اعذب غرام العاشقين

بارت ١٦

#اعذب_غرام_العاشقين ١٦ ،
-
افنان : تبي غرام ولا لا! اختصر الكلام!
سياف سكت بهدوء وهز راسه بالنفي : ما ابيها ،
افنان : من جت وانت عصبيتك طارت واضح تبيها ،
سياف : افنان والله اني مو طايق نفسي حتى ،
افنان ابتسمت : خلاص اخليها تقعد عندي بس اوعدني تسهرون الاثنين معي بغرفتي !
سياف رفع كتوفه : الله اعلم ،
افنان : اعرفك حيوان تسرقها مني!
سياف ضحك بخفه وتوجه يعدل شعره ومشى طلع ناظر لجدته لابسه عبايتها وتوجه لعندها : جدتي فين رايحه؟
الجده نوير صدت : رايحه بيتي ،
سياف تنهد بضيق : قسم بالله اعرف انك زعلتي من كلامها ،
الجده نوير : لا ياولدي بس رايحه جراح ينتظرني ،
سعد التفت : يلا جدتي بلاش تجلسين وتضايقين من هواشهم اكثر ،
سياف رفع نظره بصدمه يشوف امه : حتى انتي!
الجده نوير : اي اخذها معي يكفي هواشكم ما تشوفون حالتها! كل يوم تتعب حالتها اكثر من قبل من هواشكم!
مهرة طلعت ورا نوال وهي ماسكتها : يلا تعالي ،
سياف سكت بهدوء يطالع ولا له وجه يتكلم ،
افنان : جدتي مو تقولين ما تقدر تطلع!
الجده نوير : بس مانتي شايفه حالتها! لازم ناخذها المستشفى يعطونها مغذية واخذها عندي في بيتي ما تجلس عندكم ،
غرام رفعت نظرها تطالع ب سياف ،
سعد ابتسم : اوه حتى غرام جت عندنا ،
غرام هزت راسها بالايجاب : اي والحين امشي معاكم عند جدي،
افنان مسكتها : خير اجلسي عندي نتابع مسلسل ،
غرام رفعت كتوفها : ماما ما تسمح ،
افنان : تكفين خالتي خلي غرام عندي ،
مهرة : لا يا بنتي اخذها ابوها ينتظرها ،
افنان : مو انتي تروحين بيت جدي ؟ خلاص خليها عندي ،
مهرة : ليه انتي ما تمشين! امشي تهتمين في امك ،
افنان : اي انا و غرام نجي في الليل نبي نروح عند حنين بعد ريحانه اتصلت انهم يجهزون دبش حنين نساعدهم ،
مهرة التفتت على غرام : بخاطرك تروحين؟
غرام ابتسمت وهزت راسها بالايجاب : مقدر ارد افنان ،
مهرة ابتسمت : تمام ي امي روحي و عزام يرجعك ،
الجده نوير وسعد توجهوا يطلعون ياخذون نوال للمستشفى ،
سياف كان ويدينه بجيبه يناظر وتنهد بقلة حيل ومشى يلحق امه للمستشفى ،
-
اديب كل هالوقت كان مشغول مع اهله يتجهزون للعرس "
اديب كان يسوق ونطق : قسم بالله تعبت من شوق ل سوق حتى اصايل ما رجعتها من عند اهلها ،
ريحانه : باقي بس انا اخذ فستان و حنين تاخذ كم غرض ،
ام اديب التفتت على حنين : فستان العرس تاخذين مع رباح؟
حنين هزت راسها بالايجاب : اي ،
اديب وقف سيارته ونطق : ما انزل روحوا انتم ،
ريحانه : اوف اديب انزل ابي اخذ رايك في فستاني ،
حنين نزلت نظرها من رن جوالها و ردت : هلا افنان ،
افنان : انا و غرام نجيكم وينكم؟
-
افنان : انا و غرام نجيكم وينكم؟
حنين : والله حنا في السوق ليه ما كلمتوني قبل؟
افنان : ما كنت اعرف غرام تجيني ،
حنين : نخلص الحين و نرجع تعالوا ماعليكم ،
افنان بضحكه : لا انقلعي اذا رجعتوا كلميني ،
-
عذبي كان جالس على الكنب وبيده بطاقة دعوة العرس ويكتب الاسماء ونطق : نعزم مين بعد ي امي؟
مرام بتفكير : يخي ما يزعلون عمهم توه كمل شهر وهو ميت،
رباح : وحنا شدخلني  في عمه يعني بيرجع لو وقفنا العرس؟
مرام : لا ماله دخل بس مدري بكيفكم ،
ام رباح : لا تنسين مرام ترسلين دعوة العرس ل طليقة رباح،
رباح رفع نظره بصدمه ونطق : امي!
