- اللهم هون علينا ما لا يعلمه غيرك .
•قصة:سنابلـ منكسرهـ🌾✨
•بقلميـ:اسراء الصالحيـ🥀✨
……………………………………
روان:مشيت متجه للدرج اصيح لأمي حت تعوف شادن وي ما وصلت شفت شادن متكومة ع الدرج ركض عليه اسمر يكعد بيه ماكو
رنا:يمةةة العيارةة شكد حيالة ذب روحه من الدرج
اسمر:ولجججج ليمتههه ليمته بعيني شفتججج دفعتيهههه رناااااا اليوم منو يخلصج منو
روان:اسمررر عوف هل حجي شوف شادن
يصحي بيه ما تصحة صاح عليه
اسمر:ماااي جيبيلي مااااااي بساع
روان:ركضت للمطبخ جبت مي بدة ع وجه اصلا ما تحركت صعدت جبت عبايته لفيته بلعباه و اخذناهه للمستشفى بلطريق كامت تنزف
وصلنة دخلوه ردهه النساء
الدكتورة:مامة مريضتكم عده ولادة هسه لازم ندخله للعمليات
روان:دكتورو عمليه
الدكتورة:ما اعرف بس هيه مغمى عليه
روان:شنو يعني هسه
الدكتورة:ما اعرف
المريضة مضروبة ضربة قوية عله ضهره
روان:سكتت شكلله امي دفعته من الدرج
الدكتورة:مامة حالته طارئة هسه عمليه لازم جيب
رةان:تمام دكتورة
الدكتورة: منو ولي امرهه
روان:هاا والله ما ادري
الدكتورة:زوجهه وين مامة
روان:ميت
الدكتورة: استغفرالله حالته حرجة ما اكدر ادخله للعمليه عله مسؤليتي مغمى عليه شلون اخدره؟
روان:دكتورة اني وياي اخوي
الدكتورة: ما اعرف اريد احد يوقع عله دخوله للعمليه
روان:هسه اصيحله
اسمرر اسمررر
اسمر:هاا
روان:شادن حالته حرجة ومغمى عليه و تريد دخله عمليه
اسمر:اي
روان:لازم توقع لأن هيه مغمى عليه وتخدير
اسمر:تمام تمام عادي اوقع
روان:اجت الدكتورة و حجت وي اسمر وقع ودخلو شادن للعمليه و الأنتضار اخذ من حيلنه شوية واجة ابوي كلنة خايفين لا يصير بيهم شي
طلعت الممرضة تسأل عن اغراضهه
اطيته الجنطة
لهناك طلعت وبيده طفل يبجيي احس كلبي وروحي فزن وي بجيته شفته صغيرونيي كلش و ترف ابوي اخذه ودموعه تنزل كبر بأذنة و اخذته الممرضة للخدج اما شادن. بعدهي ما طالعه
انتضرنة طلعت الدكتورة سألنا كالت جاي يخيطوهه
طلعو شادن للأنعاش وهل شي خوفنة
ضلت فترة بس شادن ما صحت اجت الدكتورة اكثر من مرة و شافته شادن ما صحت صار ثاني يوم شادن ع نومته
الدكتورة:منا لأربعه وعشرين ساعة اذا ما كعدت معناهه دخلت غيبوبة
روان:دكتورة شنو غيبوبه؟
وبعدين غير لازم ثمانية و اربعين ساعه بعتبار يومين
الدكتورة:هيه من البارحة مغمى عليه
روان:دكتورة شنو يعنيي بعد ما تصحى
الدكتورة:اني كلتلكم بلأحتمالات كلهه هل شي مو بأيدي بقت هيه و رب العالمين
روان:وهنا بلش اصعب وقت بين مشاكل البيت و طلاگ امي و ابوي و بين المستشفى واسمر و وائل الي كامو ما يدخلون للبيت
شادن راح يصيرله شهر ما كاعدة ابنه اجة للدنية وابوي سما علي الدر اني اگمطة واني اوكلة واني احفضة نسخة من يامن نفس سمارة حاطته بنص روحي
سمعت صوته يبجي ركضتله شلته واني ابوس بي
المفروض امك الي شيلك مو اني
حجيت هيج و الدمعه نزلت من عيني رفعت راسي
ياربي فدوا اروحلك بجاه كلمن عنده جاه يمك تكوم شادن بلسلامة هاذ الطفل شنو ذنبة يعيش بدون اب و ام
شربته حليب ورجعت نيمته سويت الغدة و خليته بلحافضات حت يجي واحد من الولد ياخذة للمستشفى
اجة وائل طب يصيحح
وائل:ولججج رواااان صحتتتت شادن صحتتت كعدتتتتت نقلناهه من الأنعاش لغرفة خاصههه وراح ترجععع
روان:احس توازني اختل لزمت بلكاونتر شنو يعني كعدتت وائل عليك الله كول الصدككك شادن كعدتتت الحمدالله والشكر فدوة اروحلك ربي
دنكت ع الكاع وسجدت
وائل: يونس محمود من اخذ كأس اسيا ما سوة سوايتج
روان:دروح يا يونس محمود شادن واخيرا راح ترجع
وائل:يلا طيني الأكل بعدهي ما كعدت ام بطن تكول جوعانه يابة مو زين عليج
روان:ههه وائل اخذني حباب. خل اشوفههه
وائل:و علي الدر وين يضل شبيج روان
روان:اجيبة وياي
