"يلاهيـ حاچيـ ملكـ الموتـ علـ موتـ يجيـ وياخذنيـ ما ضلـ حيلـ بيهـ "
قصه: سنابل منكسرهـ🌾✨
بقلميـ✍️:اسراء الصالحي 🤍✨
..........................................
شادن:روحي طلعت عيوني غوشت و احس فقدت الوعي مدري من الألم لو من هول الموقف اسمع اصوات صياح بس ما اريد اكعد فتحت عيوني صوت روان وهيه تهز بيه بعدني بمكاني ع جرباية متني ينخر بروحي من الألم من حسيت اني مجردة من الملابس عرفت انو هوه مغتصبني و الألم الي ببطني كفيل انو يثبتلي هل شي
روان:واخيراا كعدتي كومي شادن كومي اني خابرت لأبوي واسمر بس البسي ملابس ما كدرت البسج اني خل ناخذج يمنة
شادن:يامن وين راح
روان:ابوي ضربة وطردة
شادن:سكتت والدمعه بعيني
روان اطلعي خل البس ملابس
طلعت روان رحت لبست ملابس و جسمي يرجف مثل السعفه بطني توجعني بشكل موطبيعي متني مشوهه بلكامل كوة كدرت البس من الألم لفيت حجابي وطلعت مجرد جسد يمشي لا مشاعر لا روح احس فقدت حياتي بهل يوم وجهي صاير عبالك وجه وحدة ميتة
من طلعت من الغرفة باوعولي ابو يامن و اسمر ثنينهم
هز راسة ابو يامن بأسا اسمر ضرب الطبلة الي كدامة و كام طلع
استغربت رد فلعهم شبيه ليش هيج سوو
درت وجهي لروان بتساؤل ضلت عيونة متركزة ع عيوني و تبجي رحت للمراية عيوني عليهن كدمات!!
وجنتي صايرة زركة و وحدة من عيوني مورمة ليش ما حسيت بألم؟
شنو سوة بيه من فقدت الوعي
اجاني صوت ابو يامن وهوه يصيحلي
ابو يامن:شااااادن بابة تعالي يمي
شادن:رحتله تفضل عمو
ابو يامن:لمي غراضج يلا ترجعين وياي
شادن:هزيت راسي ساكتة رحت اخذت كم لبسة و اغراض احتاجهم و طلعت من هل بيت الي كان عساس راح نملي حب و مشاعر
الي ما توقعت اشوف بي يامن بهل شكل
شنو الي سويتة الة حته يعذبني بهل طريقة
من بشاعة الموقف فقدت الوعي
من الم الحرك ما حسيت بألم عيني و ما ادري شنو مسوي بعيوني حته هيج صايرات
::-انا شفت كتير منك وخلاص اهو فاض بيا
::-معقول كدا عادي وسهل عليك تضلم فياا ودا قلب ايه؟
::-اصلي ما شفت عندك احساس ازاي في الدنيا في ناس كدا قاسية و مؤذية
::-انا شفت كتير منك يلي عليا ستقويت و انتا مبطلت توجعني و ما ستكفيت
::-بتنام ازاي وانتا يا ساتر مليان جبروت
::-الله لا يسامحك على جرحك و كسرك ليا
::-الصبر جميل و اهو بكرا تشوف ويجيلك يوم و الوقت كفيل
::-هيجيب حق ايدي دا وانا مضولمة ودعيت عليك من قلبي دعيت كرهاك بضمير
::-داين فتدان امال يعني انتة مفكر اي؟
(هل اغنية تمثل شادن حرفياا 😩🫶🏻)
وصلنة للبيت نزلت فتحت الباب و ما حجيت وي اي احد رحت لغرفة روان حته ما باوعت لغرفتنه روحي طلعت من كلشي ذبيت نفسي ع الكاع حته بدون غطة نمت و رجع نفس الحلم الي اتحلمه كل ما صير مشكلة
عبالك وكعت بلطين و االخيسة احاول اطلع منه و اجة شخص سحبني بس هل مرة كدرت اشوف وجه
