محمد: تمام علا راحتج
فرقان: بلوك
راحت ايام واجت ايام واتقدملي مجتبى ابن عمي بس ماوافقت واتقدملي احمد ابن عمي وهم ماوافقت وكملت حياتي عادي عايشه مرتاحه حيل فتحت بيج عطور ومكياج وانتقلنه من العراق للكويت وفتحت محل ورد يجنن واستثمرت بي ودخلت جامعه قسم ادله جنائية هوه هذا الي جان حلمي الحمدلله حققته وجاي أحقق بالاحلام البسيطه بالنسبه الي وصلت مرحله ثالثه وصارت روحاتي للعراق نادرآ لحد ما صار عمري 22 وصدف عرس بنت عمتي ملك وقررنا نروح للبصره وصدك والله رحنه وجنت قبل لا اروح للبصره مسويه عملية نحت خصر واتعمدت من اروح هناك البس فستان يبين خصري حيلل وصدك رحت واخذت 5 فساتين وهناك اول ماوصلت رحت لبيت عمتي اهل العروس الي يم بيت اهل محمد واول مانزلت جانن البنات زهراء وزهور ورقيه موجودات بره الي هنه صديقاتي اتلكني ورحت وياهن لبيتهم كبل الي هوه بيت اهل محمد وضلينه كعده اليوم علا خير وبليل وره العشه رجعت لبيت عمتي واني راجعه شفت محمد بالحديقه وجهه صاير مقابيلي شافني بس جانت ضلمه وماعرفني وعفته ورحت اجه اليوم الثاني هم رحت للبنات ونزلنه للسوك علمود عدنه غراض ناقصات نزلنه نجيبهن وصدفت اول ماطلعت من البيت صادفني محمد وصارت عيني بعينه ضليت صافنه علي سلم وعبر من يمي بس مارديت السلام من صدمتي شصاير بي حيل متغير حليان وصاير يجنن ما شاء لله علي وصدك رحنه ورجعنه واتعمدت ابقه بيت اهل محمد علمود من اطلع بفستاني محمد يشوفني بليل سوينه حفله بيناتنه ولبست فستان حيل نازك لونه نيلي وبي فتحه حيل طويله يعني من امشي بي يطلعن رجليه وصدك نزلت من غرفت زهراء لكيت محمد بالصاله ومحد جان بالبيت بس اني ومحمد وزهراء وجنت لابسه كعب صوته يرن رن وضليت امشي بي واطكطك عناد بي وجان صوت الكعب يجيب التايهه وقبل لا اوصل للصاله اتصلت عليه زهور كلت هاي فرصتي خلي اجاوبها واتميلح كدامه يعني اتمايع وهاي اغبه فكره سويتهه وصدك رديت وجنت احاجيها بس كلشي مااحجي هيه تحجي واني اضحك من كل كلبي وضحكتي عاليه شوي بحيث سديت الاتصال واني مادري زهور شتريد لان حرفيآ كلشي ماسمعت منها من ضحكي بعدها باعت علا محمد لكيته صافن عليه باوعتله بنظرات شوف شخسرت وتعديت وصوت كعبي يرن لحد ما كاطعني واجه وكف كبالي يم الباب جنت اني فاتحه الصايه ونيتي بس اطلع باب البيت كبل اسدها بس علمود هوه يشوف كشختي وصدك واجه محمد كبالي بكل هدوء الأرض كعد يسد بالصايه والي صدمني اكثر باسني بخدي وشاورني كال
محمد: طالعه تجننين
فرقان: 😑😑
رحت واني ساكته بس فراشات بكلبي ليش ماادري اكو شي بداخلي يكلي رجعيله واكو شي بداخلي يكول كلشي ولا كرامتج
وصدك والله ضليت وابد ماقررت ارجع
ثاني يوم اجتني اضافه وكالعاده الفضول قاتل رديت وطلع محمد
محمد: اسوي كلشي بس رجعيلي والحسين حيل افتقدتج وحيل مشتاقلج كل ليله اكلب بصورج مثل المضيع شي وصدك يا فرقان اني مضيعج لاتخليني تايهه اكثر كلشي تردينه اسوي بس سامحيني واني عرفت غلطي ومستعد اسمعج للاخير لكلشي تكولينه واوعدج مستحيل بعد اتسرع بقرار هيج الا انتي اول وحده اسمع منها كلشي واوعدج نوب اجذب العالم كلها واصدكج بس رجعيلي والله حيل اشتاقيتج وكلبي يحترك نار كل ليله عليج
فرقان وداعت امي اني اتغيرت مو محمد الي تعرفينه قبل فدوه رجعيلي طلبتج ولا ترديني حته لو بس صداقه اهم شي اسمع صوتج كل ليله واحجي وياج لان راح اموت والله العظيم راح اموت مستحيل اتحمل بعد اكثر كلبي طك عليج حيل
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
