"لا اگدر اعوفك و لا اگدر اضل وياك
لا انت العفتني ولا رضيت انساك
ما اريدك
و اريدك حرت و احتاريت
العفتني
و البقيت ثنينهن صعبات "
قصه: سنابل منكسرة 🌾✨
بقلمي✍️: اسراء الصالحي 🤍✨
……………………………………
شادن:سمعني هيج كلت تشخصت ملامحه بغضب
ردت اكمل كلامي خلة ايدة عله حلكي وسحبني للديوانيه
ابو يامن:ولجج محد يدريي بي لا تفضحينة كدام رناا سكتييي شادن
شادن:ضليت هادئة دخلني للديوان و دخل سد الباب دار وجهه وهوه مخنزر عليه
ابو يامن:انتي تخبلتييي شبيججج هاا شبيجج اعرف مو هينه اعرف هاذ الشي صعب عليج و اعرف احساسج بس مو معناهه تفضحين رجلج كدامهم شلون تحجين هيججج كدامهم انتي مرتة لازم تكونين الغطة الي يسترة مو تقضحينة
شادن:هسه صار الحق عليههه انيي هسه اني الغلطاانة موووو مو انتوو ضحكتوو عليه
ابو يامن:محد ضحك عليجج محدد يامن تعالج هوه بس بسبب مرتة السابقة الله لا يغفرله
شادن:اني شدخلني مرتة السابقة مو مرتة شعليهههه انيييي انييي تأذيتتت تريد. اراويك شنو تحملتت اليوم اريد حته الحرام و العيب اعبرهننن تريد تشوف شسوة بجسميييي اني مرتة واغتصـ*ـبني بااجر عكبة اذا خلفت منة بنية هم يغتـ*ـصبه بحجة مريضض وي يامن ما اضللل انييي
ابو يامن:يجرالج اني اطلكج من يامن ما ضلين وياا شتردين بعد
شادن:سكتت احس روحي مشتعله احس بس يريد يسكتني بهل كلام ما راح يسويلي شيي عفته و طلعت من الديونية كلهم كاعدين منتضرين يعرفون شجاي يصير
اسمر:شادن شكوو شنو هل حجي الي حجيتي
شادن:صحت بوجهه
ما عليككككككك لا تدخلللل شلك دخلل انتههه لحد يسأل ما عليكممم ما عليكمممم
وانتن الثنين
حجيت هيج و اشرت عله رنا و رفل
اذا سمعت طلعت منجن حجاية عليه لو عله رجلي والله اشك حلكجن و لحد يلومني عله الي يطلع مني
حجيت هيج وصعدت فوك رحت لغرفتنه القديمة مقفولة
:روااان رواااان
روان:هااا
شادن:اطيني مفتاح هاي الغرفة
روان:هسه اجيبة من ابوي
شادن:ضليت واكفه انتضره احس محطمة من داخل كوة واكفه عله رجلية شنو ذنبي طفلة وتحملت كل هاذ شنو ذنبييي ليشش شنو غلطييي وين عدالتك ياربي
فزيت من صفنتي عله صوت روان
روان:هاج هاذ المفتاح
شادن:اخذته فتحت الباب و دخلت قفلته غرفتنه عله حطتهه نزعت عباتي و حجابي كعدت ابجيي شنو بيدي غير البجي
كمت بكل حيلي شنو اجة كدامي كسرته الغرفة كله كسرته لا خليت مزهرية لا مراية كسرت كلشيي خليت كلشي مجرد حطامم نفس روحي وكلبي هسه
بعد ما تعبت من البجي و التكسير نمت بوصط حطام الغرفة و حطام روحي لفيت نفسي بحزني و كسرتي و نمت اريد اشرد اروح لغير عالم ما اريد ارجع للحياة ما اريد اعيش بعد هاي هيه اكتفيت من كلشي روحي چزت من كلشي لعبت روحي من كلشيي اريد بس يعوفوني ما اريد شي
فتحت عيني ع صوت الباب وهوه يندك
يامن:فتحييي البااااب شااادننن فتحيييي
استغفرالله والله راح اكسر الباببب افتحيي القندرة خل احجي وياااج شااادن
اسمر:عوفه خاف نايمة
يامن:كول خاف متخربطة مو نايمة
اسمر:البارحة انت شحاجي غير افهم شجاي يصير
يامن:ما اذكرر والله كلشي ما اذكرر
شادن:كمت لبست حجابي و فتحت الباب عيوني مورمة و حمر
تقدم يامن يريد يحضني قدمت ايدي واني استوقفة