اسمر هوه الي ساعدني و طلعني ركضنه اني وياا ع الصوت كل ما نقترب للضوة يعلة الصوت وصلنة اخر شي اذكرة شفت تابوت و كعدت من النوم ع الم ايدي لكيت روان مغطيتني كمت جسمي متكسر اذكرت اني لا سبح لا صلا اخذت هدوم و رحت سبحت و ما اباوع لمتني و للحرك الي بي لأن شكلة مقرف نشفت نفسي و لبست وطلعت من الحمام ما بأيدي شي غير انو اتوجه لرب العباد هوه الرحمن الرحيم الي يكدر ينتشلني من الي اني بي و ينقذني من الألم الي بروحي و جسديي صليت و اكتفيت بلسجود و البجي شلت سجادتي و توجهت خطواتي لغرفة اسمر
طرقت الباب عدة طرقات فتح الباب و الجكارة بحلكة بس شافني ابتسم
اسمر: صح النوم
شادن: صح بدنك
اسمر: تفضلي؟
شادن:اسمر اني محتاجة ازور احتاريت المن اروح وائل مو هنا و استحي من عمو تكدر تاخذني للزيارة
اسمر:دللي ما عندي اي مشكلة اذا تحبين هسه اخذج
شادن: لا لا هسه الوقت متأخر اريد اروح هواي حته يمكن ابات يعني توديني و ترجع للبيت اني من اتصل عليك تعالي
اسمر:اذا هيج خل اخذج هسه خفيفه ماكو ناس هواي وضلي شكد ميعجبج
شادن: تمام خل اروح احضر غراضي
اسمر:شادن قبل لا ترحين عندي سؤال
شادن:جواب
اسمر:تكدرين تدخلين لجوة لأن عندي حجي هواي
شادن:باوعت بتساؤل ما ثقيت اطب ويا للغرفة اخو يامن كلشي يصير هزيت راسي بنفي
::- لا اسمر ما اكدر ادخل غرفتك
باوعلي بعدم فهم هز راسة وطلع من الغرفة اشرلي انزل
اسمر: انزلي نحجي جوة
شادن: اذا موضوع حساس لا تنسة رفل و رنا
اسمر:رنا نايمة هسه و رفل من نخطبت بعد ما اجت لهنا
شادن:سكتت و نزلت كدامة توجهت للصالة كعدت اجة كعد وخلة مسافه بينة
اسمر:شنو الي صار بذاك اليوم؟
يامن شلون خلاج تزوجينة؟
شلون وافقتي بعد الي سوا بيج؟
شادن:ليشش شسوة؟
اسمر:شادن ترا كلنة ندريي سالفة الأثار الي بركبتج هوه و رفل متفقين عليه هوه كلي و كال هيه ماعليه
شادن:جا ليش ما سألتة ليش سوة هيج؟
اسمر:سئلته بس ما جاوب
شادن:أذن ماكو جواب
اسمو:لا اكوو فهميني ترة عقلي وكف هوه لازم عليج شي ليش يأذيج وانتي ترجعيله
شادن:اخر مرة رجعتله بسببك انت و ابوك و بعدين شعندي ويلزم عليه شي اسمرر شنو هل حجي
اسمر:شادن اريد اساعدج اني افهميني ترة الي جاي يسوي بيج جريمة تعرفين شنو يعني جريمة لازم نوصل لحل
شادن:ماكو حل
اسمر:كلشي اله حل بس كليلي شلون وافقتي تزوجي
شادن:اغتـ*ـصبني
فتح عيونة بتعجب صفن للحضات
اسمر:من طلعتي منا موو؟
و جنتي كل الوقت يمة صح؟
شادن:اي
اسمر:زين ليش شنو سبب
شادن:زوجته السابقة
اسمر:زوجتة؟ شعليه؟
شادن:استغفرالله
اسمر الحجي هواي و ما اعتقد راح تفهم خلي اروح احضر غراضي
اسمر:اكعدي وفهميني
شادن:يامن يطلب ابوي ثار لأن بسبب ابوي يامن كتل زوجتة
زوجتة خانته وي ابوي العار و حضي جابني و خلاني بنص عائلة يامن و هسه يامن يحتار شيسوي يية حته يأذي ابوي فهمت هسه؟
