الكِلامُ لا يَنتهي، تِنتَهيّ الجدوى مَن الكِلام.
قصهـ:سنابلـ منكسرهـ🌾✨
بقلميـ:اسراء الصالحيـ 🥀✨
..........................................
شادن:نيمت علاوي ونزلت حته نكمل العشه اني وروان حضرنا وكعدنة ناكل
ابو يامن:جاا در وين؟
شادن:نام
ابو يامن:هاا
شادن:هزيت راسي خلصنة عشة شلنه الصينية كعدت اغسل اماعين واسولف وي روان
روان:اكلج تتوقعين لو يامن عايش راح يتيغر ورة ما توليدن علي؟
شادن:ما ادري هوه ما اذكر جان يحجيلي ع جهال
روان:ممم احسه لو عايش جان هسه انتو ببيتكم وحياتكم حلوة
شادن:ما اعرف كلشي بي صالح
روان:صحيح
اكلج اريد اسئلج سؤال
شادن:جواب؟
روان:ليش انتي رافضة اسمر؟
شبي يعني شو حته حلو
شادن: واذا حلو شنو يعني
روان:يعني اكول ليش ما ترديي
شادن:نفسيتي ما تتقبل اخذ اخو زوجي
روان:هااا زين وشلون
شادن:شنو شلون يعني
روان:ضلين بدون زواج؟
شادن:بهاذ الوقت كل همي علي الدر
روان:والله ما ادري شنو اكول
بس مايصير هيج سوين بنفسج بعدج صغيرة
شادن:اني ما اريد واذا صغيرة؟
روان:مدريي براحتج
شادن: من يحجون هيج ينرفزوني عبالك الزواج لعب خليت وصعدت فوك لكيت علاوي كاعد رضعته و لعبت ويا نيمته و نمت
كعدت ثاني يوم مشة اليوم طبيعي مشت الحياة هادئة
بس ما تخلو من ملحة روان ع زواجي من اسمرر
و الي صدمني حته وائل اجة حاجاني ما اعرف ليش مصريين ع زواجي من اسمر
وائل:واذا شبيه اذا زوجتيي ترا اسمر مو نفس يامن
شادن:اعرف مو نفسه بسس اني ما اريدد شلون يعنيي
وبعدين بعدة ما مات زوجي اني ركضت ازوجج شنو تكول عليه الناس
وائل:مو المشكلة انتي ما تدرين الناس شجاي تكول لأن انتي عايشة ويانة و ما مزوجة احد منةة
شادن:وائلل صدك تحجيي استغفرالله ربي شعليكم بكلامهم؟
وائل:انتي هم شعليج بكلامهم زوجي اسمر حجو او ما حجو طبهم مرض
شادن:ياربييي شلون سالفة هاي اني اشوف اسمر مثل اخويي نفسيتي ما تتقبلهه
وائل:شادن
اسمر:وائلل كافي
شادن:درت وجهي شفته نازل من الدرج
اسمر:عله شنو صارلكم شهرين تلحون عليه هيه ما تريد شكو بعد؟
وائل:اسمر ابوي انته تعرف شنو يريد يسويي
اسمر:ما يسوي شيي
شادن:شيريد يسوي عموو؟
اسمر:ما يسوي شادن سدو الموضوع
شادن:اسمر احجييي شيريد يسوي عمووو
اسمر:ما يسوي شيي وحته لو راد يسوييي اني ما اخليي
شادن:اباوع لأسمر يخزر بوائل عرفت اكو شي صاير واني ما ادري عفتهم وصعدت فوك اللوب يربي شيريد يسويي عموو معقولة يريد يطردني عادي حته لو يطردني ما ازوج
رحت لروان سئلته بس ما كلتلي شي تكلي كلشي ما يسوي وائل حجة هيج حته يخوفج
الي خلاني اشك اكثر ملحتهم حته ازوج اسمر
مشة اسبوع طبيعي ورة حجيي وائل سمعت صوت عمو وهوه يصيحلي
ابو يامن:شاادن شاادن
شادن:ها عموو
ابو يامن:تعاي اريد احاجيج
شادن:جيت عمو
رحت ورا للديوانية كعدت كعد هوه كبالي بلش يحجي و سنت الحياة هاي ولازم ما نوقف حياتنه ورة شخص مات
و الأمام علي شكد جان يحب السيدة فاطمة بس هوه كمل حياته وراهه ختم حجيه
ابو يامن:انتي لازم تزوجين لو اسمر لو وائل
شادن: ليش لازم ازوج ؟
ابو يامن:الى متى ترديين هيج ضلين؟
بدون زواج يعني انتي عندج طفل
شادن:عمو اذا هيج ثكلت عليكم عادي اني اتحمل مسؤلية نفسي و اطلع اني وعلاوي
ابو يامن:شنو هللل حجي هاذ شنووو تطلعين انتي و علاوي ماكو هيج حجيي شبيه اذا زوجتي اسمر شيصير يعني
شادن:ما يصير شي بس اني ما اريد
ابو يامن:ما اعرف شكلج بس انتي ما خليتيلي حل
لو تزوجين اسمر لو اخذ منج علاوي