ام رباح : اي خلوها تجي ،
عذبي : ليه تسوين مشاكل ي امي يكفي اننا خبينا عليهم رباح عنده بنت !
مرام بتوتر : لا ما خبينا بنته عند طليقته صبا تربيها ما تجي هنا ف عادي ما يعتبر خبينا ،
عذبي وقف ونطق : بكيفكم سوو الي يعجبكم ،
ام رباح التفتت من دخل سالم ابو رباح ومشى وهو يجلس ويناظر لبطاقة دعوة العرس : رسلتوا للجيران؟
رباح هز راسه بالايجاب : للكل ي ابوي ،
سالم التفت يشوف البشت : هاه كيف عجبك!
رباح هز راسه : والله فنان الخياط ،
-
= بيت الجد جراح =
مهرة بصدمه : مدري سمعت يسون العرس هالشهر ،
نوال اخذت نفس ونطقت : عادي روحي انتي ،
مهرة : كيف عادي! عالاقل فهد يفكر ب موت اخوه!
نوال : لا انا رايحه ولا بناتي روحي انتي عادي ،
مهرة هزت راسها بالنفي : ماني رايحه والله ،
نوال : اكيد ليلة الحناء يسونها هنا وانا تركت افنان تروح تساعد حنين في الدبش لا يفكرون اننا حاسدينهم او زعلانين ،
مهرة : عالاقل ام اديب تفكر ليه مستعجلين كذا؟
نوال : خليهم ي مهرة يبون يفرحون في بنتهم اكيد ما يوقفون فرحتهم عشان موت اشرف ،
-
الجد جراح رفع نظره يشوف الجده نوير : ايش رجعك؟
الجده نوير صدت وهي تجلس : ما جيت عشانك ،
الجد جراح : بيجي يوم وتعرفين كنت على حق بكل شيء ،
الجده نوير بحدها : اي حق تتكلم عنه! حرمت العيال من شوفة ابوهم ولا تركت سياف يحضر عزاء ابوه!
الجد جراح رفع كفه : يكفي ي نوير كل شيء اسويه عندي سبب و..سكت وهو يشوف غسان و سعد دخلوا المجلس ،
سعد ناظر للجد جراح ونطق : جدي عدنان ولد المحامي تزوج،
الجد جراح عقد حواجبه : صدق؟ غريب ما عزمونا ،
غسان : يقولون ما سوا عرس مجرد عقد نكاح و اخذ العروسه،
الجد جراح : ليه ما سوو غريب ؟
سعد : ماعلينا انا كنت شاهد في نكاحه ،
الجد جراح سكت يناظر ووقف : اروح المسجد ، وتوجه وهو يطلع من المسجد مشى طلع لبرا عقد حواجبه يشوف سيارة عزام مشى لعنده عزام نزل وحاله و رفع نظره لجده ونطق والدموع بعيونه : ..
-
عزام مشى لعنده عزام نزل وحاله و رفع نظره لجده ونطق والدموع بعيونه : عجزت اعرف مين ي جدي ، وقرب وهو يحضنه الجد جراح اخذ نفس وهو يطبطب على ظهر عزام ،
-
افنان طلعت للصالة وبيدها كوبين قهوة غرام كانت جالسه تدور مسلسل مشت افنان ومدت لها : خذي ،
غرام ابتسمت ونطقت : ثانيكو شرايك نروح لشقة البنات؟
افنان : نترك اصول لوحدها؟
غرام : مدري بكيفك ،
افنان : هي نايمه بس ماراح نتاخر صح؟
غرام هزت راسها بالنفي : لا ما نتاخر نروح سريع ونرجع ،
افنان : طيب خليني اشوف غسان او سياف او سعد ياخذونا ،
بهاللحظه دخل سياف وقفل الباب توجه دخل الصاله ناظر لـ غرام كانت جالسه وفزت وقفت من شافته ،
افنان ابتسمت : الله جابك توي كنت بتصل عليك ،
سياف عقد حواجبه وهو يناظر ل غرام : ليه؟
افنان : نبي نروح انا و غرام لشقة البنات ،
سياف التفت يطالع ب غرام الي تحك جبينها تقلد حركته ،
وهز راسه بالنفي : اذا الي قدامك لبست النقاب ساعته اطلعها انا ، غرام رفعت نظرها بصدمه تناظر ،
افنان بضحكه : اوف سياف ماهي متعوده راح تتعود ،
سياف هز راسه بالنفي : ما اطلعها كذا والله تروح مع غيري ،
غرام صدت : على اساس انا الي ابي اروح معك ،
سياف : كم يوم و ترجعين لي اشوف مين يطلعك وقته ،
افنان التفتت على غرام : شرايك تلبسين؟
غرام بعناد : ماراح البس ،
سياف حط يدينه بجيوبه : مافي طلعه من البيت ،
افنان ضحكت ونطقت : يمه نسيت الحليب على النار و ركضت مشت المطبخ ، سياف كان ساكت يطالع ب غرام ،
غرام : نروح مشي لا تاخذنا ،
سياف قرب وهو يوقف قدامها : جربي ،
غرام بسخريه : ماني خايفه منك اهتم ب حنين انت ،
سياف رفع نظره بصدمه ونطق : مين قايل لك عنها!