اسمر:انتي شجاي تحجيينن زين شلون اجيتي لهنا يعني ابوج هوه موديج لو شنو
شادن:هههه تصدك اذاا اكلك ابوي هسه اذا اشوفة بلشارع ما اعرفه
اسمر:جا شلون
شادن:صدفة
اسمر:ماكو هيج صدفة يمكن يامن مدور ورة ابوج و كدر يستدرجچ
لهنا
شادن:اني اصلا بلجنسية ما مسجلة بنت ابوي مسجلة بأسم خالي تذكر من سولفتلكم لو لا؟
اسمر:اي اذكر
شادن:اي منه و رايح عمو يشوف كلامي صح لو غلط و طلع خالي مفضوح و عارفين اني مو بنتة و ابوك جاب اسم ابوي
و جاي حاجي ليامن كلشي و يامن عرف اني اصير بنت عزيز
اسمر:والله ما جاي اعقل الي تحجي وين اكو هيج صدفة؟
شادن:شمدريني وين اكو هيج صدفة لا تصدك براحتك اني رايحة احضر غراضي عفته بحيرتة و رحت غراضي بعدهن بلجنطة لبست عباتي و اخذت الجنطة ونزلت
::-يلا تكدر تاخذني لو لا؟
اسمر:يلا امشي
شادن:طلع هوه كدامي مشيت ورا صعدنة بلسيارة مرقد الأمام الحسين ما يبعد هواي عن بيتهمم وصلنة و نزلت امشي حته نسيت اسمر وياي اريد بس المح كبة الأمام. امشي سريع اريد اوصل وصلت تفتيش دخلت طلعت امشي سريع نزعت حذائي وخليته بمكان عشوائي اريد بس ادخل و اوصل دخلت لداخل الحضرة شميت هاذ العطر الي يهدأ الأنفس و يريح القلوب استنشق بهل هوة تمتلئ رئاتي منة و ما اريد استخرجة اتجهت للضريح وفعلا ما جان اكو هواي زوار رحت تمسكت بلشباك بكل ماعندي من قوة دموعي نزلت و بللت خدودي بدون شعور هدئت وبس دموعي بقت ثائرة و تنزل بغزارة ع خدودي اشكي بداخلي لأمامي روحي تصرخ و خارجي صامت و بارد
بعد ما اكتفيت من الدعاء و البجي صليت و ضليت كاعدة كدام الضريح و دموعي تنزل شفت العوائل الي تجي ام و بنته اخت و اخته ام شايلة مولوده ع اديه اني حته هل شي اني نحرمت منه انحرمت من دفو العائلة انحرمت من احساس الأمان انحرمت من احساس وجود سند عندي كضيت يومين بلأمام و اسمر و روان اتصالهم متواصل وياي ما شفت لا ام محمد و لا نرجس
اجة اليوم الي اودع اجمل مكان و اسأل اصحاب هل مكان العودة
اتصلت بأسمر حته يجيني ودعت امامي الحسين و امامي العباس
رحت للمكان الي حددنا نلتقي بي اني واسمر شفتة من بعيد اشرتلة اجة بأتجاهي اخذاني. و رجعت للبيت نفسيتي تحسنت اثار الي بوجهي راحت سلمت عله عمو و رنا حضنت روان من شفته صعدت لغرفة روان جمدت بمكاني واني اشوف يامن ينزل من الدرج رجليه بدون ما احس رجعت ليورة ردت اوكع من الدرج نزل سريع هوه و سندني
يامن:شبيجج غير تنتبهين
شادن:حته الكلام عجز يطلع من حلكي اكتفيت انو ادفعه عني و اصعد الدرج كل الألم و الأذية احس رجعولي من شفته حته الخوفة و الرجفة نفسه انعادت عليه كعدت بغرفة روان و ما طلعت منه ابد
ما اريد اشوفه بعد اندك الباب و تبعت دكاتة صوت روان
روان:شادن ما تنزلين تتغدين؟
