اصفن عل عمر
خلصته بس هموم
اباوع ع الزمن وشلون جازاني
اثاري بهل وكت ما ينفع الطيب
و الطيب يضل كل عمره وحداني
و اليمشي عدل عل نيه وي الناس يضل طول العمر مجروح و ياعني
قصه: سنابل منكسره 🌾✨
بقلمي✍️:اسراء الصالحي 🤍✨
……………………………………
شادن:تشخصن ملامحه بصدمه من منضر الشعر بأيدي تقدم بأتجاهي اخذ الضفيره من ايدي
يامن:كصيتي؟!!
شلدن:رفع ايده لشعري القصير يريد يتأكد اذا هاذ شعري
يامن:ليش كصيتي؟
كل هاذ لأن كتلج اكثر شي حبيته بيج شعرج؟
شادن:لا مو هيج بس لأن صار طويل وكصير
يامن:لاجذببببين لا جذبين ادري بيج تردين تحركين كلبي
شادن:انت شبيك شنو احرك كلبك شعليه بيك اني شعري كرهته
يامن:اي هاي هيه
شادن:دار وجه وطلع من الغرفه صفنت صدك ليش كصيته؟
لأن هوه يحبه؟
لو لأن يشبه شعر مرته؟
لو لأن خرب؟
احس دموع جمعت بعيني مدري شبيه انقهرت كعدت دموعي تحرك خدودي وهيه تنزل
اتعوذت من الشيطان رحت فرشت فراشي ونمت كعدت يامن ما موجود معقوله ما اجه بعد كمت غسلت لبست حجابي ونزلت
اتجهت للمطبخ الي طالع منه صوت روان وهيه صيح عله وائل
:صباح الخير
ردو ثنينهم
:صباح النور
روان:شلونج اليوم
شادن:احسن
روان:دومج اكلج اليوم العصر اسمر ياخذج حته ضربين ابرة
شادن:ابرة شنو؟
روان:انسولين
شادن:بس سكري ما متخربط
روان:هوه كال اجيكه أله واشتريله ابر خاف لا سمح الله يتخربط سكرج
شادن:تمام اكلج يامن وين
روان:شمدريني المفروض اني اسئلج
شادن:نمت ماكو هوه و هسه كعدت هم ما لكيته
وائل:شنو البارحه اجينه كلنه سوة و دخل هوه لغرفتكم
شادن:يمكن جنت نايمه
روان:يعني هسه هوه ماموجود بلغرفه
شادن:لا كعدت ماموجود
روان:خاف راح لدوام
وائل:لا اله يجي أمر يلا يروح هوه
روان:اي خاف اجا امر الفجر و راح
شادن:هزيت راسي ساكته هسه شكو سئلتي عليه لو ساكته احسن مشه اليوم طبيعي العصر كاعدين نسولف اني وروان اجه اسمر
اسمر:شادن كومي بدلي يلاا خل اخذج نشوف سكرج
شادن:والله ماله داعي من يتخربط اضرب ابرة وهاي هيه
اسمر:لا شنو ماله داعي كومي يلا
شادن:كمت صعدت بدلت لبست حجابي و عباتي نزلت لكيته منتضرني من نزلت باوعلي بنضرة رضا ابتسم و كام
اسمر:يلا امشي
شادن:مشيت ورا صعدت بلسيارة صعد شغله ما حجينه شي لأن اذا هوه ما يحجي اني استحي منه ما احجي ويا
وكفنه يم صيدليه نزلت مشينه متوجهين للصيدليه جان. بيه ولد وبنيه
دخلنه سلم اسمر شافته البنيه و البسمه شكت حلكه
نور:اهلاً وسهلاً نورتنه صار شكد ما شايفينك
اسمر:والله دراسه و مشغول شونكم
نور:حمدالله تمام انشالله خير خو ما بيك شي
اسمر:لا اني كلشي ما بيه بس اريدج تجيكين السكر مالت شادن
شادن:اني واكفه ورة اسمر ميلت راسه بأتجاهي باوعتلي وهزت راسه
نور:هيه هاي مرت يامن؟
اسمر:اي
نور:هاا عده سكر؟
اسمر:لا مو دوم مرات يتخربط
نور:هاا تعاي عمري لهنا
شادن:اتجهت اله قدمتلي كرسي كعدت عليه طلعتت جهاز الي يقيسون بي السكر
قاستلي
نور:اي فعلا طبيعي ما عده شي
اسمر:يعني ما تحتاج ابرة انسولين
نور:بلوقت الحالي ما اعتقد بس راح انطيكم خاف صير عده دوخه او يتخربط سكره اضربوه
اسمر:تمام
شادن:كمت رجعت المكاني اخذ منه الدوة و شكره و طلعنه
:كتلك ماله داعي هل جيه
اسمر:ليش ماله داعي مو هاي اشترينه علاج
شادن:اي بس حاليا ما احتاجه
اسمر:اي ادري يجي وقت وتحتاجي
شادن:سكتت صعدنه بلسيارة وصلنه للبيت اباوع سيارة يامن موجودة اذكرت اني مزوجه و حرام اطلع وهوه ما يدري غميت كصتي
رجل تتقدم خطوة و رجل تتأخر هسه شي اكيد يضل يصيح و نتعارك
دخلت للبيت
صنطه ماكو صوت كله بغرفه صعدت فوك فتحت باب الغرفه واني مترددة ما اريد اتعارك ما الي خلك
بس من دخلت للغرفه المنضر الي شفته هوه جان يتطلب اتعارك شهكت مصدومه من منضرهم رفل و يامن ع جربايه!!!