:لا تتقربب لا تتقرب
يامن:شبيج شاادن اسفف والله ما ادري شصار خلي نتفاهم خل نحجي
شادن:ما عندي حجي وياك ابوك وين خل هوه يفهمك
يامن:اسمر ابوي وينن خل افهم شجاي يصير و الكعبه كلشي ما جاي اذكر
شادن:هاا يعني ما تذكر من ربطتني وجويتني مووووو
يامن:لا هاي اذكره بس بليل شصار
شادن:امشيي يامن امشيي لا تخلي روحي تطلععع
سديت الباب و قفلته ضل شكد يصيح برة لحد ما تعب و نزل لجوة
ضليت كاعدة بلغرفة ما اريد انزل لجوة
بعد كم ساعه واني صافنة اجانني صوت روان من برة
روان:شادن افتحي الباب خلي ادخلج الغدة
شادن:ما اريد
روان:شلون ما تردين لازم تاكلين يلا فتحي الباب
شادن:كلتتت ما اريدددد كوة هيه
راح صوته شوية و اجة ابو يامن
ابو يامن:يابة شلون تموتين نفسج اعتذذر منج اني جاي هنا اني و شيباتي اعتذر منج عله كلشي اسف اعذريني والله عبالي متعالج والله حسبتج حالج حال روان وما ردتلج الأذية كلت تزوج ابني عاد كدام عيني ما ادري بيامن هيج وبعدة ما متعالج ماموجود هوه هنا اني حاجيته و راح اطلعي تغدي اذكري الله يلا بنتي
شادن:ما رديت بشي بس دموعي كامت تنزل كلمة اعتذر تكدر توخر الم الحرك تكدر تمحي اثار الحرك
كلمة اسف تكدر تمحي من ذاكرتي كل هل ذكريات السيئة؟!!!
كمت لبست حجابي فتحت الباب و طلعت غسلت اباوع لوجهيي عبالك صار سنة ابجي مو بين يوم وليله مصفط صفط طالعه جني مومياء
نزلت لجوة صوتهم مرتفع وهمه يتغدون
دخلت للصاله توجهت انضارهم عليه
ابو يامن:هله هله ببنيتي الحلوة وخرر وائل وخر بنيتي يمي تكعد
شادن:رفعت عيني اباوعله شنو عباله زعطوطة وهيج يحجي لو شنو رحت كعدت يمة و جذبت علة نفسي كلشي ما اكلت كمت غسلت و اتجهت للمطبخ اساعد روان
ما سئلتني شي و لا حجينه توني خلصت غسل اماعين اريد اصعد للغرفة انفتح باب الببيت عرفته اجة ركضت للغرفة توني اريد اقفل الباب فتحه ودخل
يامن:شاادن شبيجج كتلج بس خلي نتفاهم خل نكعد ونحجي
شادن:ما احجيي وياكك ما عندي حجييي وخر عني اطلع برةةة ما اريد اشوف خلقتك
يامن:ذكريني كليلي شحجيتلج
شادن:هوه بس شحجيتلي شنو نسيت نسيتت الحرك الي حركتنيااا و جسمي الي شوهتههه نسيته لو شنووووو
يامن:لا ما نسيت بس جانت لحضة عصبية و الله بسبب ابوج شادن رجع هددني رجع دزلي صورة هوه و مرتيي
شادن:وانييي شنو ذنبيييي ولك شنووووو غلطي وينننن غلطي هوه ابويي ما اختاريته يكونن ابوي مو اني الي اختاريتة والله
يامن:كتلج لحضة عصبية تعاي نرجع للبيت و نحجي واذا عله الحرك عادي يروح اني اسويلج عمليه تجميل لو شكد ما تكلف
شادن:كلشي ما اريد بس تعيفني
يامن:ما اعيفججج والله ما اعيفجج انتي مرتييي مو بكيفج هيه هم تردين تخونيني نفس هذيج موو لكيتي واحد غيري وهاي حجة ادري بيجج
شادن:انته شجاي تخربط شنو لكيت واحد غيرك هوه اني اكدر اتحملك حته اتحمل غيرك يامن اني كرهتكك كرهتكك افهم
يامن:استغفرالله شنو تردين حته ترجعين لا تعيفيني اني احبج
شادن:جذاب تحب مرتك ما تحبني انته جذاااااب
صدمني من لزم ايدي وضل يبجي مثل الطفل شكد ما جنت اشوف عندة جبروت وقاسي بهل لحضه هاي حسيته طفل
يامن يتوسل ويبجي؟!!!
