بعدها عدت ايام واجت ايام واحنه علا حالنه اني ومحمد لحد ما اجه اليوم المشئوم
جنت راجعه من كربلا للبصره وتعبانه حيل ورحت بوجهي لبيت عمتي بتت عدها بيت عمتي بصف بيت اهل محمد هيه البيوت عباره عن حديقه كلش جبيره وبنصهه بيوت المهم رجعت من الزياره ومسطوره سطر بس مانمت وياريتني نمت ولا ضليت كاعده راسلت زهور بت عمي وصديقتي زهراء كلتلهن نسوي كروب كالن تمام وصدك سوينه كروب وضلينه نحجي بي بعدها زهور طلعت مسويه كروب بيني وبينها وبين علي اخو محمد
اني ماشفته لان ضليت بالكروب مالتنه كلتلهن راح ادزلجن صور واريدجن تصممن الي وصدك والله رحت للستوديو واختاريت عدة صور بدون حجاب ولبس فاضح وحددتهن وسويتلهن مشاركه ومادري بيهن دزيتهن للكروب الي بي علي اخو محمد وماجنت ادري بي هذا الكروب عبالي مال البنات ومرت عدة دقايق واني كاعده لحدما اجتني زهور خبصتني خبص شسويتي وشسويتي اني هنا بحالت صدمه شكو شسويت لحدما دخلت ع الكروب وشفت المصيبه انو الصور شايفهن علي وماخذ الهن سكرين لكل صوره هنا اني متت خوف وكبل رحت كتله عفيه امسحهن ومتت من خوفي وضليت اتوسل علمود يمسحهن بعدها حلف انو مسحهن ومن غبائي عبالي صدك مسحهن وسكتت عن السالفه و ما حجيت لمحمد لان جنت ماضم علي حرف احجيله كلشي بالاخير عدة الايام كلهن علا خير لحد ليله من الليالي رحت بيها لبيت اهل محمد وشافني محمد وجان علي كاعد من محمد شافني بعد مده صايرله ماشايفني حضني وبوسني بخدودي وعلي نفس نضراته علينه كلها حقد وخاصتآ اليه
وبنفس اليله رجعت لبيت عمتي وبليل ب1 خابرني محمد وصوته كله عصبيه
محمد: نزلي للحديقه اريدج بموضوع
فرقان: اووو محمد مو وكتها نعسانه حيللل
محمد: وبعصبيه ونبرة صياح . كتلج نزلي بسرعه لاتخليني ابتلي بيج
فرقان: تمام تمام نازله
رحت واني انكث من الخوف لان صوته رعبني
وشفته بالحديقه اول ماشفته رحت اريد احضنه حته اهدي اجاني مثل المهموش وبكل عصبيه لزم ايديه حيللل وكال
محمد: معقوله انتي هيج؟
فرقان: محمد تره وجعتني عوف اديه وشبيه اني؟
محمد: سؤال جميل ست فرقان بس جوابه يمج مو يمي كولي لنفسج شبيه اني شنو من مصيبه مسويه شنو من عمله سوده مسويه شنو سويت لهذا الي كدامج وشلون دمرتيني
فرقان: هاي شبيك اهدء شوي شمسويه اني
محمد: ولي من وجهي وراجعي نفسج
وراح من يمي وهوه يبجي وجان كل اعتقادي انو هذا مقلب بس من ضل يبجي خفت وكلت السالفه صدك لان مستحيل يبجي علا شي تافه ورجعت للبيت عود انام
بس ماكدرت انام وضليت كاعده لصبح صارت الساعه ب7 الصبح رحت للمطبخ لكيت الحجيه تصير بيبيت محمد والخدامات سلمت عليهن وردت السلام الحجيه
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