شادن:ما اريد ما اشتهي اريد انام
روان: لا شنو مو زين عليج تعاي نتغدة
شادن:كتلج مااا اريدد شبيج
روان:شنو لأن شفتي يامن ترة اجة اخذ اوراق تخصة هناا و راح
شادن:يعني ما موجود؟
روان:لا ما موجود يلا تتعاي
شادن:نزلت وياهه ليش مرعوبة منة كعدت اتغدة و اني افكر اسوي الي ببالي لو لا
اذكر مرة راواني عندة هيج طوبة صغيرة من الگزاز زوجته السابقة جايبته اله بعيد ميلادة بيه ثنين عرسان و تفتر كلش عزيزة عليه
كلت اكسره مثل ما كسر روحي و ومشاعري وكلشي حلو جان بيه
خلصنه غدة وهل فكرة تتردد ببالي اسويه لو لا اسويه لو لا واخر شي كلت خلي احرك كلبة مثل ما حرك كلبي خليت روان و اسمر جوة اتأكدت محد راح يصعد بعد رحت للغرفة ما مقفولة فتحت الباب ودخلت ع اطراف رجلية امشي رحت للميز فتحت الباب اخذته اتجهت للصطح فريته هواي حته الحك انزل و ما يشكون بية فريته وخليته ع حافه الستارة مال صطح حته بس تفتر توكع سديت الباب ع كيف و نزلت كعدت وياهم وسولفت طبيعي ماكو شي استغربت شنو ليمته توكع هاي
ضليت انتضره تفتر و توكع ماكو رحت وي روان للمطبخ نسولف لأن كلمن راح لغرفته انفتح الباب مال الشارع عرفته هوه اجة كلبي صار بأيدي من الخوف يربيي بشنو ورطت روحي لا هيه الواكعه ولا هيه الضاله دخل توة كال السلام عليكم يريد يدخل للصاله سمعنه شي وكع و انكسر برة وهنا احس كلبي انكسر وياهه من الخوف دار وجهه بأستفهام طلع يشوف شنو هل صوت طلعنه ورا اني و روان لكينا كاعد عله اركبة بصدمة عرفه مالتة الي من زوجته
روان خلت ايده ع حلكه مصدومة
كلنة نعرف يامن شكدد يعز هل تحفية لأن من زوجتة ويكول بيه ذكرا حلوة و ارتاح من اشوفه دار وجه بغضب وهوه يباوع النة شال ايده وهوه يأشر عليه
يامن:انتيييي انتييي ادري بيجج كلة من وراج انتي كسرتيه
شادن: ضليت مصدومة شلون عرف اني هجم عليه وهوه يضربني صياحنة ملة البيت روان تسحبني منه بس ما يقبل يهدني اتهستر كلش سحلني من شعري و انصدمت واني احس بي يصب النفط فوك راسي ملابسي. حجابي كلهن ريحة نفط عرفته ما اكتفه بحرك روحي و اجة الدور عله جسدي …يتبع
……………………………………
✨✨✨✨✨✨✨✨✨✨✨
هلا بناتتت شونجن واخيرااا رجعت للنشر و رجع واهسي ادعولي اكدر اتخطة الي جاي يصير وياي تعبانة هواي كوة كتبت هل بارت عود كللي رأيجن بلتعليقات ع القفله لا تنسون التصويت و التعليق 🫶🏻😩🤍✨
اصل الى هنا انا واياكم الى نهايه البارت الرابع و الثلاثون دمتم بحفض الرحمن😔🫶🏻🦋
أنت تقرأ
سنابل منكسرة 🌾
Romanceبنت عراقيه في عمر صغير تنخذل من الجميع حتى والدها الذي من المفترض ان يكون هوه سندها وقوتها تقرر الهرب من الواقع لتستعيد قوتها فتجد نفسها في احد المنازل العراقيه لا تعرفهم ولا تريد التعرف عليهم لاكن القدر اجبرها ان تتحمل غيضهم وكرههم لها هل ستجد من ي...
