اعذب غرام العاشقين

بارت ٢٢

#اعذب_غرام_العاشقين ٢٢،
-

جنان بهدوء : يطلقني قريب ،
غرام و افنان و ريوف كلهم شهقوا بصدمه : ليه؟ شصاير ؟
جنان بهدوء : بس تزوج مني عشان موضوع وتخلصنا ،
غرام : موضوع ايش؟
جنان : بنات تكفون لا تسالون شيء بس خلاص ،
غرام سكتت ما تبي تتكلم معها وتضغط عليها قدام البنات،
جنان التفتت على افنان : خليكم مني قولي مين هو؟
افنان ابتسمت بهدوء : اخو زوج حنين بنات والله كل شي صدفه،
غرام بصدمه : بالله؟ اقول علمينا كيف ومتى و شافك ولا لا ،
-
رباح كان جالس يلعب مع بنته و رفع نظره يشوف دخل عذبي وبيده الاكياس و مرام و ام رباح وراه و توجهوا له ،
مرام بصدمه : جوجو عندنا!
رباح : اي جابتها ل كم يوم و تاخذها ،
ام رباح بصدمه : كيف تجيبها وبعد كم يوم زواجك!
رباح : ليه يمه ايش المطلوب مني اوقفها ! تراها بنتي بعد!
عذبي : يخي حنا كذبنا ليه تجيب الغاز جنب النار بهالوقت ،
رباح صد : ما يهمني بس بنتي من حقي انها تكون قدام عيني ل كم يوم وترجع لامها ماعندي مشكله ،
ام رباح جلست على الكنب : لا تصير مجنون ي رباح ،
عذبي اخذ نفس ونطق : استاذنكم وتوجه مشى لغرفته ،
دخل وغمض عيونه بتعب توجه ينسدح على السرير سكت لثواني من تذكر افنان و ابتسم بخفه اخذ جواله يتصل عليها،
افنان كانت جالسه مع البنات يتابعون فلم ابتسمت من شافت اتصاله و دخلت الواتس ترسل له " مقدر اكلمك الحين "
عقد حواجبه و رد : ليه ايش عندك؟
اخذت نفس وكتبت " مع البنات عذبي بعدين اكلمك ،
-
سياف بصدمه : جدي!
الجد جراح : الولد طيب ويخاف ربه ويصلي ليه نرفض؟ وانت تعرف ابوك كان علاقته قويه مع ابو مجيد و ما شاء الله على مجيد انسان كفو و راح يصون اختك ،
غسان سكت وهو يطالع بـ سياف ونطق : جدي صادق ،
سياف : ايش جدي صادق! مستحيل اوافق ي جدي انا اعترف ماجد رجال ونعم فيه ويشتغل معي بنفس الشغل لكن اعتذر ي جدي افنان مستحيل اخليها تتزوج الحين ،
الجد جراح : وحنا ما قلنا تتزوج الحين مجرد كلام لا اكثر ،
سياف صد واخذ جواله اول ما رن و رد : هلا اديب ،
اديب بهدوء : وينك سياف تقدر تجيني.
سياف عقد حواجبه من صوته ونطق بخوف : شصاير اديب؟
اديب بدموع : سياف الله يخليك تعال وين ما كنت ،
سياف تجمد بمكانه من الصدمه ونطق : وينك انت؟
غسان التفت عليه بخوف يناظر والجد جراح انصدم منه ،
سياف قفل الخط و تركهم وصد يركب سيارته ويحرك ،
غسان بصراخ : سياف شصاررر ،
سياف حرك و توجه للمستشفى باسرع ماعنده بعد عدة دقايق وقف سيارته ونزل و ركض يدخل المستشفى وقف عند الاستقبال ونطق : اصايل بنت اشرف ، وعرف منهم رقم الغرفه و ركض توجه للغرفة وقف بصدمه وهو يشوف اديب وقرب..
-

-
و ركض توجه للغرفة وقف بصدمه وهو يشوف اديب وقرب منه ونطق بخوف : شفيها اصايل!
اديب رفع نظره وعيونه احمر و مد له الاوراق وصد ،
سياف سحب منه الاوراق و وقف وهو يقرا وتجمد بمكانه من هول الصدمة و رفع نظره لـ اديب : ايش هذا!!!
اديب صد وهو يبكي : هذا الحقيقة الي حاولت اخبيه عنكم حاولت ل علاجها بس مو بيدي يا سياف والله مو بيدي ،
سياف رمى الاوراق بوجهه بحده : شقاعد تقول انت !
اديب اخذ نفس بقلة حيل ونطق : تعبت قسم بالله ي سياف كان كلي امل انها تتعالج و اعلمكم بس مو بيدي شيء ،
سياف صد يمسك راسه من قوة الصدمة وغمض عيونه من هول الصدمة لدرجه حس احد كب عليه مويه باردة ،
اديب نطق بهدوء : جت من عندكم كانت متهاوشه معك كانت معصبه و توقعت راح تتحسن مع الوقت نفس كل مرة بس طاحت علي واخذتها المستشفى وقالوا لي عندها هالمرض الخبيث معها سرطان و لازم الحق قبل ينتشر بجسمها كلها وانا والله ما تركت مستشفى ما رحت وقالوا لي الامورة بسيطه تتحسن مع الوقت عشان كذا ما علمتكم كنت انتظر تتحسن واليوم هي عرفت انك رحت وخطبت زوجتك ولا عطيتوها خبر تجمعتوا بدونها بكت كثير ما حست ع نفسها الا وهي طايحه قدامي يوم جبتها قالوا اني تاخرت و انتشرت المرض بجسمها كلها ماني عارف ايش اسوي ما تذكرت احد غيرك ،
سياف كان ساكت مصدوم وغمض عيونه من كلام اديب وهز راسه بالنفي وقرب مسكه من ياقته : لو اختي صار فيها شيء والله اني ما اتركك والله ادفنك ما اتركك وصد عنه ، واخذ الاوراق و توجه يمشي للدكتور يبغى يتاكد يبغى يعرف كل شيء مستحيل اصايل تمر بكل هذا التعب بدونهم بدون ما يعرفون،
اديب غمض عيونه بتعب ومشى عند الزجاج يناظر فيها كانت على السرير والاكسجين عليها ،
-
حنين : ماما تجي بعد شوي لا تصير دلوع ي يوسف ،
يوسف بدموع : حنين طيب خذيني عند افنان ،
ريحانه : ي شين الدلوع حنا مو مالين عينك!
يوسف : ريحانه انتي خذيني الله يخليكِ ابي اشوف خالي سياف،
حنين : اجل انقلع الغلط مننا جالسين معك ،
ريحانه بضحكه : بس مافي احد ياخذنا ي يوسف ،
يوسف : اتصلي على جدتي انا اكلمها ترسل خالي ،
ريحانه ابتسمت ومدت له الجوال : يلا انتظرها ترد ،
الجده نوير كانت جالسه تسولف مع الجد جراح عن مجيد ،
غسان التفت عليهم : سياف ما يرد حاولت رايح ادوره ،
ام سياف بخوف : يارب رحمتك يالله لا تفجعني في عيالي ،
حطت يدها على قلبها بخوف ،
سعد توجه لها : نوال اهدي مو صاير الا كل خير ،
ام سياف بدموع : قلبي مو متطمن مدري وين راح ما يرد ،
الجده نوير التفتت من رن جوالها و ردت : هلا ري....قاطعها يوسف ونطق : جدتي ..
-