شادن:عموو صدك تحجي؟
شنو تاخذ علاوي؟
ابو يامن:علاوي ابنةة احنة اولى بي اذا تردين تزوجي عيشي حياتج براحتج
لو تزوجين اسمر وحياتج نفسه تبقة
شادن:ما توقعته منك تساومنيي لو ازوج لو ابنيي ترا حرام عليك انتة عود متديين
ابو يامن:هوه لأن اعرف بلحرام و الحلال هيج جاي اكلج
شادن:وينننن وينننن اكو بلدين هيجج شييي ويننن كالو اجبرو المرة ع زواججج ماكو هيجج شي
ابو يامن:لا ترفعين صوتججج
شادن:ما ارفعع صوتييي ليش ليش ما ارفعع صوتي
ابو يامن:شادددن
شادن:صدكني لو تنطبك السمة ع الكاع ما ازوج اسمرر وعلاوي ما تاخذة
ابو يامن:اطلعي برةةةة
شادن:كمت گوة لازمة دموعي بس طلعت انهاريت ليش كلشي يردو لازم اني انفذة رحت للمطبخ
ابجي واحجي لروان وهيه تهون عليه
روان:ليش رافضه فكرة الزواج
شادن:ما اريدد ما اريد والله ما اكدر. ليش ما تفهمونن
روان:تمام تمام هدئي
شادن:كمت غسلت وجهي رجعت للمطبخ روان ماكو كعدت اسوي بلعشة سمعت صوت الباب انفتح درت وجهي شفت اسمر ردت اطلع استوقفني وهوه يكول
اسمر:اوكفي شادن اريد احجي وياج
شادن:ما عندي حجيي وياك
اسمر:ليش رافضة تزوجيني؟
شادن:كل عقلكك تسأل هل سؤال المفروض انته هم ترفض لأن تعرف اني احب يامن و يامن يحبني
اسمر: هاا
شادن:ايي
اسمر:بس اني حٌبِيِّتّجِ قبل يامن
اني ولا مرة فكرت ائذيج انتي اول ما دخلتي هل بيت سكنتي كلبي وعقلي
وصرت ما اشوف غيرج
شادن:ضليت مفهيه هاذ شجاي يحجيي شنو يحبني
:شبيك انته تحجي من كل عقلك؟
اسمر:لا من نص عقلي
شادن اعرف انتي ما ناسية يامن ويمكن هسه جاي تنضريلي بنضرة استحقار اني حبيتج قبل يامن بس من زوجج يامن شلتج من دماغي
وليش اجذب ما فاركتي تفكيري
حاولت انساج دخلت بعلاقة وي بنية بس ما كدرت هاي الفترة كله انتي متزوجة يامن اني اعيش محاربة بين گلبيي وعقلي
واعرف هسه انتي عبالج اني فرحت لأن يامن مات
بس وروح امي ابدا ما مرتاح وضميري يأنبني مجرد ما افكر بيج احس روحي خنت يامن
ولا تنسين يامن اخوي
شادن:شكد كرهتكك ولك اني مرت اخوكك تعرف شنو مرت اخوك شلون جنت تباوع بعيون يامن ؟
شلون جنت تكدر تحجي و يامن وانت تحب مرتة؟
ما اعرف شنو اكول بس لو اضل اخر واحد بلدنية ما ازوجك وخلي حبك الك
عفته ومشيت وكف عقلي شنهااي وين اكو هيج يحب مرت اخو صعدت لفوك ضليت افكر شلون اكدر اخلص من هل لغوة كله وما لكيت غير نفس الحل الي اتخذته واني ببيت اهلي
انتضرت صير دنية ليل جمعت كلشي احتاجة بجنطة و غراض علاوي بجنطة رتبت كلشي وقررت اشرد مرة ثانية لأن اذا اضل هنا راح ياخذون علاوي ويزوجني غصبا عني. صارت دنية ليل وسمعت صار هدوء تأكدت انو كلهم نامو شلت جنطيي و مشيت فتحت باب الغرفة عله كيف وسديته عله كيف
نزلت امشي عله اطراف اصابعي واني شايلة علاوي
طلعت للطارمة توني فتحت باب الشارع سمعت صوته الي خلاني اموت من الخوف
اسمر:وين رايحة؟
شادن:ما عليككك
اسمر:وين تردين بهليل تردين شردين موو
شادن:ما الك علاقة ادري اذا اضل هنا تاخذون علاوي وتغصبوني ع زواج
اسمر:استغفرالله اطلعي برة خل نحجي
شادن:ما اطلع و ما نحجي
اسمر:اذا نضل نتجادل هنا يكعد ابوي امشييي شنو هل اعناد
شادن:درت وجهي فتحت الباب وطلعت
اسمر:صعدي بلسيارة
شادن:اذكرت من بليل اخذني يامن للخرابة
:لا لا ما اصعد
اسمر:شادن اصعدي بس احجي وياج وروحي وين ما تردين
شادن:عليك الله ما تخطفني
اسمر:اخطفج؟
شادن:اي
اسمر:استغفرالله شادن اصعدي
شادن:صعدت بلسيارة دار هوه صعد
