اعذب غرام العاشقين

بارت ١٥

#اعذب_غرام_العاشقين ١٥،
-
غرام سكتت بصدمه ونطقت بدموع : والله ما كنت ادري ،
سياف بعصبيه : اذلفي اطلعي معه اذا ميته تشوفينه مو تعزمينه في بيتي! وصد بيمشي لكن مسكته من ذراعه وهي تبكي : سياف والله اسفه ما كنت ادري ،
غمض عيونه يلقط انفاسه بغضب : وش اسوي فيكِ! تكلمي!
نزلت راسها ونطقت : ما كنت ادري بكل هذا والله ،
سياف التفت من سمع صوت السياره وعرف انه سيارة عزام وناظر لـ غرام : امسحي هالدموع وغسلي وجهك واطلعي ولي تفاهم ثاني معك اجي الليله عندك ،
سكتت بصدمه وهمست : اروح بيتي،
هز راسه : اعرف تروحين بيتك وانا جاي في الليل عشان اخوكِ اكلمه عنك ،
سكتت بتوتر وهزت راسها بالنفي : مو اليوم الله يخليك ،
سكت واخذ نفس : طب روحي قبل تجي خالتي تشوف هالدموع ويقولون اني قاسي عليكِ ،
ضحكت ع كلامه من بين دموعها ومشت لداخل ،
-
عزام كان سرحان كل هالوقت حتى ما جلس مع اخته زين ولا سولف معها من همومه والتفت من شافها ركبت وابتسم بخفه والتفت عليها : ياهلا وينها امي؟
غرام : قاعده تودع خالتي بتجي الحين ،
عزام : اي خلينا من امي تجهزي ابوي وش مسوي لك ،
عقدت حواجبها باستغراب : وش مسوي؟
رفع كتوفه : ما اعلمك ، و رفع كفه ونطق : شوفي انجرحت بسببك وانا اجهز لك المفاجاة ،
ناظرت ونطقت بخوف : حتى ما مسحت الدم!
هز راسه بالنفي : مستعجل ف ردة فعلك ،
مدت يدها مسكت كفوفه وهي تناظر وهمست : يوجعك؟
هز راسه بالايجاب : مره ،
ضحكت من شافت انه يطقطق وضربته على كتفه : كذاب ،
عزام ضحك والتفت وهو يشوف امه ركبت مهرة والتفتت عليه وهمست : ابوك رجع؟
عزام هز راسه بالايجاب : اي في البيت ،
وحرك سيارته متوجه للبيت وهو مبتسم ،
-
الجد جراح : يعني ماهي ناويه تجي؟
افنان : والله ياجدي مقفله باب الغرفه ما تفتح ،
الجد جراح : قولي له اذا رحت ماراح ارجع مره ثانيه ،
افنان : جدي الله يخليك لا تعصب كله كم يوم وبنفسها تجيك،
الجد جراح سكت وصد بيمشي ، افنان اخذت نفس ومشت وهي تطلع توجهت دخلت ناظرت ل اصايل تنوم يوسف ومشت لعنده : هذا الحيوان كل وقته ينام !
يوسف فتح عيونه ونطق : خالتي مابي انام قولي ل ماما ،
اصايل : اي تروح تكسر كل كاسات البيت صح!
يوسف هز راسه بالنفي : ما كسرت كان بالغلط ،
افنان : اجل تستاهل ،
-
غرام كانت ماسكه جوالها ونطقت : توي بالسياره رايحه البيت كيفها ريوف والله اشتقت لكم ،
جنان اخذت نفس : حنا بخير بس اشتقنا نشوفك ،
غرام ابتسمت بخفه : اجيكم الصباح ولا يهمك الحين خليني اقفل اكلمك في الليل ، قفلت الخط وناظرت عزام وقف سيارته وفتح لها الباب ومد يده ابتسمت ومسكت يده ونزلت باستغراب طلع المفاتيح من جيبه ومد...
-
-
باستغراب طلع المفاتيح من جيبه ومد يده يفتح الباب ،
و توجهوا يدخلون كانت ماسكه كفوفه دخلوا الصاله رفعت نظرها تشوف الانسان الي لابس الشماغ والثوب و واقف يعلق البلونه والتفت على الصوت وتجمد بمكانه وهو يشوفها ،
عزام ابتسم بخفه والتفت على غرام يناظر فيها غرام نزلت دموعها و ركضت وهي تحضنه فواز غمض عيونه وشد عليها ونزل دموعه على كتفه ونطق : ءبنتي ،
ماكان مصدق انه حضنها وأخيرًا وبنته اليوم صارت بين احضانه قضى كل عمره وهو يدورها و متحسر على عمره و يلوم نفسه وتحمل كل شيء تحمل صد ولده عزام عنه تحمل كل شيء عشانها كان عنده يقين انها ترجع له كل مره كان يسجد و يدعي بكل يقين و ربي ما يخيب ظن عبده فيه كان واثق وعنده يقين انها ترجع له مهما مرت سنوات ومن شاف ابوه سجل اسمها باسمه هنا اثبت انه كل ظنونه و يقينه صح و ربي استجاب دعواته وقريب يلتقي فيها ، وفعلًا ربي ما خيب ظنه و التقى فيها ،
غرام ناظرت فيه بدموعه ونطقت : كيفك؟
هز راسه بمعنى انه بخير و رجع حضنها والدموع بعيونه ،
عزام ابتسم وهو يجلس على طرف الكنب ويناظر فيهم نزل نظره من رن جواله وناظر للرقم كان سياف قفل الخط و رفع نظره يطالع ونطق : يعني ما نخلص من هالدموع!
فواز التفت عليه وهمس : اسكت انت ، وناظر لـ غرام وهو يجلس ويجلسها جنبها ونطق : رجعت لي اميرتي وحبيبة قلبي وش ابي اكثر من كذا؟ اذا ما ابكي ف ايش اسوي؟
عزام بضحكه : طيب الكيكه الي طلبته ما تذوقونه يعني؟
مهرة ناظرت وهمست : ابوك ما يبغى يذوق شيء بس يبغى يجلس مع بنته ويسولف معها طول اليوم ،
غرام مسكت كفوف فواز ونطقت : ابوي ،
فواز فز من سمع هالكلمه منها والتفت عليها : هلا يا اميرتي،
عزام : اها اوكيه الله يوفقكم مطرود من كرت العايله بعد ما شفتوا بنتكم ماعاد همكم ولدكم ،
غرام بضحكه : انت اخذت كل الدلع الحين دوري ،
عزام مشى وهو يجلس جنبها : لا والله ما دلعوني ،
مهرة شهقت : و تكذب بعد!
عزام هز راسه بالنفي و رفع ذراعه يحضن غرام : والله صادق ،
غرام ابتسمت وهي تحط راسها على صدر عزام : والله عيب ما دلعتوه بدوني والحين ما اسمح لكم تدلعون غيري أصلًا ،
عزام شهق والتفت عليها : بدينا هالحركات؟
فواز ابتسم وهو يطالع وهز راسه : مافي دلع غير ل بنتي ،
غرام ضحكت وهي تبعد عن عزام : سمعت!
عزام هز راسه : اي سمعت بس وين زوجك ؟
غرام التفتت على ابوها ونطقت : يعني تطردوني له؟
فواز استوعب و رفع نظره ل مهرة ونطق : والله ما تروحين ،
عزام بضحكه : على اساس اتركك له انا؟
غرام تنفست براحه : خفت طفشتو مني من الحين ،
مهرة : عزام ي امي من الحين تطفش اختك؟ .