جانت اكبر صدمة الي عبالك كدامي طفل يشهك ويبجي يتوسل بية حته ما اعيفة ايقنت انو هوه فعلا مريض مو صاحي
الي يشوفة و ما يعرفه يكول هاذ اقسة من الحجر و الي يشوفة هسه يكول هاذ زعطوط بجسد شخص جبير
يامن:عليج الله لا تعوفيني اني احبج والله ما احبه البارحة جنت شارب حته ما اذكر شحجيت لا تعوفينيي انتي مو تحبيني شلون تردين تعوفيني هااا شلون اني صار شكد مزوجج ما ائذيتج بس البارحة لأن جنت ضايجج شبيج شادن
شادن:كافي يامن حباب كافي والله تعبتني عيفني ياخي طابت نفسي منك
يامن:ارجعي بس عيشي وياي والله ما اتقربلج اكتفي بس اشوفج كدامي هاي هيه
شادن:استغفرالله خلي يجي ابوك والله كريم
يامن:يعني ترجعيلي؟
شادن:اذا ما تتعالج ما ارجعلك
يامن:واني شبية و اتعالج
شادن:تعرف شبيك انته البارحة بعضمة السانك كتلي شبيك
يامن:لا مابية شي انيي تعالجتت ما بية شيي
شادن:لا انت مريض يامنن انت مريضض
يامن:موووو مريضضضضض كتلج مابية شييييي مابيةةة
شادن:استغفرالله بشنو تورطت انيي بشنووو
سكتت هوه هم سكت شوية و اجة عمي ضل يحجي ويا ويامن ينكر ويكلة اني مابية شي و متعالج عيفوني
و عمو يكلة لازم تروح دكتور بين فترة و فترة ادري ما بيك شي بس لازم يشوفك دكتور
يحاجي ويقنع بي عبالك طفل فعلا انصدمت بيامن جان مجرد شكل قاسي و يخوف طلع ولا شي عبارة عن طفل
بحثت هواي عن هاذ المرض بس ما حسيتهن مثل اعراض الي عند يامن يامن كل ساع شكل مو دوم يأذي الناس
بعد محاولات قبل يروح للدكتور كل هاذ و طلعو لا اخوانة ولا اخته ت
يعرفون بمرضة و بسببي عرفو و ضلو متكتمين عله الموضوع حته لا يعرفن رنا و رفل اخذو اسمر و ابو للدكتور
صح احس كرهته بس كلبي مو راضي ينسا ولا يخليني انسا و اكرهه صدك
مر وقت يلا رجعو وهوه يصيحح جذابيننن مو اكلكم كل الدكاترة ك
جذابين و اني مابية شي
نزلت عله صوتة
بس شافني اجة يمي
يامن:شوفي شادن مو اكلج مابية شي جذابينن الدكاترة
ابو يامن:كافي يامن اصعد الغرفتك
يامن:يابة كلله اني مابية شي شادن دكتورينن ثنين رحنة كل واحد يكول شكل
شادن:اي اي هاي هيه ما بيك شي
يامن:يعني راح ترجعيلي؟
شادن:ما ادري خل احجي وي عمو ونشوف
رحت لأسمر و عمو وثنينهم مبين عله ملامحهم الحيرة و التعب
:شصار شنو دكتورين
اسمر:والله ما ادري شكلج شادن كل دكتور يكول شكل
شادن:انتو ليش ما اخذتو لدكتور واحد ليش اخذتو لأثنين
اسمر:مو اول واحد من حجيناله كلشي يكول يامن مو سادي يامن عندة اضراب الشخصية التفارقي
شادن:اي
اسمر:اي بس من ذكر الأعراض مو نفس الي عند يامن ف عفنا و رحنة سئلنة عله غير دكتور من رحناله و حجينة كلشي
شادن:ليش سكتت شكال؟
