Omegaverse က စိတ်ကူးယဥ်ကမ္ဘာဖြစ်လို့ ဒါတွေက အပြင်မှာ တစ်ကယ်မရှိတဲ့ အပြင် ဒီ fiction ထဲပါတာတွေကလည်း အပြင်က idol life နဲ့လည်း လုံးဝ မသက်ဆိုင်ပါဘူး။
Fiction တစ်ပုဒ်ဖြစ်တဲ့ ဒီ Untold universe ထဲက ဖြစ်ပျက်နေကြတဲ့ အရာတွေအဖြစ်ပဲ သတ်မှတ်ပေးကြပါ။
×××××
နှစ်သစ်မကူးခင် တစ်ရက်၊ နှစ်ဟောင်း၏ နောက်ဆုံးနေ့တစ်နေ့၊ ကျန်းဟာအိုနှင့် ဆောင်းဟန်ဘင်း၏ ၁၈နှစ်ပြည့် မွေးနေ့၊ ဆောင်းရာသီမနက်ခင်းချိန်။
Gender ခွဲခြားစစ်ဆေးရေး ဌာနရှေ့တွင် ဆေးစစ်ချက်အဖြေသိရရန် ကျန်းဟာအိုနှင့် သူ၏မိဘများ စောင့်ဆိုင်းနေကြသည်မှာ နာရီဝက်ခန့်ပင် ရှိနေပြီဖြစ်သည်။
"အဖြေက alpha ပဲဖြစ်ရမယ်။ သူများနိုင်ငံမှာ လာနေတာ အားနည်းနေလို့ မရဘူး"
"ဘာပဲဖြစ်ဖြစ်ပါ ကလေးကို စိတ်ဖိစီးအောင် မလုပ်ပါနဲ့"
"ငါတို့အကုန် alpha တွေပဲ။ ငါ့သားကလည်း alpha ပဲဖြစ်ရမယ်"
အဖေလုပ်သူ၏ သြဝါဒစကားများကို ကျန်းဟာအို တစ်ယောက် ဘယ်ဘက်နားမှ ထည့်ပြီး ညာဖက်နားမှ ထုတ်လိုက်ပြီး ဖြစ်သည်။ သူကိုယ်တိုင်လည်း alpha ပဲ ဖြစ်ချင်သည်လေ။
ဘေးအိမ်မှ သူနှင့် အရာရာကို လိုက်ပြိုင်နေသည့် ဆောင်းဟန်ဘင်း ထက်သာအောင် alpha ဖြစ်မှပဲ ရတော့မည်။ မွေးနေ့အတူတူ၊ အရပ်ချင်းအတူတူ၊ ခန္ဓာကိုယ် အရွယ်အစားချင်းလည်း အတူတူ၊ အကြိုက်ချင်းအတူတူ၊ ရုပ်ချင်းပါဆင်တူ၊ အဆင့် ၁ ရလည်း အတူတူ၊ အားလုံးတူနေ၍
ဤနေရာတွင်တော့ လာမတူချင်သလို အရှုံးလည်းမခံနိုင်ပါ။
"ကျန်းဟာအို ဝင်လာလို့ ရပါပြီ"
အတွေးများနေစဥ် သူနာပြု က လှမ်းခေါ်၍ ဘုရားတရင်း သူဝင်သွားလိုက်သည်။ အဖေဖြစ်သူက အတူလိုက်ဝင်မည် တကဲကဲ လုပ်နေ၍ မနည်းတားခဲ့ရသေးသည်။
နာရီဝက် ဆွေးနွေးခန်း အပြီးတွင်တော့ ကျန်းဟာအို အပြင်သို့ ထွက်လာခဲ့သည်။ မိဘများမှာ သူ့ဆီ အပြေးလာပြီး မျှော်လင့်တကြီး မေးလာကြသည်။
