#قلب_ وساق

البارت التاسع ❤️

حبايبي الحلوين شلونكم اعذروني على تأخير
والله صحتي مو تمام والعيونك دا اضغط على روحي واكتب ان شاء الله بس شويا اصير زينة ارجع انزللكم
وما اتئخر عليكم ان شاء الله البارت الجاي ما اتئخر بي

الف مبروك الطلاب الإعفاء وطلاب الي نجحوو أن شاء الله من نجاح النجاح

وطلاب الثالث والسادس الله يوفقكم ويسهللكم
امي ان شاء الله

نسماتي الحلوات تفاعلو بين الفقرات وشاركوني ارائكم
لان مهمة عندي صعدولي البارت وان شاء الله ما اقصر وياكم
لاتنسون تعليقاتكم ونجمة من اصابعكم الحلوة

روائية من أرض العراق

ما كُنت أهوى الدَار إلا بأهلها
علىّ الدَار بعدَ الراحِلين سلامُ

#رواية _قلب_ وساق

#الكاتبة _فاطمة

البارت التاسع

في صَغري،كُنت أرى كثيراً
من الصور على جدران المنزل
لمَ تكن صور لجدي أو أبي
كانت لشخص يمتلك ملامح مُريحة
ورحيمة لهُ حاجبان كالقوس
سمِح أينما اذهب اجدهُ
بعد ذلك اكتشفت آنهُ شخص
يُدعى، علي، يضعونه ليرمم جدران منازلهم المتشققه
وقلوب اصحاب المنازل ...

*****************

البارت التاسع 💫💥

*****************

ماسة :بحياتي ما توقعت راح امر بهذا الشي
جان بالنسبة لي صدمة وهل صدمة بحياتي ما
أكدر اتخطاها
من بعد ما هجم عليه احمد الموبايل انشمر بالكاع
جر شالي من راسي وشمرة بالكاع
واني اصرخ لا حياة لمن تنادي ضليت اصرخ
كلت هاهيا راح يروح اغلا شي بحياتي
والله اكتل روحي إذا هل شي صار
فتح قميصي لو تخبلت كمت اشيل روحي واشمرها بالكاع
كام ينهش بجسمي مثل الحيوان متت بوكتها
واني اشوف قميصي مفتوح وهوا يباوعلي بنضرات
مقززة
دعيت بكلبي وكلت

(دخيلك يا علي انقذني)

توا هجم مرا ثانية عليه وحسيتة انشال مني وانحضنت
كمت اصرخ كل حيلي
لحد ما سمعت صوتة يله هديت اي صوت
هوا الي نقذني وصحاني
رفع راسي اسامة باوعتلة وغصيت بالبجي
ملابسي مفتوحة حجاب ماكو عليه
بسرعة لف قميصي وجر الشال من الكاع
وحطة على راسي طلعني البرا وحاول يهديني
هديت شويا ورا يعوفني بس جلبت بيدا وكمت ابجي
خفت لا يعوفني طمني هسا يجي وراح
التمت العالم كلها وتسئلني شبية وسمعت صريخ
احمد واسامة
ومنا العالم كلها اتباوعلي ما تحملت منضري هيج كدام
العالم حسيتهم كلهم يفترون وعيوني غوشت
وكعت وما دريت شصار بعد
ما ادري شكد كعدت ايدي توجعني وريحة مو طيبة
اي اعرفها ريحة المستشفى
فتحت عيوني شفت امي وسارة توها داخلة
اذكرت شصار ويايا وكمت اعيط