اسمر:من ذكرنة الي سوا بيج كال هاذ ما زوخي الي عندهم هاذ المرض همه الي فضلون ربط و تعصيب العينين الأذية السادية مو هيج
شادن:وهسه شنو
اسمر:ما نعرف شنو بي يامن ما نعرف حايرين شنسوي ما ندري
ابو يامن:اني اول مرة اشوفه هيج يتوسل شكد جان يحب هذيج مرتة بس ما اذكر اتوسل بيه فد مرة ما جان هيج اول مرة اشوفه يبجي
شادن:و هسه شلون
ابو يامن:ما ائمن ادزج وحدج ويا خلي روان تروح وياكم
شادن:ومنو كال ارجع اني
ابو يامن:استغفرالله بابة افهميني يعني شبيدي اني اشوف ابني يدمر كداميي ليش ما جاي ساعدينة جاي اكلج روان وياج اذا سوالج شي هيه موجودة وهوه يحلف ما راح يتقربلج
شادن:و لييش لازم اني اتحمل كل هاذ
اسمر:لأن هوه يحبج
شادن:يحب مرتة
اسمر:لا ما يحبه لأن جان شارب هيج حجة
شادن:صح احس جاي ضحكون عليه بهل كلام بس راح اسويه لوجه الله من باب الأنسانية راح ارجع ويا
كمت واني ما مقتنعه بلي حجيتة ما اريد ارجع صعدت لفوك حته اكل لروان تحضر نفسه وتجي ويانة
:رواااان رواااان
روان:هااا
شادن:حضري روحج اخذي وياج جنطة بيه ملابسج
روان:ليش وين راح اروح
شادن:راح ارجع لأخوج وانتي وياي
روان:اييي راح نعييش ببيت واحد
شادن:عفته رحت للغرفة دخلت لكيت يامن متمددت ع جرباية
يامن:ها شصار
شادن:يلا خل نرجع البيتنه
يامن:تمام اني نازل اشغل السيارة
شادن:هزيت راسي لبست عباتي و رحت انتضرت روان لمن خلصت غراضه نزلنة ودعت عمو و الولد و رجعت البيتي طبيت الغراض مكسرة البيت مبهذل الله يعلم شسوة وراي كمنة اني وروان لمينة كل الكزاز و شلنة الفراشات كله و غسلنة البيت كله. فرشنة الفراشات و عطرنة البيت
رحت اني سبحت وبدلت طلعت من الحمام تلكتني روان
روان:شنسويي عشا
شادن:والله ما ادري نوصي من المطعم مابية حيل اني
روان:اي عادي
شادن:انتي خابري و وصي الي تردينة
روان:وانتي؟
شادن:اني كلشي ما اريد
وصت وصل الأكل كعدنة ناكل يامن بس وصلنة و راح لشغله فرشنة اني وياهه بلغرفة الثانية ونمنه سوة مشت الأيام هيج اني انام يم روان و يامن كام ما يجي للبيت هواي و هم دوم عصبي و ما يتحاجة وساعه عسل ماكو احلة منة و محتارة ويا اني
مرة من المرات دك تلفون روان
اتصلت عليه امه وهيه تبشره رفل انخطبت
وعزمتني ع العقد مالته
ضلينة ندور عله فساتين اجة يامن
روان كلتلة اخذنة للسوك ندور فساتين للحفله اني عجبني فستان اسود طويل مفتوح من يم المتن. و روان اخذت فستان سمائي قصير رجعنه للبيت تعبانين من السوك رحت قست الفستان طلع يخبل روان هم طلع يجنن عليه ثاني يوم حفيت و كعدنة نسوي ماسكات واجة يوم العقد واخيراا راح نخلصص من ام السحورة طلعنة من البيت بملابس عادية اجتمعنه ببيت عمو ابو يامن روان و بنات خالتهه اتفقن يرحن للصالون كللي اني اتصلت بيامن
:الو
يامن:الو
