فرقان: ماتحملت وحضنته وكعدت ابجي كتله معقوله تعوفني بكل هلسهوله وليش
محمد : فرقان الله يخليج وخري عني
فرقان: الا تحجيلي والا يمين عليه ما أوقع علا اي ورقه
محمد: لا تحلفين وكتلج كلشي الج يعني آمنت الج مستقبل يجنن
فرقان: انته شنو متوقع اني ماخذتك علا فلوسك وهذن كلهن ماريدهن بلياك
محمد : خلاص يلا كافي كومي جهزي نفسج وخلي نروح احسن ما نتأخر
فرقان: اني حلفت كلت مستحيل أوقع علا اي ورقه الا اعرف السبب
محمد : علا راحتج
عافني محمد واني منهاره من البجي هاي ثاني مره يخلف بوعده ويعوفني كعدت علا القبله وادعي بكل حركت كلب انو اعرف شبي وليش هيج وانو الله يهدي وينسه السالفه لان والله ما عاد بيه اتحمل بدونه يعني شلون اعوفه من بعد 12 سنه مستحيل
وضل يومين محمد ماكو مايجي للبيت ماخليت احد من أصدقاء محمد ما اتصلت بي ولا واحد من كرايبه واهله ومحد يعرف عنه شي لحد ثالث يوم واخيرآ محمد رجع للبيت ورحت اركض مثل الطفله وحضنته بكل تملك وخوف واني ادموعي شلال وكعدت اعاتب بي مز علا اي شي بس علا انو ليش عافني بعدها سحبته للصاله وكعدته وكعدت اعاتب بي
فرقان: محمد ليش عفتني ليش خلفت بوعدك للمره الثانيه اني منو الي بعدك هنا اهلي وكلهم بدوله ثانيه وبس انته الي الله يخليك لاتعوفني والله اموت ولا اشوفك تعوفني محمد احنه مو اتواعدنه منعوف بعض للموت وين وعدك هذا وليش تعوفني بحدي بالبيت انته مو تعرف اني اخاف من الوحده شوف بالبيت وماتحملت مو نوب تعوفني عمر والله اموت محمد تعرف شنو يعني اموت يهون عليك بس كلي هسه كل هاي حركت كلبي تهون عليك
وضليت اعيط علي واصيح واني احجي بحركه وابجي لحد ما صوتي بعد ماحس بي بعدها حضنته حيل وضليت ابجي بكل حركه وكل خذا وهوه ساكت ولا بارد يحضني ولا حجه شي
بعدها وراه دقايق حضني وكال
محمد: من راح احجيلج السبب انتي راح تعوفيني
فرقان: احجي خلي بلكت يصير عندي كره اتجاهك حته مافكر بيك
محمد: بيون الي اجيتج جانن التحاليل طالعه وطلعت نتيجت تحاليلي سلبيه ومستحيل أكدر اجيبلج اطفال ولا راح تكدرين تصيرين تم بالدنيه فاكلج نعوف بعض وشوفي حياتج احسن
اني مراح افيدج وي الوكت انتي راح تملين اكيد من هيج وضع فامن هسه احسن
فرقان: ضليت ساكته وابجي وماعرف شرد
بعدها شوي هدءت بس بعدني اشاهك من احجي وكتله اني من اكول مستحيل اعوفك يعني مستحيل اعوفك محمد اني لا اريد اطفال ولا اريد أملاك اني اريدك الك انته انته ليش مجاي تفهمني صارلي 13 سنه واني اكلك هلشي اني اريدك الك انته ومايهمني لو ضلينه طول عمرنه ماعدنه طفل شراح يسوي الطفل يقدم لو يأخر كلشي مراح يسوي وبعدين كل هذا بيد الله لا تحاليل ولا شي وعادي حته لو الله ماقاسملنه اطفال شنو يعني وكفت الدنيه اكيد لاا ماوكفت خلينه نكمل ومستحيل اعوفك تعرف شنو يعني مستحيل ويلا هسه هذا الموضوع ماريده ينعاد هذا جوابي مستحيل أبدله واذا ينعاد هل الموضوع ضدك ازعل عليك وجوابي بكل اختصار كلشي ماريد بهل الدنيه بس انته وبس يلا
محمد: بس..
فرقان : لا بس ولا مادري شنو هذا جوابي مابدلك لو يكلولي محمد اخطر انسان عليج لو يكلولي موتج بيد محمد هم ماعوفك لو يكلولي كتالج محمد ماعوفك وبس يلا سد الموضوع
محمد: فرقان
فرقان: الله يخليك كافي
محمد: تمام حبيبي
بعدها اجه محمد حضني وبوسني بخدودي وعدت سنين واحنه اسعد اثنين علا كاع الله كلها
وعده علا زواجنا 3 سنوات والحمدلله والشكر جنت رايحه للكويت لهلي وهناك ضليت شهر لان محمد جان عنده شكل بالالمانيه وطول شهر
وبيت اهلي حسيت بأعراض مو طبيعيه دوخه واشتهي كلشي اريده وبس انام وين ما اروح انام وماجنت ملاحظه هذن الأعراض لحد يوم من الايام امي كالت فرقان شنو حبله وين ماتكعدين تسنحين ماجنتي هيج ابد الصراحه استغربت شوي بس التفكير اكلني كلت معقوله اطلع حامل وضليت انتبه علا الأعراض وكلها اعراض حمل بعدها كلت خلي اجيب اختبار بيتي شخاسره وصدك جبت وحللت وطلت حامل مااتخيلون الفرحه شلون جانت ضليت اكمز علا كبر البيت واصيح اني حامل واني حامل لحد ما اهلي استوعبو بدو يركضون وراي حته اكعد لان جنت اطفر ولمن هدءت خابرت محمد كتله شوكت تجي كال انشالله الاسبوع الجاي كتله استعجل عندي الك خبر يجنن بس مستحيل اكلك الا اشوفك كبالي وفعلا ثاني يوم رحت احلل عند الدكتور وطلعت حامل وعليه شهرين زادت فرحتي بالزايد وضليت ابجي وكلشوي ساجده سجدة شكر لله وبوكتها ماخليت شي وماسويته اصدقت للفقره واتبرعت للمرضه بمبلغ جيد ورجعت للبصره واجه محمد وبشرته وكتله مو كتلك ماكو شي مستحيل مو كتلك ماعوفك لو عايفتك جان ماصار هلشي كتله كل هذا اخبار لعلاقتنه ولصبرنه والحمدلله نجحنا بالاختبار وضل محمد فرحته أضعاف فرحتي وسوينه عحلفه اكبر منها ماكو لان طلعت حامل
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
