#قلب_ وساق

البارت الرابع عشر

ها بزوناتي شلونجن هههههه هسا دكولن كل يوم لقب جديد بس. اني هيج احب ادلعجن لان انتن قارورات ويلوكلجن الدلع.

شنو رأيكم بالبارت القبلة اكيد حلو موو يلة اليوم انشوف اذا هذا البارت يعجبكم او لا

يلة نبدي على بركت الله (هههههه عبالك راح اعقدلكم ههههه)

اول شي نصلي على محمد وآل محمد

"اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين "

#رواية قلب_وساق

#الكاتبة _فاطمة

- يَا فَڪة عيون الڪَلب ،
- يَا ميزتي البيها أَنغَر ،
- مو رايدَك وأَتنَفسَك ،
- ﻼ يَا نِفَس شي أَڪبَر .

ماسة : من اجمل اشياء الي صارت بحياتي هوا اسامة يا محلة عشك صباي ويا محلة عشك كبرتي، الحمد لله والشكر على كل يوم اكضي ويا، رغم لسا ما صرت يمة وبيتة بس ما مقصر ويايا ابد شنو اريد قبل لا اطلب الكي يمي.

كل يوم من اكعد على سجادة الصلاة ادعي ربي يحفظة الي ولا يحرمني من وجودة بحياتي، وادعي ربي ينطيني القوة حتى اقدملة السعادة وما اخلي يحتاج احد بوجودي.

اسامة انسان واعي وفاهم ومثقف محسسني بحنان الأب دائماً يعاملني مثل ما يعامل الأب بنتة دائماً هيج محسسني انو هوا يمي لو صار او واجهت مشكلة.

وقت الي اغلط ويعصب ما يبيلي هوا معصب من عندي بالعكس يكعد ويفهمني هل شي خطأ ولازم اصلحة وما ارجع اكرر الخطأ.

صيدليتي عزلتها من يوم صار الحادث اسامة ما قبل افتحها مرا ثانيه خايف علية والصراحة اني هم خفت أتعرض مرا ثانيه الهيج موقف بس اجرتها حتى هم يكون مصرف ويا راتب بابا مساعد.

امي نبع الحنان الله يحفظها ويطولي بعمرها ما اوصفها ابد لان الوصف يوكف يمها ما اعرف شنو اعبر عنها ما عافتنة لا اني ولا اختي صارت النة الأب والأم والسند والأخ والصديق وكلشي ما خلتنة بيوم نحتاج الأحد لو نمد يدنة الأحد.

رغم بيت جدي واهل امي يعرضون علينة المساعدة بس امي ترفض دكول ما طول اني عايشة لا اخليهن يحتاجن ولا اخذ من أحد حتى اعيشهن وهيج ماشية حياتنة.

سارة يا سارة هاي مو بس اختي هاي كلشي بحياتي بنيتي الي ما اعرف شبيها رغم كل يوم اكعد واحجي وياها واسئل شبيج؟ يكون جوابها ما بيا شي.

مر اسبوع جنت كاعدة بالغرفة وجتي سارة بس وجهة مخطوف.

_شبيج حبيبتي ليش وجهج اصفر؟

سارة :م مااسة علي خابرني.

ماسة :اي شنو يريد على فكرة ترا هل علي ابد ما حبيتة ولا هضمتة لهذا الشي اريدج تفكرين بوضوع علاقتكم اكثر.