شادن:اكلك البنات كالن راح يروحن للصالون عادي اروح وياهن
يامن:منو ياخذكم
شادن:وائل
يامن:اي روحي اذا تخلين مكياج وجهج غطي
شادن:اي
نهيت الأتصال ورحت وياهن للصالون خليت مكياج و سويت شعري
روان:شادن شوفي
شادن:راوتني وشم احرفنة اني و يامن
روان:ما تخلين منه والله حلو
شادن:اي حلو خل اكول ليامن
رجعت اتصلت عليه
يامن:هااا يابة كل ساع مخابرة
شادن:اكلك يامنن هاي اكو وشم حرفي و حرفك عادي اخلي منة؟
يامن:لا لا ماكو وشم
شادن:يااا ليش شبيك يامن
يامن:كلتتت لاااا
شادن:سديت الأتصال بوجهه واني مغندبة
روان:هاا
شادن:ما يقبل يكول لا
روان:ليش يروح
شادن:شمدريني
روان:يمعودة خلي هسه هوه شمدري
شادن:لا ما اخلي
روان:شبيج شادن خلي بمتنج ما يدري و راح تغطينة بلملابس
شادن:اي هم صدك
اجتي ام الصالون و سوتلي الوشم عله متني طلع شكلة يجنن كلش حبيتة رحنة للحفله ركصنة وتونسنة خلصت الحلفه و صار لازم نرجع و وي حضي اجة يامن واني بعدني لابسة الفستان ملابسي ضلت ببيت عمو
كال يامن بعدين نرجع ناخذهن بس وكف السيارة نزلت ركض اريد انزع الفستان و البس دشداشة حته ما يشوف الوشم توني جاي انزع و السحاب كوة ينفتح حسيت بي صار وراي هنا ما ضل قطرة دم بجسمي من الخوف ادري بي اذا شي ما يقبل عليه واسوي يطلعه من عيني
يامن:شبيج مستعجلة عله التبديل خل اشوفج بلفستان
شادن:اطلع اريد ابدل
يامن:شو دوريلي خل اشوف
شادن:سحبني الة و دار جسمي لجهته عيونة ثبتت عله متني الي بي وشم شخصت ملامحة بغضب زئر بصوت عالي
يامن:انييييي شكلتتتتت هاااااا شكلتتتتتت مو كلتتت ما تخلينن وشمممممم شكتلجججج اني المن اتصلتي وكلتيلي اذااا تسوين الي براسجججج
شادن:ضليت ساكتة ما حجيت شي ثواني احس بي هجم عليه يضربني ما توقعت تكون هاي رد فعله
رجع قيدني مثل اول مرة و قفل الباب اسمع صياح روان برة
روحي طلعتت واني اشوفة يطلع الكاوية و يشكله بلكهرباء حته تحمه
روحي راحت من الخوف دوم اشوفه يستعمل هاي الكاوية يلحم بيه اشياء صغيرة و صير حمرة من تحمة قربه المتني وهوه يحفر بجلدي مكان الأحرف روحي طلعت من الألم ريحت جلدي الي يموع جوة الكاوية طلعت …يتبع
……………………………………
هلااا بنوتات و هاذ هم برتوت طويل ما بقة شي ونختم اتمنه يكون عجبجن نختم انا و اياكم البارت الثالث و الثلاثون لا تنسون التصويت و التعليق دمتم بحفض الرحمن ✨🤍
أنت تقرأ
سنابل منكسرة 🌾
Romanceبنت عراقيه في عمر صغير تنخذل من الجميع حتى والدها الذي من المفترض ان يكون هوه سندها وقوتها تقرر الهرب من الواقع لتستعيد قوتها فتجد نفسها في احد المنازل العراقيه لا تعرفهم ولا تريد التعرف عليهم لاكن القدر اجبرها ان تتحمل غيضهم وكرههم لها هل ستجد من ي...
