رجعت من بيت نورة تعبانة اريد بس انام شفت بابا ماكو سئلت خالة حسنة وين بابا كالت اليوم مايجي عندة شغل كولش ضجت لان مامتعودة انام بدون بابا هاي اول مرة مااكون بحضنة وبوساتة وغزلة الية بقيت اتكلب يمين يسار اريد بس انام بعد محاولات نمت.
صار الصبح وكعدت على بوسات بابا
بابا : برنسيسم (اميرتي بالتركي) لان بابا اغلب شغلة ويا الاتراك ويحجي لغتهم بطلاقة لهذا يصيحني كل مرة بلغة غير.
برنسيسم كعدي سويتلج احلى ريوك من ايدي
اسراء : بابا وين جنت ليش عفتني وحدي
حضني وباسني من راسي
بابا :حياتي جان عندي شغل ومن يخلص شغلي بهذاك الوكت اكو قرار راح يغير حياتنا للـ احسن بس اصبريلي راح اسعدج اكثر من ماانتي سعيدة.
اسراء : باباتي يعني بعد شكد يخلص شغلك.
بابا : ماضل شي بهل ايام.
تريكنا وبدلت رحت للمدرسة واخيررررآ ابو نورة قبل نورة ترجع تداوم جنت فرحانة طايرة برجعتها وراح ترجع صداقتنا مثل قبل.
بالمدرسة كان اكو احتفال بسيط عن يوم التمييز يعني يطلعون شكو طالب مرتب وشاطر يكرمونة بهدية وشهادة تشجيع.
كالعادة اول وحدة اني! هم ترتيب وهم شطارة.
بعد ماكملنا المراسيم لاحظت على وجه نورة غيرة ونارر و تباوع بطارف عينها علية لان هيا ماطلعوها بعد ماخلصنا ورجع كلمن على صفة
اسراء : نورة تعاي نلعب؟
نورة : مالعب ماريد جان تلزم شهادة التميز وتشكها وتتعارك وياية على انو اني انانية واسويلها مشاكل
اسراء : ليش نورة تشكين ورقتي .
زعلت عليها رجعت للبيت بقيت ابجي وحجيت لبابا الي صار
بابا : ميخالف حبيبتي اكوللهم يسولج وحدة ثانية هاي صديقتج واختج يمكن متعصبة من شي.
اسراء : ضليت ماحجي ويا نورة ولاهيا فكرت توصلني جنت بملل بشكل مو طبيعي ماعندي لاصديقات لااحد وبلبيت بس اني وخالة حسنة حتى مااستمتع اذا العب وياها اكبر مني بالعمر.
بعد ايام اجى بابا كال عندي موضوع وياكم
بابا : اني صار كم يوم اتعب واركض علمودكم حتى أأمن حياتكم هسه بعد تعب اجاني عرض عمل كبير بتركيا واحنا لازم نروح.
اسراء : بابا يعني اكدر اطلع براحتي بدون حرس
بابا : اي بابا اكيد.
جنت هم اريد اروح هم مااريد افارق نورة كولش احبها رغم اخر فترة بيناتنا علاقتنا تعرقلت وتغيرنا عن بعض.
قبل لانسافر بيوم رحنا كلنا عليهم نودع عائلتها بابا كال كلمة خلت كلها تنفجر بجي كاللهم اليوم اخر يوم بالعراق بس ان شاء الله مو اخر كعداتنا احنا بيناتنا زاد وملح وماواقف ماتنكال ومانكدر على فراقكم بس عملي حكم علية.
اشوف حسنة وام نورة وحدة حاضنة الثانية وتبجي رغم احنا جنا نسافر قبل مو اول مرة بس يمكن لان هل مرة بصورة نهائية بدون رجعة !
باوعت على نورة وعيوني مدمعة انتضرها تجي تحضني وتكول سامحيني! ؟
بعد كعدة طويلة بابا كال يلة نروح لتزم نكمل نلم جنطنا وصلت للباب سمعت صوت اسراء اسراء انداريت شفت نورة ركضت علية حضنتني وتبجي
نورة : لاتروحين اني ماعندي احد غيرج العب ويا سامحيني على تصرفاتي والله احبج بس من طلعوج واني ماطلعوني حست بانانية اول مرة هيج يصير بية.
