمها ،
ام رباح شهقت والتفتت على عذبي بصدمه.
عذبي مسك كفوفها بقهر : لا تقهريني في نفسي ي يمه تكفين ،
ام رباح هزت راسها بالنفي : مستحيل عذبي مستحيل ،
عذبي بصراخ : ليه مستحيل ليه يمه!
ام رباح : مو صاحي انت البنت انخطبت و تبغاني اروح لهم! لو كانت هي فعلًا تحبك وتبيك ما كان وافقت ،
عذبي هز راسه بالنفي : راح ترفض اذا رحتي خطبتيها وهم يوافقون والله يوافقون يمه ،
مرام بحزن : يمه تكفين عالاقل نحاول ،
ام رباح سكتت وهي تطالع بـ عذبي الي متمسكه بكفوفها ونطق بقهر وغضب : قسم بالله قهروني في نفسي ي يمه لا تقهريني انتي بعد والله راح اموت من قهري ،
ام رباح : اكلم ابوك و اشوف ،
عذبي هز راسه بالنفي : روحي بالاول انتي لوحدك اقنعيهم يمه تكفين روحي انتي انا متاكد اهلها يوافقون اذا رحتي انتي ،
مرام بهدوء : و افنان انسانه طيبه يمه لا تضيع مننا ،
ام رباح اخذت نفس : يصير خير نشوف ،
-
حنين اخذت شاور وطلعت ومشت وهي تعدل شعرها التفتت ناظرت رباح كان نايم واخذت نفس ومشت بهدوء عند الشباك تناظر...
-