فرقان:
شفت المحادثه بس مارديت وضليت افكر شسوي وشكول وشرد وشلون بعدها كلت اذا يكول كلشي تردينه اسوي خلي يخلي احد جبير يعتذر مني نيابه عنه وأهم شي يكون ابو هوه الي يعتذر
هذا الشي الي يخليني شوي اسامحه واتقبله وصدك كتله وكال من عيوني وصدك ثاني يوم من الصبح خابرني ابو محمد ورديت وصدك حجالي كلشي واعتذر نيابه عن ابنه واذا يعيدها ويزعلني هوه المسؤول
بس كلت كل هذا ما يكفي اريد اصلي واشوف اذا ارتاحله لو لاا وصدك صليت ودعيت ربي اذا جان خير خلي كلشي يتم علا خير ويجمعنه بحلاله واذا جان شر يبعده عني تمامآ وبعدها نمت وحلمت بحلم كلش حلو جن محمد لابس ابيض وكاعد بمكان كلش حلو يجنن حيل وبيده اثنين جهال ولد وبنيه ايه من الجمال ماشالله وجان يكلي هذا سجاد وهاي رقيه تعاي يمي وأخذي رقيه بحضنج وصدك رحت يمه واخذت رقيه وضليت كاعده يمه بس جنه حيل فرحانين بالحلم يعني الدنيه ما واسعتنه ابدد وقررت ارجع لمحمد
وصدك رجعت علاقي وي محمد احلا من قبل واحلا وعدت سنه واتخرجت الحمدلله واول واحد محمد بشرته وسوالي احلا حفلة تخرج وحيل فرحت بيها وصرت احبه حب مايعلم بي الا الله وعدت خمس أشهر واجه محمد اتقدملي وافقت وتم كلشي علا خير وعدة ايام الخطوبه 3 أشهر لان جان حيل مستعجل يكلي مامصدك تصيرين حلالي ويوميه أصبح بوجهج وجان يحسب بالايام بحيث يوميه يراسلني يكلي بعد كذا يوم وبعد كذا يوم واستمرينه لحد مااجه يوم العرس وجنت اني ويا نجهز نيشاني كله وي محمد واجه يوم العرس وجنه حيل فرحانين ابد ماواسعتنه الدنيه من الفرح
وعدت ايام العرس علا خير الحمدلله
وعدت سنه علا زواجنه حلمت بحلم كلش مو حلو بس اتعوذت من الشيطان وذكرت ربي وكمت صليت ركعتين وادعي بيهن انو ربي يديمني اني ومحمد ويبعد عنه كل شر وفجأه دخل محمد عليه وشافني جاي اصلي وهوه مو وكت صلاة ابد وجان مبين من وجهه ضايج بدون اي مقدمات اتلكيته وسلمت علي واول ماحضنته طاح بحضني وضل يبجي اخذته وكعدته علا الجربايه واني اهدي بي وكلشي مامفتهمه وحاولت الزم دموعي وما أضعف كدامه لان هوه يريد احد يسانده مو يبجي ويا بعدها هدء شوي وكال
محمد: فرقان اني ماريد اكمل وياج بعد خلي نترك بعض احسن مادامنه بدايت الطريق
فرقان: مستحيل هاي بالاحلام
واصلا ليش؟
محمد: احس الج وانتي روحي وشوفي حياتج لاتضلين عليه
فرقان: مستحيل
محمد: لاتعاندين كتلج خلي نترك بعض احسن
فرقان: اعاند وشتريد تسوي سوي ماعوفك الا اعرف السبب
محمد: فرقااان كتلج لا تعاندين وهسه جهزي نفسج حته نروح للمحكمه لان الأوراق كلها جاهزه ولا تخافين سجلت بيوت اثنين بأسمج وحده من الشركات الج بيها 50% من الاسهم ومهرج كله يرجعلج وكلشي تردينه أمري بي وأخذي
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