غرام : ما يحتاج احد يقول لي عارفه كل شيء ،
سياف هز راسه : طيب منهي؟
غرام صدت بتمشي بقهر مسكها من ذراعها : جاوبي ،
غرام سحبت ذراعها منه : اتركني ،
سياف سحبها له : جاوبي ليه ساكته! تدورين مشاكل صح؟
غرام رفعت نظرها بصدمه : انا ادور مشاكل!
سياف : اي انتي مين غيرك يعني! ماضي وانتهي ليه تدورين مشاكل؟ رايحه تنبشين في ماضي حياتي لهدرجه انتي فاضيه!
غرام بدموع : انا انبش في ماضي حياتك ولا انت الي...سكتت من دفها سياف ونطق : اصايل خربت عقلك مو!
غرام صدت وجهها و دموعها تنزل دخلت افنان وناظرت بصدمه وشهقت : غرام ليه تبكين!
سياف بحده : نظفي عقلها و افكارها ال...قاطعته غرام و رفعت نظرها بدموع : ما يحتاج تنظف عقلي عارفه كل شيء ،
سياف وقف قدامها : اي قولي ايش الي فاهمه ؟
اصايل كانت وراهم وضحكت : تهاوشوا الحبايب ،
سياف التفت بصدمه يطالع فيها غرام رفعت..
-
اصايل كانت وراهم وضحكت : تهاوشوا الحبايب ،
سياف التفت بصدمه يطالع فيها غرام رفعت نظرها ل اصايل،
اصايل مشت وهي تجلس : غريب سكتتوا؟ كملوا بشوف ،
سياف رفع نظره ل غرام ونطق : امشي قدامي ل غرفتي ،
غرام هزت راسها بالنفي وصدت : لا تكلمني وانا رايحه بيتي ،
اصايل : اوتششش ،
سياف غمض عيونه بقهر ونطق : غرام!
افنان بخوف : خلاص يخي شفيك فهموني شصاير لكم؟
غرام التفتت على افنان : مين حنين ي افنان!
اصايل ابتسمت : حنين كانت زوجته ،
سياف التفت بصدمه على اصايل : كانت زوجتي!
اصايل : اي نسينا ايام كنتم تطلعون مع بعض و تتعشون ؟
غرام رفعت نظرها تطالع بـ سياف الي يضحك بسخريه وهز راسه بالايجاب والتفت على غرام : هذا الي كنتي تبينها صح؟
غرام صدت عنه قرب سياف مسكها من ذراعها وسحبها معه،
اصايل بضحكه : يوه شدعوه معصبين كذا ؟
افنان : اصايل ليه تدورين مشاكل!
سياف رماها لداخل وقفل الباب : ايش تبين بالضبط!
غرام بدموع : انا الي ايش ابي ولا انت!
سياف بصراخ : لانك مصدقه كل كذباتها ،
غرام بحدها : كلهم يكذبون وانت الصادق صح!
سياف هز راسه ونطق : سالتي من امك مين حنين!
غرام : ما يحتاج اسال من احد وصلني الجواب من اختك ،
سياف غمض عيونه بقلة حيل : تسمعيني ولا ناويتها صراخ!
غرام : مابي اسمع شيء ، رفعت جوالها تتصل على عزام لكن قرب سياف وسحب منها الجوال : ما تطلعين من هنا الا لما تسمعيني مفهوم!
غرام اخذت نفس ونطقت : ماني بحاجة اسمع شي ،
سياف : الا تسمعيني مفهوم! ، غرام سكتت وهي تناظر فيه ،
قرب و رمى جوالها بقوه على الارض : ليه ما تسمعيني ليه! احترق ولا همك رايحه تنبشين في ماضي حياتي ما همك الانسان الي قاعد يحترق بسببك حطوا اللوم علي كلهم سكتت ولا تكلمت بشيء اخذتك بدون رضا امي ذيك الليله الحين جايه تناقشيني على شي في الماضي!
