اليوم الثاني كعدت اتريكنه وكملت وكلتلهم انه راح اروح لبيت عمتي وفعلا رحت لان ماردت ارواي وجهي لمحمد لان حيل مستحيه منه والعصر خابرتني زهراء ورحت الهم والحمدلله مالكيت محمد وعدت 3 وانه مارايحه الهم واليوم الرابع رحت لان البنات كلهن اجمعن عدهم وضلينه كاعدين نسولف لحد مااجه الليل وصارت الساعه ب3 وطلعت انه من الغرفه لان كلهن نامن وانهه نزلت للحديقه وكعدت اتصفح علا الانستا ورجعت للغرفه وانه راجعه لازم أمر علا الصاله ومريت لكيت محمد ركضت وهوه انتبه
محمد: اوكفي اوكفي 😌
فرقان :🤐😬
محمد: تعالي وين شارده
فرقان: منو كال شارده وليش حته اشرد
محمد: لعد تعاي يمي لان مشتاقلج هواي
فرقان: لا لاا مستعجله حيل ماكدر اكعد يمك واخاف يجي احد يشوفني
محمد: واذا اجه احد كلهه يدرون بينه نحب بعض شنو يعني تعاي وبلا عناد
فرقان: اففف منك اففف عندك طرق اقناع مو طبيعيه
محمد: اعجبج اني ياحبيبي
رحت ويا وصدك كعدنه بالصاله جان هوه دايباوع مسلسل وضليت اباوع وياي بعدها حط راسه علا رجليه وضليت اسوي ضفاير بشعره بلحظت مزح كتله
فرقان: محمد خل اخذ خصله من شعرك احتفظ بيها
محمد: محمد كله فداج مو بس خصله من شعره لو تردين اخذيني كلي
فرقان:هههههه بلا انته تكيف ماتكول لا اذا اخذك
بهاي اللحضات اجه علي اخو محمد وشافنه كاعدين وكعد كبالنه بس نضراته جانت كلها حقد بس علا شنو مااعرف
عدت ايام واجت ايام ورجعت للناصريه ورحت للبصره واستمرينه اني ومحمد علا علاقه طويله مليانه بالحب والغرام والكل يشهد لحبنه ويضرب بي الأمثال واني صار عمري 19 سنه ومحمد صار عمره 22 وهم اجه يوم ورحت للبصره وكذالك شفت محمد وكضينه وقت حلو وأيام من العمر وأيام وي الاهل وطلعات وفرات لحد يوم من الايام اجاني علي كال اريد احجيلج موضوع كتله يي كول كال بعد شوي اراسلج واحجيلج كتله تمام وضل بالي يمه خايفه محمد بي شي او اي شي ثاني بعدها بليل صدك راسلني علي وكال
علي: باعي فرقان الصراحه اني حابج قبل محمد وجنت رايدج بس من شفتج دخلتي علاقه وي محمد اشوي اتراجعت وهسه بعد مااتحمل اشوفه هيج وياج وارابع وعشرين ساعه ماتفاركون بعد اني من زمان حابج واني استعجلتي ورحتي لمحمد
فرقان: شنو انته شجاي تحجي...
علي: رجائن لا تقاطعيني خل اكمل
فرقان: يي وهسه شتريد
علي: عوفي محمد ودخلي وياي بعلاقه ولا تحجين كلشي خل اكمل دخلي وياي علاقه ولا تخافين محد يدري لا اهلي ولا اهلج ومستحيل اكول لاحد عن علاقتنه بس عوفي محمد واذا تردين ضلي وي محمد ودخلي وياي علاقه بس اريد الحب كله اليه ومحمد بس تجاملينه تضلين ويا وشوي شوي هوه راح يمل منج واني اثبتلج هذا الكلام محمد اخوي واعرفه بس يقل اهتمامج اله يعوفج ومن باجر يشوف غيرج ولا يتأثر ولا شي بس دخلي علاقه وياي اغركج هدايه وفلوس وكلشي تردين بحيث انسيج ابو محمد
فرقان: بعصبيه كتله كاااافي كاافي بلا هاي سوالفك تره والله هسه كبل احجي كلشي لمحمد وروح شوفلك وحده رخيصه مثلك تقبل بيك ولو تموت هنا كدامي مستحيل اسوي حرف من الكلته وهذا حجيك عن محمد مستحيل اصدك حرف منه محمد مستحيل هاي سوالفه لانه مو مثلك رخيص وعار يلا انكسح من يمي
وصدك بوكتها ورا هاي الرساله كبل رحت انطي بلوك بس كبل دزلي مسج وكال
- اني الج الا اندمج علا هذا حجيج الا اخليج تبجين دم وتتمنيني الف مره وتتمنين يرجع الوكت بيج وتوافقين علا حجي وتذكرين هاي الحجي انشالله والحجي عن محمد كتلج اخوي واعرفه
مانطيت اي اهميه لحجي علي وبلكته من كل البرامج ونمت وعدة الايام علا خير وكل يوم يزيد حبي لمحمد اكثر واكثر ومحمد كذالك
أنت تقرأ
عشق البصره
Romance2015/10/12 الساعه 2:37 في هذا التاريخ وفي هذا الشهر وفي هذا اليوم وفي هذا الوقت عرفت الحب لأول مره في حياتي... انهُ كلموت تسمع عنهُ كل حين خبرآ لاكنك لاتعرفهُ الا اذا حضر ... وفي الحب سوف تواجهه مشاكل وصعوبات كثيره وعليك أن تتحملها جميعآ والا تخسر...