نزو وي لحضه دخولي رفل كامت دور شي يستره
اباوعلهم ما مصدكه الي شفته شجاي يصير هذول شجاي يسوون
حجه يامن وهوه يجر الحجايه
يامن:ووويــــــــــــــن جنتـــيــيــيـــي
شادن:ما رديت عليه مشت رفل من يمي وهيه متجه للباب تريد تطلع
اني بقيت واكفه ما اعرف شنو اسوي شنو القرف. الي جاي يصير بهل غرفه
يامن:مو احاجيــــــــــــج وين جنتيييي
شادن:احجي عدللل شبيك جر الحجايه جنت وي اسمر اقيس السكر مالتي
ما رد عليه دار وجه و نام مبين شكله مو طبيعي انقرفت لدرجه حته عباتي ما نزعته رحت لغرفه روان مباشره بدون ما ادك الباب فتحته ودخلت رفعت راسه
روان:شبيجج
شادن:ماكو شي اريد اضل هنا
روان:تعاي تعاي شكو شكالت الج الصيدلانيه وجهج ليش اصفر
شادن:روان اسكتي هسه حبابه لأن حته ما الي خلك اتنفس هاذ النفس الي يخليني على قيد الحياة مستثكله اتنفسه
سكتت واني صافنه ياربيي شنهاي جاي يزنون هذول زين ما تخاف تحبل شي عود انقهرت علة يامن لأن البارحه ضوجته بشعري بس اليوم هوه أكد الي انو لازم ما انقهر عليه لو يخلو كدامي هسه اذبحه و ما يرفلي جفن
"جئت لك لأعتذر عما بدر مني جئت لتتعانق ارواحنا جئت لأصلح كل الخراب الذي افتعله الماضي
لاكن!!
انت من اثبت لي انه يجب ان أُزيد الخراب خرباً واحطم قلبي وقلبك معاً"
تمددت بلكاع اريد انسه كلشي شفته اريد انام هربت للنوم كلعاده كعدت ع صوت روان
روان:شادن كومي اكعدي يامن سئل عليج دنيه ليل صارت وانتي نايمه
شادن:عوفيني انااام ما اريد اكعد
روان:بس اكلي واخذي علاجج وارجعي نامي
شادن:ما اريد كلتتتتت ما اريدد عيفييينيييي
صارت الغرفه هدوء ورة عيطتي سمعت باب الغرفه انفتح
:روان اريد انام كلت ما اريد اكل
يامن:بكيفج هيه كومي يلا اكلي حته تاخذين علاج
شادن:وخرت ايدي من عيوني اريد اتأكد هاذ يامن كمت مخنزرة عليه
:لا والله خطيه خايف عليه هسه انته علاج ما اخذ واكل ما اكل عيفني يلاااا ولي اطلععع برااا برااا
ضل يباوعلي بعدم فهم
يامن:شبيج كل ساع شكل ما تكليلي نزلي اكلي و كملي نوم شكتلج اني
شادن:دفعته لبرة ولكك ما اريد ما اريد وخرر عني عيفني فكني يااخي
لزم اديه وهوه مخنزر
يامن:شبيج انتييي شو كلش طايح حضج خليني محترمج و انزلي اكلي كلشي وسويتي عركه المفروض اني الي اتعارك مو انتي
شادن:ليش شفتني نايمه وي واحد؟
حته انته الي تتعارك
تشخصت ملامحه بغضب احس اصابع ايده التفت حول عنقي
يامن:شكلتي ولججج شنو نايمه وي واحد شجاي تحجين انتيييي
شادن:اريدة يفكني ماكو احس انكطع النفس احس روحي راح تطلع كلت خلص راح اموت بيدة
هداني وراح دفر الكنتور
يامن:اححيييييي شنو نايمه وي واحد غيررري هم خنتيني هم خنتيني موووو شبيه انييي كليلي شنو ناقصني حته تخوننييي
شادن:انته تخبلتتت شنو خنتك انته الي خنت مو اني
يامن:شجاي تخربطين انتيييي
شادن:اذكرك شجاي اخربط انته و رفل
يامن:لا جذبين اصلا بس اجيت نمت
شادن:سودة عليه بس اجيت نمتت شنو جذبني عود انته شفتكم بعيني هايي
يامن: ما اذكر ليمته والله ما نايم وياهه من زوجتج لحد هسه
شادن:ونبي شفتكم بعيني
صفن كأنو يذكر شي فرك وجه واستغفر. ضحكت
:عليمن تستغفر ترة ما يوصل استغفارك لهاذ البباب
يامن:كافي يلا انزلي اكل واخذي علاج اني طالع
شادن:ما انزل ولا اخذ علاج و انشالله تطلع و ما ترجع
ما سوة شي هز راسه وطلع!!