اسمر:وين تردين ترحين
شادن:ما ادري بس ع الأكثر اريد ازور
اسمر:ايي؟
شادن:شنو ايي
اسمر:اي وين وراهه ترحين
شادن:اضل هناك
اسمر:و ام محمد نسيتيه؟
شادن:استغفرالله ما ادري المهم اروح ازور و بعدين ادبر نفسي
اسمر:لا ما تفيدج هل شغله يلكاج ابوي
شادن:شنو يعني
اسمر:مفاتيح بيتج القديم عندي راح انطيج نسخة و اخلي عندي نسخة ابوي ما راح يشك انتي هناك
شادن:يعني تاخذني البيتي
اسمر:ايي
شادن:تمام
شغل السيارة ومشينة واني لازمة گلبي بإيدي ركزت حته اشوف هاذ نفسه طريق بيتي القديم لو يجذب وطلع صدك طريق بيتي وكف
السيارة ونزلنة فتح باب البيت دخلت هاجمتني كل الذكريات الي عشته هنا اول مرة دخلنة لهل بيت ولحد ما طلعت منه فتحت الباب الداخلي للبيت ريحته ابد مو طيبة دخلت للمطبخ كومة اكل مطشر وكلشي خربان
اكل جاهز محد فاتحه اصلا و خربان الثلاجة كلشي بيه خربان رجعت للصالة
اسمر:رتبي وضعج وباجر اجي من الصبح و اجيب الج مسواك
شادن:تمام
اسمر: باعي راح اطلع واقفل الباب من برة حته اذا ابوي يجي لهنا يشوف الباب مقفول
شادن:تمام
اسمر:مو تفتحين الباب لأي احد
شادن:تمام
اسمر:يلا في امان الله
شادن:الله وياك
طلع سمعته قفل الباب الخارجي مال البيت نزعت عباتي و حجابي نيمت علاوي و بديت انضف ذبيت كل الأكل الخربان البيت كلة غسلته غسلت المطبخ گوة خلصت متت من التعب رحت طلعت الي ملابس سبحت وبدلت رحت حضنت علاوي ونمت
كعدت ع صوت تلفوني وهوه يدك
رديت واني ففاتحة نص عين
:الوو
اسمر:الوو شادن وينج
شادن:ها بلبيت
اسمر:فتحي الباب اني برة صار ساعة
شادن:مو عندك مفتاح
اسمر:يعني كل عقلج ادخل للبيت وانتي ما تدرين طلعي بسرعه
شادن:تمام تمام
كمت لبست حجابي وطلعت فتحت الباب دخل گوة شايل العلاليك جايب كومة غراض صاير احمر ويلهث
اسمر:يابويةة تعبتت
سدي الباب
شادن:هزيت راسي رحت سديت الباب
اسمر:وين علاوي
شادن: فوت
اسمر:لا لا بس اشوف علاوي و اروح
شادن:اوكف خلي اجيبلك ماي
رحت جبتله ماي شرب رجعت جبت علاوي شالة بوسة لعب ويا و راح ضليت اصفي بلغراض
نضفت الثلاجة وصفطت الأغراض كله احتاريت شنو اسوي غدة كلت من اجوع اسويي ضليت العب وي علاوي سمعت تلفوني يدك رحت شفته روان رأسا فصلته طلعت الخط كسرته و ذبيته رحت حضرته هيه و وائل من الفيس و المايسنجر
مشت حياتي تقريبا اسبوعيني اني هيج اسمر يجيبلي المسواك و من يطلع يقفل الباب من برة
نفس كل مرة اجة اسمر وجابلي مسواك وغراض وصيته عليهن راح شوية ورا و اندك الباب عبالي هوه رجع فتحت الباب دخل ابو يامن وهوه مخنزر عليه دفعني وطب لجوة
رحت اركض وراا شفته طالع من الغرفه وبيدة علاوي
ركضت عليه واني اصيح
:ويننن رجع ابنييي ابنييي رجعهههه
ابو يامن:ضلي ببيتج وحدج
شادن:لزمت بأيدة اريد اخذ علاوي دفعني اخذة وطلع…يتبع
……………………………………
مرحبا عمري شلونكم شخباركم شنو رأيكم ببارت اليومم بقة تقريبا بارتين واختمم 🥹🥲
ووو وين تفاعلكم مال قبلل حته مالي واهس اكتب 🙂
اصل الى هنا لنهايه البارت الثاني والأربعون 🥀✨
لاتنسون التصويت ✨🫶🏻
ولا التعليق✨🤍
دمتم بحفض الرحمن🍃💚
أنت تقرأ
سنابل منكسرة 🌾
Romanceبنت عراقيه في عمر صغير تنخذل من الجميع حتى والدها الذي من المفترض ان يكون هوه سندها وقوتها تقرر الهرب من الواقع لتستعيد قوتها فتجد نفسها في احد المنازل العراقيه لا تعرفهم ولا تريد التعرف عليهم لاكن القدر اجبرها ان تتحمل غيضهم وكرههم لها هل ستجد من ي...
