اعذب غرام العاشقين

بارت ٢٤

#اعذب_غرام_العاشقين ٢٤،
-

رباح كان يسوق وحنين جنبها ونطقت : وين رايحين؟
رباح اخذ نفس : لفندق نجلس هناك كم يوم ،
حنين عقدت حواجبها : مو المفروض بيتك؟
هز راسه بالنفي : لا امي رافضه تبي حفلة زواج وانا والله مليت من هالانتظار خلي الامور بيني وبينك لا يوصل شيء لاهلي ،
سكتت باستغراب ونطقت بعد ثواني : كيف يعني؟
التفت عليها وهو يوقف سيارته : يعني نعيش بالفندق كم يوم اكيد ماعندك مانع في النهايه انتي زوجتي وانا ما ودي اعاند مع امي مو ناقص وجع راس ،
هزت راسها بالايجاب وسكتت ، و ابتسم لها بخفه ونزل من السياره ونزلت معه ومد يده مسكت يده بصمت ،
توجهوا وهم يدخلون الفندق مد يده فتح الباب و دخل ،
وماسك الشناط و دخلت وراه وقفل الباب ،
مشت بهدوء تحط عبايتها وكانت لابسه فستان احمر ،
توجه وهو ينزل شماغه من راسه ويحطه على الطاوله والتفت عليها وناظر فيها و ابتسم وهو يشوفها : وش هالزين؟
اخذت نفس بتوتر ونطقت : بدخل الحمام ،
هز راسه بالايجاب : بس اطلب لك شيء تاكلين؟
هزت راسها بالنفي : لا ما ودي اكل شيء مو مشتهيه ،
-
غسان تجمد بمكانه وهو يقرا رسايلهم ويشوف صورة عذبي فز قلبه من قوة الصدمه وكيف افنان عندها هالحركات وكيف تسوي كذا و تكسر ثقة اخوانها فيه! يعني ريوف كانت صادقه وكذبت لاجل تنقذها! وهو غلط عليها وقذفها بسبب اخته! تغير ملامح وجهه وهو مصدوم ،
ام سياف ابتسمت : عمك وصل شكله ،
فز من صوت امه الي قاطعت تفكيره ووقف وهو يحط جوال افنان بجيبه ونطق : اذا جت افنان ارسليها عندي ، ومشى دخل غرفته وقفل الباب ووقف وهو مصدوم ،
-
غرام طلعت من غرفة افنان وهي مبتسمه ومشت ركضت تطلع من سمعت صوت ابوها وتوجهت تحضنه : ابوي ،
ابتسم وهو يقبل جبينها : ياهلا ب اميرة ابوها رحت مكه و دعيت و حمدت ربي الف مره على وجودك و رجعتك ،
ابتسمت وهي تقبل يدينه : اشتقت لك وين امي؟
الجد جراح بضحكه : خلي يدخل يرتاح امك راحت داخل ،
فواز : يبه راحتي بوجودها وين ارتاح بدونها انا ،
غرام بضحكه : لا تقص علي بهالكلام ماراح امشي معك اروح اشوف امي اشتقت لها هي بعد ، فواز ضحك و تركها ،
مشت دخلت داخل ناظرت مهرة جالسه مع نوال ،
ونطقت : امي ، مشت وهي تحضنها ، مهرة وقفت وحضنتها وابتسمت : اشتقت لك يا بنتي والله وحشتيني ،
غرام ابتسمت تجلس جنبها وحطت راسها على كتفها ،
-
-
افنان دخلت غرفتها والدموع بعيونها و ترجف بخوف شافت غسان مو موجود و امها قالت لها انه ينتظرها في غرفته ركضت تقفل باب غرفتها وجلست على السرير وهي تبكي بخوف ،
و رجعت شعرها لورا وهي ترجف انسدحت على السرير تتغطى باللحاف وتحاول تنام وتهرب ،
-
جنان كانت جالسه مع ريوف تسولف معها و ريوف ترسم والتفتت من وصلتها رساله واخذت جوالها ابتسمت تشوف غرام مصوره مع امها و راسله لها ابتسمت بخفه تشوف فرحة غرام ونطقت : مين يصدق الدنيا لهدرجه قصيره وحبل الكذب قصير كيف كل حياتها كانت كذبة والحين ربي عوضها بكل شيء،
ريوف رفعت نظرها باستغراب : مين؟
جنان رفعت جوالها توريها الصوره ،
ريوف ابتسمت : اوف اشتقت لها الحيوانه ،
جنان : تصدقين حتى انا اشتقت لها بس مبسوطه من فرحتها،
ريوف : يارب تجيب بيبي صغيرون و تتركها عندنا بالشقه ونهتم فيها ونغير لها ، وضحكت من تفكيرها ،
جنان ابتسمت : تتوقعين تتركها عندنا؟
ريوف : اي ونهتم فيها حنا وهي تروح مع سياف ،
جنان : هالله تتوقعين ايش اسم تختار ؟
ريوف بتفكير : الصراحه يبي له تفكير ذوق غرام صعب ،
-
غسان كان جالس على الكنب بعصبيه ينتظرها لكن ما جت و رجع اخذ جوالها لكن تافف وسكت يشوف يطلب باسورد واخذ نفس يمسك نفسه و اعصابه وتوجه يمشي للمجلس ،
الجد جراح : كان زحمه ولا كيف؟
فواز : والله زحمه مره ي ابوي ،
دخل غسان و قاطعهم ونطق : السلام عليكم ،
الجد جراح : وعليكم السلام ي ابوي ،
فواز ابتسم : وعليكم السلام ياهلا ،
بهاللحظه دخل سياف ونطق : السلام عليكم، الكل ردو ،
سياف مشى وهو يسلم على فواز وجلس جنبه : كيفك عمي؟
فواز ابتسم : بخير ياولدي بخير كيفكم انتم ووينه عزام؟
سياف التفت على الباب : جاي الحين كان معي ،
دخل عزام ومشى وهو يسلم على ابوه سياف انسحب من بينهم وطلع توجه لمجلس الحريم ابتسم وهو يشوف مهرة وامه وتوجه ونطق : السلام عليكم الحمدلله على السلامة خالتي،
غرام ابتسمت من شافته ومدت يدها تعدل شعرها ،
مهرة : وعليكم السلام الله يسلمك ي امي انت ،
الجده نوير : غرام جيبي مويا ل زوجك ،
سياف هز راسه بالنفي : لا لا مابي شربت توي ،
غرام سكتت وتوجهت اخذت دلة القهوة تصب له،
سياف التفت على مهرة : كيف كانت الاجواء ي خالتي؟
مهرة : والله ياولدي حر حر وما شاء الله زحمه مره ،
غرام مشت وقفت قدامه تمد له ابتسم ونزل نظره وبيده السبحة ونطق وهو ياخذ القهوة منها : يعطيكِ العافيه ،
غرام همست بخفوت : اي قدام امي نزل عليك الاحترام ،
كتم ضحكته من سمعها ، غرام مشت جلست وهي تناظر فيه،
-