ضليت كاعده روحي مشتعله كمت كلت والله محد يستاهل انقهر عدلت حجابي اني حته عباتي نايمه بيه نزعته و خليته بغرفه روان مال اطب هذيج الغرفه مستحيل منضرهم ما يروح من بالي لحد هسه نزلت لجوة وروحي بخشمي اتجهت للمطبخ
روان:ها كعدتي
شادن:لا بعدني نايمه
روان:هههه شبيج ولج شمسويتلج اني
شادن:انتي الوحيدة الي كلشي ما سويتيلي
روان:ولا راح افكر اسويلج
شادن:هزيت راسي ساكته اجت كعدت يمي
روان:ولج والله لو تدرين شصار
شادن:شصار
روان:جنه كاعدين بلصاله ف انتي نايمه فوك و اسمر طالع بس وائل و يامن و اني اجتي امي صيح عله يامن
رنا:انته منو وتمد ايدك عله بت اخوي شمسوي بيه ابوه مأمنه عدي شكله
يامن:شمدريني كليله بتك وحده ساق**و ما ضب اللسانه ف انكتلت
رنا:انته تستهزء
يامن:اي
روان:يحجي وياهه وهوه أمدنك عله تلفونه
رنا:ترة والله العب بيك لعب عبالك ما ادري انته شمسوي بيه كلشي ادري اذا ما زوجته اكل لأبوك عله كلشي
يامن:عود خل يجي ابوي وكليله واني هم اكله ونشوف
رنا:شتكله
يامن: مو اني الي اكله التسجيل هوه الي يكله
روان:رفع راسه مبتسم و غمزله هيه وجه صار اصفر كأنو اذكرت شي رأسا سحبت روحه لغرفته
شادن:يعني انتو كلكم تدرون ب يامن و رفل
روان:لا بس اني و وائل ندري
شادن:و ساكتين
روان:طبعا لا اني حاجيت رفل و وائل حاجه يامن يامن يكله اني مالي دخل هيه من شوفني شارب تجي واني عقلي مو براسي و رفل تكلي انتي ما عليج ماشوفين اكرهه اكثر من مرة تعاركنه اني وياهه ع هل سالفه
شادن:اباوع مصدومه يامن يشربب
غمت روحه هيه
روان:خررب عرفت روحي راح اجفص مو دوم يشرب مرات من يضوج
شادن:عيععععع يشرب واني مزوجته يا ربي شنو من خيسه
روان:شادن والله هوه ما عنده هل سوالف بس والله هوه تغير ورة وفاة زوجته قبل جان يصلي وكلشي بس كله من ورة مرته الله يرحمه
شادن:اني شعليه اني ما اتحمل اعيش وي واحد نكس مثله يـ*زنـ*ـي ويشرب و كلهن مسويهن
سكتت هيه و الندم وضح عله ملامحه لأن حجت كممت ادور اكل جوعانه حضرت اكل اكلت و اخذت علاج صعدت اكمل نومتي
ما رحت لغرفه يامن بوجهي لغرفه روان ذبيت نفسي غفيت
اسمع هوسه صياح عمو ابو يامن بس كلشي مشوش شجاي يصير جوة
عقلي واعي ويريد يعرف بس جسمي ما يرضه يكوم فتحت عيوني ع صوتهم
اسمع صوت عمو ابو يامن واضح ليمته اجه مو راح لغير محافضه هوه كمت لبست حجابي و اتجهت لجوة كل ما اتقرب كل ما صوتهم يعله و صوت بجي روان دخلت للصاله جانو كلهم مجموعين اتجهت انضارهم عليه
اني اريد اعرف شصاير
:شكو شصاير
روان:يامن رايد يروح للدوام و اغتالو بلطريق…يتبع
……………………………………
هلو هلو هلو 🦋 عود كلت ما انزل و كتبت بارت بس كلت اذا عندي وقت فراغ ليش ما اكتبلهم برتوت حلوو يتونسون بي و قفلته مشوقه حته تعلقون تعلقيات حلوة مو بس عاشت ايدج 😑
اتفاعلو وي الأحداث احب اسمع رأيكم عن كل حدث يصير بلقصه لاتنسون التعليق و التصويت اختم انا واياكم البارت الخامس و العشرون دمتم بحفض الرحمن ✨🫶🏻🦋
أنت تقرأ
سنابل منكسرة 🌾
Romanceبنت عراقيه في عمر صغير تنخذل من الجميع حتى والدها الذي من المفترض ان يكون هوه سندها وقوتها تقرر الهرب من الواقع لتستعيد قوتها فتجد نفسها في احد المنازل العراقيه لا تعرفهم ولا تريد التعرف عليهم لاكن القدر اجبرها ان تتحمل غيضهم وكرههم لها هل ستجد من ي...