اسراء : ياريت ماروح اني هم ماعندي احد غيرج
واخيرآ تصالحنا هسه كلبي ارتاح
رجعنا لكيت حسنة لامة ملابسنا والاشياء الضرورية بعد كم ساعة توجهنة للمطار.
ورا ساعتين تقريبآ وصلنا تركيا.
مكان باطراف المدينة صاير فلة جبيرة كولش نفس ماجنت اشوفها بالمسلسلات وبعد احلى حديقة جبيرة وبيها مسبح والعاب يعني بختصار احلى مكان راح اكعد بي.
دخلنا للبيت نرتاحلنا شوية.
ثاني يم كعدت على صوت لعب وضحك كمت من مكاني ركض نزلت شفت بنات بعمري يلعبون وصوت ضحكهم تارس البيت رحت على بابا اسئلهم منو.
بابا : برنسيسم وحدة بنت الطباخة وثانية بنت المنظفة باختصار اطفال العمال اليمنا طلع بابا مختارهم علمودي يجيبون اطفالهم حتى لااحس بملل.
تقربت العب وياهم مافتهم شيحجون بلغة التركية
بابا : حياتي لزمتلج استاذ راح يعلمج لغتهم لاتخافين ماراح تواجعين صعوبات
جنت العب وياهم ب الإشارات او مرات بابا اذا موجود اخلي يترجملي.
ويومية جنا نطلع اني وخالة حسنة رحنا للبحر النسيم البارد يضرب وصوت البحر الي يريح الاعصاب جريت نفس قوي وفتحت ايدي الله اول مرة احس بحرية امشي بدون خوف ياريت من زمان اجينا اهنا
بعد فترة تعلمت لغتهم جنت كولش فرحانة بمكانة الجديد وبنفس الوقت مشتاقة لنورة.
ابوية ضيوفة مايخلصون ابد بحكم عملة.
دائمآ يجي واحد عليه شاب صغير علمود الشغل.
جنت كولش معجبة بي من يجي اني اركض بزاوية واضل اراقبة.
فد يوم حسنة اجتي من وراية كالت شبيج كلتلها احب هذا بقت تضحك علية كالت انتي بعدج طفلة ١١ سنة لاتفكرين هيج.
ضجت من كلامها ورحت يم بابا بعد ماراح ضيفة
بابا منو هذا وليش يجي علينا!؟
بابا : حبيبتي هذا سنان اني ويا عدنة عقد بشركة لهذا يجي نخلص اعمالنا ويروح
بابا هو تركي لو عراقي.
بابا : اي حبيبتي تركي بس يحجي عربي.
صرت مانام اذا مافكر بي حبيتة حيل اني طفلة شمعرفني شنو هذا الشعور صرت اكتب اسمة بكل جدران الغرفة وبكل ورقة وكتاب يعني ادمنت عليه.
تسريع احداث....
بعد مدة طويلة اكثر من خمس سنوات بيوم عيدميلادي اجوي بيت نورة علينة بابا عزمهم جنت فرحانة طايرة احسب دقيقة دقيقة يجون.
اول ماشفت نورة اووو متغيرة ستايلها متغير كبرانة ركضنا على بعض وحضنتها سحبتها من ايدها كبل وديتها على غرفتي حتى ناخذ راحتنا رغم طول هاي فترة غيابنا احنا على تواصل..
نورة : اسراء شكد متغيرة عن قبل صايرة حلوة تخبلين شعرج صاير كولش طويل
اسراء : انتي هم متغير اصلا تعجبت على شكلج وستايلج واهتمامج.
عوفينا من هاي سوالف ولج كولش مشتاقتلج واخيرآ التقينا وكل دقيقة احضنهاا وابوس بخدودها لان من صغر سوية وراح يصير ١٦ سنة احنا سوية.
