فرقان: مجتبى كالي خويه ضحكت بالزايد كتله يعني مبين عليه التغير
مجتبى: رفعت راسي حته اشوفها ماعرفتها بس ملامحها مألوفه
كتلها منو انتي ؟
فرقان: ههه ولك انه فرقان بت عمك
مجتبى:انصدمت من كالت الي انه بت عمك فلان اجيت سلمت عليها وانصدمت من جمالها وين فرقان الدبه بس مااجذب كرشت عليها كبل
فرقان: سلم عليه مجتبى وراح كتله اخواتك جوه كال ايي
رحت دخلت سلمت علا البنات كلهن وكلهن مصدومات كعدنه وكالن اليوم حفلة توديع العزوبيه لاماني الي هيه العروس نروح ونتونس كالن الي ترحين ويانه جنت متردده بس كلت ايي اروح
ورجعت لبيت جدي بدلت ولبست فستان اسود مخصر كعد علا جسمي كعود وانه جسمي ابيض كلش لبست كعب ذهبي وخليت مكياج خفيف اجن بنات عمي زهور ونور
زهور: يلا احنه كملنه والبنات كلهن يم زهراء بت سامي
خلي نروح بسرعه قبل الغروب
فرقان: يلا انه كملت مابقالي شي
خليت شعري مفتوح ولبست صاييتي وشالي وطلعت رحنه نتمشه وبالطريق لكانه مجتبى كال انه طريقي لهناك امشن وياي صعدنه بالسياره ويا مجتبى وانه كعدت ورا بس اكلني اكل بعيونه وانه مدنكه راسي بس احس بي
مجتبى: جنت راجع للبيت لان تعبان كلش وبالطريق لكيت البنات يتمشن وياهن فرقان كلت خلي اوصلهن علمود فرقان ردتها تكعد يمي بس اجت نور كعدت يمي وضليت كلساع اباوع عل فرقان لان البنيه كبل دخلت بكلبي وكلت بس تخصل هاي السالفه مال عرس عبدلله احجي وي ابوي علمود فرقان لان ماريد العب عليها أريدها كدام الله وخلكه
والمهم وصلنه ونزلن البنات وفرقان جانت تعطر نفسها قبل لاتنزل كتلها طالعه تجننين مبين عليها خجلت لان وجها صار طماطه واستحت
فرقان: نزلن البنات وكمت اتعطر كالي طالعه تجننين كبل دنكت راسي لان حيل خجلت
ونزلت كبل وحته مارديت علي وصلت الحديقه نزعت الصايه والشال وخليتهن علا ايدي وبهل الثانيه طلع محمد ونخبط بيه يعني انردمت
محمد: طلعت وانه ملتهي بالتلفون وانردمت بشخص كتله عمه عماك ماتشوف
ردت بصوت ناعم يجيب العافيه كالت اسفه مو قصدي
فرقان: حيل استحيت منه وكتله اسفه ودنكت راسي
محمد: منو انتي ؟
فرقان: مومهم
ودخلت كبل للبيت لكيت البنات وسلمت عليهن كلهن وكعدن يعاتنبن ويكولن وين هاي الغيبه وشصايره جمال ماشاءالله
محمد: كتلها منو انتي؟ (لان احنه ماعدنه هيج جمال) كالت مو مهم ودخلت للبيت رحت وراها لان جنت اريد اعرف منو هاي ودخلت وسمعت البنات يعاتبنها ويكللها وين هاي الغيبه ومن هاي السوالف ومن خلالهن عرفت هاي فرقان انصدمت كلش من عرفت فرقان هيج صايره وعرفت من نور انو يردن يرحن للحفله مال اماني دخلت حجيت وي عمتي زهراء كتلها انه اوصلجن
وكتلها جيبي وياج فرقان
زهراء: هاا شعدك وي فرقان😉؟
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
