#قلب_ وساق

البارت الثامن♥️

مرحبا نسماتي شلونكم شخباركم ان شاء بخير
نسماتي انتضروني بقصة جديدة وكلش حلوة
بيها عبرة وبيها هوا اشياء توعية وفهم للإنسان
هي قصة قصيرة كلش بس اكيد راح تاخذون منها درس

وهسا قلبوشاتي علقوا بين الفقرات ونطوني ارائكم الحلوة
ونجمة من اصبعكم الحلوة مكافئة على تعبي ردولي
بتعليقاتكم
وان شاء الله ما راح أقصر وياكم

#رواية _قلب_ وساق

#الكاتبة _فاطمة

البارت الثامن♥️

- مَـا نَاسيّك
بَس والله الظرُوف هَواي
و أحِس بثنينهِن
مِشتاگ ومقصَر
آنـهّ لو عَايفك ما چان أفِز باللٌيل
و أشبُك صُورتَك و ثنينا نچمُر
آنـهّ بأصعّب ظرَف مَريتّ
وأنتَ تكِلي متغِير
و شلـون أنسَاك
أحِبَّك مِن الآبهّر
و أعبد السَواك
لو شَمرة فراش البي
مَرض مُعدي يشمُرونِي
" ولا فَرگــاك " .

ماسة :روتيني ممل كلش من الصيدلية للبيت ومن البيت للصيدلية بعد خطوبة سارة قررت اكول الهم انروح انغير جوو لان كلش ضايجة ومالة من البيت أسامة
كل يوم اشوفة قريب من الصيدلية حتى شكيت
بي يراقبني اخر مره حجيت ويا جان بخصوص
سارة وايهم
اووف والله كلش اشتاقلة وخصوصاً من اشوفة
قريب من الصيدلية گلبي يرجع يدك اله يا ربي
عيني ونسيني لان مو بسهولة اتخلص من حب اتولد
من الطفولة

اليوم كلت اروح من وكت لأن عندي شكم شغلة
ونقص بالصيدلية اسجلهم هل ايام ما مرتاحة
ابد للولد الي يطبق يمي
واسامة هم جان قبل يحذرني من عندا
بس هوا ما بادر من عندا شي بس اني ما مرتاحتلة
رحت مثل كل يوم فتحت الصيدلية وضليت افتر بيها
واكتب النقوصات حسيت اكو حركة وراية
ما اهتميت
رجعت مرا ثانيه الحركة انداريت فزيت من شفت أحمد واكف وراية ومتكتف

شهكت بخوف وحجيت
احمد شعندك هنا وليش ما طلعت صوت خوفتني

احمد :اوووف اميرتي خافت شفتج ملتهية
وما ردت ازعحج

ماسة :خفت من شكلة لان جان ابد مو تمام
ما ادري شبي وعبالك مثل الدايخ ومدري شلون يحجي

اااا احمد بيك شي ليش هيج تحجي وما متوازن
بوكفتك

احمد :ش شنو شش شبيججج للييششش ههلل خوووف
ت ترااا ما ااكلللججج
وما بيه شي لا تخافين مني ما ائذيج
كملي شغلج ما ازعجج

__لا عادي مااا خايفة واني خلصت راح اطلع شويا
وارجع

احمد :وين ترحين

ماسة :ما اروح البعيد هنا مكان قريب بس اشتري شكم شغلة وارجع لان ما متريكة
جنت احجي ويا والعب بالموبايل لان كلش خفت من عندا ردت احد ينقذني انتبهت عليه بدا يتقدم باتجاهي
رجعت عيني للموبايل شفت اسم اسامة
ما جان عندي غيرة كبل صغطت اتصال