و لأننا اقوياء ضنو اننا لا نشعر
"انا مش خايفه من حاجه
اي بعدك ممكن اخسر اي؟
انا ما بقت محتاكه اداوي جرحي
دوست عليه!!!
اذتني كتير ولا اذيتك
غلطت ازاي وحبيتك؟؟"
قصه:سنابل منكسره 🌾✨
بقلمي:اسراء الصالحي
..........................................
شادن:غمضت عيوني ما ادري نمت لو فقدت الوعي
فتحت عيوني الدنيه ضلمه واني بعدني بهاي الخرابه
كمت ادور اريد اشوف الباب وين ماكو احس نركعت بلحايط خليت ورجعت لمكاني صوت جلاب من بعييد اصوات تخوف اكبر واحد والي صدمني ما اهتزت مني شعره بهذاك اليوم
لحد ما كمت احس احد يمشي داير ما داير الخرابه الي اني بيه خفت بس سكتت من ذكرت الباب مقفول اندك الباب اكثر من مرة احس اختنكت ياربي ساعدني
ضليت كاعده صافنه اكو كلب ابن صطعش كلب يعوف بشر بهيج مكان. كمت احس اكو مشي بصفي احد ينفخ بوجهي هوه همست منو انته
ماكو صوت
عيفوني والله ما مسويه شي منوو هنااا
احس احد يتحرك يمي امد ايدي اريد اشوف منو ماكو شي اريد الزم شي ماكو شي
استغفرت ربي سكتت سمعت برة صوت ضحك
كلت خل اسكت لا يمر احد يسمع صوتي ويكسر الباب عليه
رجعت احس اكو هوه نفخ بوجهي شلت ايدي ضربت الي كدامي بس هم ماكو شي
ضليت خايفه بالي شطح
ضليت اقرة سورة الكرسي نوب ذكرت وضعي خليت وسكتت هذيج اليله ابد ما راح انساه الأصوات الي سمعته كافيه انو تخبلني
سمعت صوت الباب انفتح دخل يركض بأتجاهي
يامن:نسيتججج والله نسيتج
كومي كومي خل اخذج لغير مكان
شادن:عوفني حباب
يامن:يمعودة كومي
شادن:استغفرت ربي و كمت طلعت برة اكو ضوة مال سيارته
اباوع عباتي كله تراب حالتي حاله صعدت بلسيارة ركب ومشه اباوع
هاذ نفسه طريق بيتهم عرفته راح يرجعني لبيتهم وصلنه
يامن:يلا انزلي
شادن:حته ما باوعت بوجه خليت ونزلت نزل فتح الباب ودخلنه تلكتنه رفل
وكفت يامن برة ضلت تحجي ويا واني عبالك ما موجودة عفتهم ودخلت لجوة دخلت للمطبخ روان موجودة ركضت عليه شبكتني اني حته ما بادلته
روان:وين جنتي شنو هاذ التراب شصاير بيج احجييي وين جنتي
شادن: اسئلي اخوج
روان:اخوي؟
يا اخو منهم
شادن:عفته ومشيت دخلت للصاله جان كاعد بيه وائل و اسمر ورنا وابو يامن شافوني كلهم بينت ع وجهم الصدمه
ابو يامن:وين جنتيي كربلاء كله فتريته وانتي ماكو
وين جنتي بويه ملابسج ليش هيج
اسمر:احجي شادن شنو هاي حالتج شصاير وياج وين جنتي منو جابج
شادن:بعدني اريد احجي دخل يامن
يامن:اني جبته
اسمر:عرفتك والله عرفت انته مدرري وين موديه شنو هاي حاله البنيه شبيه
أنت تقرأ
سنابل منكسرة 🌾
Romanceبنت عراقيه في عمر صغير تنخذل من الجميع حتى والدها الذي من المفترض ان يكون هوه سندها وقوتها تقرر الهرب من الواقع لتستعيد قوتها فتجد نفسها في احد المنازل العراقيه لا تعرفهم ولا تريد التعرف عليهم لاكن القدر اجبرها ان تتحمل غيضهم وكرههم لها هل ستجد من ي...
