رجعت من الزياره وتعبانه كلش اتصل عليه محمد ومبين من صوته معصب كلش
محمد: هسه تنزلين انه بالحديقه اريد احجي وياج
فرقان: خير اكو واحد يحجي بهل الوقت خليها علا باجر لان تعبانه
محمد: نزلي بسرعه احسلج لان مالي خلك كلش
فرقان: يي نازله.
نزلت لان مبين الموضوع كلش مهم رحت للحديقه لكيت محمد واكف وجهه مايكصه الطبر معصب كلش
فرقان: هاا خير انشالله
محمد:منين يجي الخير
فرقان: ليش شصاير خوماكو شي
محمد: اسئلي روحج شمسويه
فرقان: لك شمسويه
محمد: بكل برودت كلب الج عين تحجين وتكولين
شمسويه
فرقان: باع محمد مالي خلك مقالب احجي شتريد لان انه مامسويه شي
محمد: عصبت كلش لان واكفه كبالي وتحجي ولاعبالك مسويه فضيحه اكبر من راسها
باعي انتي لو غبيه لو جاي تستغبين كدامي
فرقان: ولك شبيك شارب نفط وجايني
ماتحجي شمسويه انه
محمد: راح احجي وانه ادري كلش زين انتي جاي تسوين نفسج غبيه
فرقان: يي يلا احجي
محمد: ولج انه حبيتج من كل كلبي وعمري ماخنتج وكفت كبال اهلي كلهم وكتلهم محد اله علاقه بيه انه احب فرقان ومحد راح يدخل وحاربت الكل علمودج تالي هيج تجازيني وتجازين حبي الج ابد ماتوقعتها منج ولج فرقان انهه شنو ذنبي تخونيني ليش خليتيني احبج واتباهه بيج كدام خلك الله كلها وتعلقت بيج كلش تالي طلعتي ماتستاهلين هذا كله بس مو صوجج صوجي انه الي انطيتج اكبر من حجمج روحي خلي علي يفيدج
فرقان: اوكف فهمني شنو خنتك شنو علي يفيدني احجي بوضوح
محمد: بعدج تسوين نفسج غبيه والله اصفكلج علا تمثيلج
فرقان:ولك كل الي جاي تحجي مافهمت اي شي منه
محمد: روحي الله يرضه عليج
فرقان: اصبر محمد شجاي تحجي
راح محمد وجنت مفكره كل هذا مقلب بس من كام يبجي عرفت انو اكو شي صاير مستحيل محمد يبجي علا شي مايسوه رجعت للبيت وانه احس راسي راح ينفجر من التفكير
انهه اسمي فرقان عمري حاليآ 28 بدت قصتي من جان عمري 13 سنه جنه ساكنين بالبصره بس انتقلنه لمحافظة ثانيه انه من جنت صغيره جنت كلش سمينه وماجنت اهتم بنفسي بحكم انو طفله جنه من نروح لبصره اروح لبيت صديقتي انه وبت عمي جانت صديقتي عدها ابن اخوها محمد جان ولد كلش حلو بس جنت انه ويا اربع وعشرين ساعه نتعارك ومانتصافه ابد لحد يوم من الايام جان عمري 10 سنوات قبل لانرجع لمحافظتنه اتعاركت ويا محمد وكالي امشي جنج بطريق وكام يستهزئ بيه انه هنا ضجت لان جانو ولد عمه موجودين هم بكده وكامو يضحكون عليه رجعت لبيت جدي ابجي ومن رجعنه لبيتنه الي بالناصريه كلت لمي انه اريد اخسر وزن واضعف وافقتني الرأي انتضمت بالأكل وكمت العب رياضه وصدك لمن صار عمري 13 سنه رحنه لبصره يعني من بعد 3 سنوات انهه مارحت لبصره ابد ومن رحت جنت كلش رشيقه وجان جسمي يجنن بوكتها اشتريت فساتين بينصل علا الجسم يعني مخصرات ويبرزن الجسم ورحت للبصره لان جان عدنه عرس وصلنه الصبح للبصره واتريكنه بيت جدي وكملنه كمت سبحت وشسورت شعري وجان شعري طويل يعني عابر خصري وبي لون شكار وسرح كلش كملت واجن بنات عمي كالن راح نروح لبيت زهراء الي هيه صديقتنه الي ابن اخوها محمد كلت الهن انهه ماروح ضليت وكعدت خليت مكياج خفيف شوي ولبست تراك وفوكا صايه رحت لبيت عمي ولكيت ابنه اسمه مجتبى دنك وعبرني ضحكت وكتله صاير تستحي
مجتبى:طلعت من البيت اروح للمضيف مال جدي لان جان عدنه ايام عرس وانه طالع شفت كمر ماشالله بس لجحتها ودنكت راسي وعبرت سمعتها ضحكت وكالت صاير تستحي كتلها خويهه انه ماعرفج ولاتعرفيني يعني ماعدي شي وياج حته احط عيني بعينج
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