غرام بهدوء : كان ما اخذتني اجل ،
سياف بصراخ : انجبرت انجبرت اخذك ماقدرت ارد جدتي قسم بالله لو رجع فيني ذيك الليله ما طالعت بوجهك حتى ،
غرام بدموع : ليه يرجع ذيك الليله؟ اتركني الحين باقي ما فات الفوت يمديك تطلقني و ترميني ،
سياف ضحك بسخريه : اي اكيد عشانك عند اهلك صح؟ اي عارف ليه تنبشين في الماضي و تدورين شيء تدورين زله عشان تتركيني بس انا الحمار الي...سكت وصد يلقط انفاسه ،
غرام صدت عنه وهي عارفه انه انفجر من كثر ما تحمل موت ابوه وهواش اصايل والمشاكل الي صار والكل كانوا يلومونه،
سياف التفت عليها ونطق بهدوء : نتفاهم ؟
رفعت نظرها تشوفه يحاول يهدي نفسه وهزت راسها بالايجاب،
غمض عيونه وهو ياخذ نفس ونطق : ...
غمض عيونه وهو ياخذ نفس ونطق : كانت خطيبتي وانتهينا من فتره وهي الحين انخطبت و زواجها قريب ريحيني تكفين ،
التفتت عليه ولا تكلمت بحرف وهي تناظر فيه ،
قرب منها ونطق : محد يساوي غلاكِ بـ قلبي مفهوم!
كانت ساكته تطالع فيه بهدوء قرب اكثر وهو يطالع فيها غمضت عيونها من قُربه وهي تسمع صوت انفاسه وكيف معصب وسكت لثواني و رفع نظره لها : اسف ،
صدت وجهها و نزلت دموعها وهمست : طلبت منك ما تتغير ،
هز راسه بالنفي ونزل يده يمسك كفوفها : ما تغيرت ،
رفعت نظرها بدموع : رفعت صوتك علي ،
مد اصبعه يمسح دموعها : خفت يدخل بقلبك شك عني خفت يزرعون بقلبك الشك رفعت صوتي عشان تسمعيني و تنزعين هالشك لا يدخل بقلبك شك عني ما اتحمل جفاكِ و صدك و انا والله اني ما اتغير بدون سبب لكن وقت ما اتحمل اكثر من اللازم اتغير بشكل فضيع ومرعب لا تصدين عني ما نبت ورد الغرام الا على كفينك ..وقرب وهو ينزل نظره لـ ثغرها وغمض عيونه وقرب يقبلها رفعت كفوفها لورا ظهره و رجفت يدينها،
بعد عنها و رفع نظره يطالع فيها ونطق : اسف ،
سكتت بهدوء والدموع بعيونها تطالع فيه ،
-
طول الليل كانت سهرانه لوحدها مشت طلعت البلكونه وبيدها كوب القهوة وسرحانه تناظر من البلكونه بهدوء ،
دخل الغرفه يدورها لكن رفع نظره يشوفها في البلكونه توجه وهو يدخل عندها ووقف جنبها ونطق : ماراح تموتين ترا اذا ناويه تنتحرين من هنا المسافه ماهي طويله ،
التفتت عليه بهدوء وابتسمت بسخريه وصدت تناظر ،
سكت وهو يطالع فيها : حلوه ،
رفعت نظرها ونطقت : حاول انك ما تستفزني عشان ما...سكت من قرب منها عدنان ونطق : هاربه هنا و تهديد مو ناويه ننام؟
قربت وهي تناظر فيه : عندك يومين تنام فيهم براحتك قبل اصير لك كابوس بحياتك حتى بعز منامك تشوفني ،
ابتسم بخفه ونطق : اجمل كابوس اذا اشوف هالجمال ،
ريماس اخذت نفس ونطقت : ما انصحك تلعب معي ،
حط يدينه ورا ظهره ونطق : ليه هالتهديد وهالعداوه؟ تزوجت منك و صحصحت غلطتي ف ليه كل هالحقد ؟
ريماس هزت راسها بالنفي : لا تفكرني مبسوطه اني تزوجت منك ي ولد المحامي والله لا اخلي زلتك على كل لسان ،
قرب ومسكها من ذراعها : لا تحاولين تسوين شي راح تندمين!
دفته ونطقت : والله لا اهد فيك الارض والدنيا والعالمين كله والله انك حتى لو عطيتني من حُبك اجحده و اصده و ارده ولو شفتك تموت قدامي ما قربت منك ،
هز راسه لثواني ونطق بحده : ايش ناويه فهميني !
هزت راسها بالنفي : الوقت يعلمك ، وصدت وهي تمشي ،
لحقها دخل وراها و رفع نظره : لا تتوقعين...