وائل:اييي بلمستشفى الي كله مرضى ولج طفل بعده ما يتحمل هيه اصلا للعصر يطلعوهه
روان:تمام هاك هاذ الأكل
وائل:يلا في امان الله
روان:الله وياك طلع وهنا اني بديت انضف البيت جلفته جلف ضليت العب بعلي الدر للعصر سمعت صوت سيارة طلعت اركض فتحت الباب واخيراا شفتههه نزلت من السيارة نزل اسمر يمشي وراهه تمشي ع كيفه بس دخلت من الباب حضنته وضليت ابجيي
باوعتله
ولجج سمنانة من النوم
شادن:ههههه
اسمر:خلي طب ترتاح
روان:يلا طبي طبي
دخلته فرحانة بيه
:تكدرين صعدين
شادن:اي اكدر
روان:تمام
صعدته دخلت للغرفة شافت كاروك دارت وجه مستغربه هاذ الكاروك المن
روان:بهتت ملامح وجهي شنو المن ؟
شادن:كاروك منو هاذ
روان:راحت تمشي بأتجاهه باوعت لعلي الدر صفنت
شادن:انيي اني جنت حامل هاذ ابني مووو
روان:نزلت دموعيي خرعتني عبالي ما تذكرهه
اي اي ابنج
اباوعله شالته ع كيفه و عيونه مليانة دموع تباوعله وتضحك تناغي بي
شادن:مو نفس سمار يامن
روان:اي كله كالت
شادن:و نفس خشمه الجبير هههه
روان:ههه اي يلا نامي ارتاحي
شادن:صارلي شهر نايمة اريد اشوف ابنيي
روان:انتي جنتي ناسية؟
شادن:لا ولج اذكر مو ناسية بس نسيت اني حامل و محد كلي ليش دخلت مستشفى
روان:هاا
شادن:شسميتوو منو سماا
روان:ابوي سما علي الدر
شادن:الله يخبل اسمهه يمةة فدوة اروحلك وليدي حبيبي
روان:عفته تلاعب بي ونزلت اجة وائل
وائل:اكلج هاذة وينة
روان:شنوة
وائل:هاذ الجنة سلبوح علاوي وين
روان:يا جنه سلبوح شنو ولككك
وائل:هههه اي وينة اريدة
روان: يم امه
وائل:جيبي حبابة
روان:شجيبه خلي يم امه خطيه ما شايفته
وائل:اهووو
اسمر:روااااان روااان
روان:هاااا
اسمر:جيبي علي الدررر
روان:ياااولكم خلو يم امه
اسمر:عمامه اولة بي من امه يلا جيبي جيبي
روان:صعدت اضحك عليهم شلون يتعاركون واحد يكول للثاني اني اخذة قبلك
دكيت باب الغرفة و طبيت لكيته مخليته بحضنه و تلعب بيي
شادن:ها روان
روان:اريد علي الدر
شادن:شسووين بي
روان:اسمر و وائل يردو
شادن:ها هاجيا
روان:اخذته نزلته الهم و ذول ما صدكو ضلو يتعاركون اني اخذه واني اخذه اخر شي اسمر دفع وائل وشالة
مشيت حياتنه هيج و كبر علاوي و ملة البيت بصوته
و ابوي يموت عليه بس نكعد يصيح وين علي الدر
شادن تحسنت صحته حياتنه هادئة امي ما رجعت للبيت بعد
شادن ما عرفت انو امي دفعته ما كلنه اله
و مرة من المرات نايمة وكعدت ع صياح شادن وابوي
شادن:عموو شنو هيه نفس يامن مو هم هيج سويت لحد ما زوجته شنو الي حصلته مته
ابو يامن:شادن سمعينيي مال بيت وحدج تعيشين بي كطنه وشيليه من اذنج
شادن:ابقة هنا بس ما ازوج
ابو يامن:والناسس شنو يكولون
شادن:عمو افهمنيي ما اريد والله ما اريد شلون اخذ اخو زوجيي
ابو يامن:انتي مو اول وحدة ولا اخر وحدة تاخذ اخو زوجه
شادن:اييي اني نفسيتي ما تتقبل
ابو يامن:لاحول ولا قوة الا بلله العلي العضيم شادن تزوجين اسمر يعني تزوجين اسمر
شادن:اكتل روحي و ما ازوج والله احرك روحي و ذمتي بركبتكم
خليت وصعدت فوك كله بكيفهم شنية شحصلت من يامن اني حته ازوج اسمر …يتبع
……………………………………
✨✨✨✨✨✨✨✨✨✨✨
شلونكم عينيي شخباركممم
البارحة بارت واليوم بارت و باجر هم بارت
شتردون بعددد وبعدين وين تفاعلكم شو مو نفس قبللل وين حماسكم
اصل الى هنا لنهايه البارت الواحد و الأربعون
لاتنسون التصويت ولا التعليق دمتم بحفض الرحمن ✨💕
(كنت ناشرة صورة علي الدر بس لأسباب شخصية حذفته ♥️)
أنت تقرأ
سنابل منكسرة 🌾
Romanceبنت عراقيه في عمر صغير تنخذل من الجميع حتى والدها الذي من المفترض ان يكون هوه سندها وقوتها تقرر الهرب من الواقع لتستعيد قوتها فتجد نفسها في احد المنازل العراقيه لا تعرفهم ولا تريد التعرف عليهم لاكن القدر اجبرها ان تتحمل غيضهم وكرههم لها هل ستجد من ي...
