إلى متى ؟
وأنت تُحدق في الدقائق
تُحدق في سقف غرفتك
تُراقب الحُزن من بعيد
تُحدّث الأرق عن أخر فكرة خُلقت في خيالك
تُفتش عن الطمأنينة وعن ذلك السكون
الذي فقدته أثر حادث طفوليّ
تُفتش عن أيّ شيء بأمكانهِ أن يجعلك تضحكُ من القلب
أن تنام دون خوف او قلق
تُفتش عن وجهٍ تعرفه
يقودك إلى الجنة بصورةٍ وأبتسامة عفوية
كم هو أحمقٌ هذا الفراغ
بائسٌ هذا الليل وعاجزٌ هذا الفجر
رتابةٌ واضحة و فمٌ يرتبك أمام كمّ السنوات الضائعة في البحث.
أظن بأن كل ما عليك معرفتهُ الآن
هو أن هذهِ الأيام تمر بصعوبةٍ بالغة
فقد نضج بداخلي وحش الوِحدة، كثيراً .
*************************************
#البارت الثاني عشر
#الكاتبة _فاطمة
#رواية قلب _وساق
"ايانيّ و اياك .. ننسىّ بعض ❤️🔥.
أسامة : احس روحي فوك الغيم، احس روحي اسعد انسان بهل عالم، صح هسا دكولون شلون هيج وانت كامل من كلشي وشلون راح تاخذ هيج انسانة، اكلكم غلط الي تحجو اني راح اخذ الطف واحن انسانة، راح اخذ انسان مثل قلب امي حنينة علية يهمهة امري تحبني حتى لو جانت ما تقدملي شي مو مهم المهم هية تكون بصفي ويايا.
ماسة انسانة عضيمة بنت نفسها من حطام البعض منهم ما يكدر يسوي الي سوتة ماسة رغم كلشي بيها بس ما يئست من رحمة ربها انسانة صبورة والله جازاها على صبرها وتعبها.
وفوك كلشي هي تحبني وانتضرتني 5سنوات ما اكدر افوت هيج انسانة من يدي الي انتضرتني كل هل وقت وكلشي صار بيناتنا بهاي الفترة بس ما عجزت ولا ملت وتعبت من حبها الي حاربت لأجل هل حب البعض جوز يكول كرامتها راحت بس اني اكلكم لا حبتني بكل جوارح وخطأ بذل مني رغم جرحتها واذيتها بس بقت تحبني وهذا الي خلاني وزادني اصرار اتعلق بيها واحبها اكثر.
الفترة الي قضيتها خارج العراق جنت كل يوم افكر بيها واكول هسا راح تعوفني وراح تنساني وراح تشكل علاقات ويا غيري ووووو وهواية اشياء رفم اني ما جنت اتواصل وياها بس جنت اسئل دائماً عليها من خلال امي او ايهم جان يطمني عليها بيوم الي يكلي مريضة وتعبانة وذبلانة اتمنى ارجع واحضنها وادوي كل جرح بيها وعدت روحي وعدت نفسي راح اعوضها كلشي فاتها.
جنت كاعد بغرفتي افكر شلون اسويلها حفلة يحجون بيها العمر كلة بس بالي شلون اعزم بيت جدي من حقهم يحضرون لان همة هم اهلي رغم الصار بس ما أكدر انكر هل شي تنهدت بضيق واني اتذكر كل الي عشنة ومرينة بي من جنة عايشن وياهم حاقد عليهم على كل شخص سبب اذيتة الأمي او اخوتي اختي الي سافرت خارج العراق وما تقبل ترجع الهذا اليوم رغم حاول وياها وسافرنة الها بس باعدة رجعتها الهل بلد بسبب اذيتهم الها.
أنت تقرأ
#قلب_ وساق
Fantasyفتاة جميلة تتعرض لحادث انفجار ليتسبب لها إعاقة في جسدها كيف ستعيش حياتها وماذا ستواجه #رواية_ قلب_ وساق #الكاتبة _فاطمة #كاتبة من أرض العراق لا يبكي المرء من شدة الحزن، بل يبكي من عدم قدرته على الإنهيار، يبكي من قسوة ثباته .. أعرف أسمه الثلاثي و أس...
