#قلب_ وساق

البارت الخامس عشر

#" اختيارات الناس وقراراتهم نابعة من ظروفهم، أفكارهم وطبائعهم ومقومات حياتهم.. ما لأي أحد حق بالتشكيك فيها والتدخل أو إبداء اقتراحات ما طُلبت.. تجربتك ماهي المعيار ولا البوصلة لتجارب الآخرينՙՙ

حبايبي الحلوين شلونكم شخباركم اسفة على الانقطاع بس والله ضروف ومريضة بس ان شاء الله راجعين وبقوة بس شنو كل الي اريدة من عدكم هوا ادعموني وما ضل للقصة الا القليل واختمها وابدي بقصة جديدة وحلوة
احبكم نسماتي

#الكاتبة _فاطمة

#رواية _قلب _وساق

دائمًا سعيت إلى أن أكون متفرجًا على الحياة بدون أن أتورط فيها، على هذا النحو أُعاين هذا الذي يحدث كغريب.
لا أحتفظ بأي حقد لمن سبب هذا، لا أحقاد لديَّ ولا كراهيات، هذه المشاعر تخص من يملكون آراء أو مهنة أو هدفًا في الحياة، وأنا لا أملك من هذا شيئًا.

- فرناندو بيسوا

سارة :صعب هواية من تتئذا من اقرب الناس الك واني اتئذيت من حبيبي من الشخص الي جنت ضامة حبة بكلبي وخايفة لو يوم يدري بهل حب يئذيني بي؛ وهيج صار ويايا من ايهم عرف احبة حسيتة صار بس يريد يتملكني.

اني انسانة هادئة وما احب الصوت العالي ابد صح اضحك واشاقة وعلى كولت امي ضحكت البيت انتي بس بنفس الوقت ما احب احد يتحكم بية ولا احب احد يقيدني ايهم جان يريد يفرض نفسة علية بس اني ما سمحتلة بس بيوم فسحت مجال الة تمادة وصار يمد يدة علية واني كلشي ولا هل سالفة.

ومن اخر موقف صار ويايا حسسني وحدة من الشارع كرهتة كرهتة كلش لدرجة صرت ما اريد اشوفة ولا اطيق المكان الي يكعد بي.

ردت اي وسيلة انتقم بيها من عندا ومن علي اعترفلي صارت فرصتي هل شي صح ما جان بنفسي هل شي بس ردت ائذي مثل ما اذاني.

علي اول ايام وتعارف صار بيناتنة جان ماكو احسن من عندا حسيتة بس يريد يكسبني بس بنفس الوقت كلبي ما ارتاح ابد ومن نلتقي ويباوعلي يحسسني عبالك بدون ملابس ويتلذلذ بوشفتي.

اخر فترة صار يضغظ علية هوايا بموضوع الخطوبة بس جنت ابعدها وارفض بحجة بعد خلي نتعرف وهوا يتخبل يكوم يصيح ويغلط واخر شي يسكت ويتعذر جنت انطي عذر لان اكول حقة بس ما حسبت حساب الاي شي.

اخر مرة حاجاني بيها علي طلب مني اطلع ويا ويتفاهم ويايا بس اني رفضت وهوا تخبل اخر شي امة حاجتني واستحيت ارفضلها طلب لان اول مرة تظلب مني وافقت.

رحت الغرفتي واني احس الهوا اختفة من يمي شوية وسمعت الباب انفتح باوعت ماسة رادت تعرف شبية وهي من عرفت علي ضلت تحجي علية واني ما تحملت مو قصت ما احب احد يحجي علية لا بس ردتها حجة حتى اهدئ جرحتها بالكلام ومن نزلت دموعها حسيت كلبي انبت بي سجينة عافتني وطلعت واني ضليت ابجي.