بعد شوية حسنة دكت الباب ودخلت الكوافير جوة
جنت متحمسة اول مرة راح اضرب مكياج
بدينة تجهيزاتنا اني ونورة
لبست فستان رصاصي فخم وبي اكسسوارات كرستال ومكياج هادئ وتسريحة باختصار طالعة اخبل.
نورة لبست فستان ذهبي ومكياج وتسريحة طلعت حلوة.
بعدها اجوي صديقاتي واحجي وياهم بالتركي ونورة صافنة كولشي ماتفتهم
نورة : يس لاتحجون علية هههه
يلة ننزل تاخرنا
باوعت من فوك نصدمت بكمية المعازيم عبالك عرس..
نزلت كوة لازمة نفسي من توتر انوب شغلو اغنية وكلها تصفق فد خجلت اريد بس بابا يجي.
واخيرآ شفت بابا اجى لزمني من ايدي باسها ونزلني جنت متوترة حيل بدت الاغاني والناس تركص اغلبهم أتراك.
اول ماجت عيني على سنان شفتة جاي شكد فرحت انوب بالزايد توترت ذابت روحي بقيت اباوع عليه.
الا نورة سحبتني وركصنا ساعات احنا نركص حفلة جانت فخمة والمعازيم اتيكت.
ابوية مسوي بوفية مفتوح من الاكل والعصائر والمشروبات الغازية يعني كولشي بالكم موجود حتى فواكه وجبس وحلويات وايس كريم ودزاين البيت ونفاخات بكل مكان.
اني عيني بس على سنان شفت كام راح للحمامات
رحت ورا شفت الباب مفتوح مديت راسي فتحت الباب شفت مخلي ساعتة على المغسلة اخذتها ورحت مادري شنو جنت احس بهذا تصرفي بس حبيت شي يخصة يبقى يمي وديتها لغرفتي ضميتها بالكنتور....
صار وقت تقطيع الكيك لزمت السيف فريت الصالة بي كلها بقت صافنة على ركصي وتصفيق وتشجيع ونشرات جانت اجواء حيل حلوة.
وصلت للكيكة.
الكيكة 6 طوابق اخر طابق بي تاج حيل حلوة اول مرة اشوف هيج دزاين اني وبابا وكفنة سوية وبدينة نقطع حسيت نفس عاروس هههه
بابا مسح الكريم على وجهي تعصبت لان مكياجي راح يروح بس بعدين اخذتها بروح حلوة وراها اجتي فقرة تسليم الهداية.
المعازيم جانو كلها اغنياء اقل هدية وصلتني خاتم الماس يعني هداية ثكيلة على مستوانا.
وصل السرة يم سنان سلم علية وعايدني وكال لبابا بنتك تشبهك بابا كالة اي بس عنيدة محد يتحملها غيري وضحكو هههه كولش خجلت من هيج بابا كال بعدها انطاني هديتة مغلفة يمة اخذت كلبي بقيت لازمتهة بايدي حتى اشوف شنو بداخلها عزلتها عن بقية الهداية.
ردت بس تخلص الحفلة حتى افتحها.
صعدت ركض ع غرفتي فتحتها شفت كلادة كولش حلوة تمددت وصافنة ع سقف لزمت الكلادة وخليتها ع شفايفي ضليت ابوس بيها وبكلبي اكول...
اسراء اكيد انتي مو صاحية شنو هل تصرفات
دخلت سبحت وبدلت ذبيت نفسي ع نوم من تعب
نورة : دكت الباب ودخلت
اسراء شنو تنامين
اي ولج ميتة تعب
نورة : لعد اني اروح على غرفتي باجر نكمل
تصبحين على خير
وانتي بخير حياتي
وكل فكري يم سنان حتى وكت النوم
...
يتبع
أنت تقرأ
وعد شرف
Mystery / Thrillerقصتي بعنوان "وعد شرف" كُل سَاقي سَيسقى بما سَقي ولا يَظلمْ رَبُكَ احدا ♥ الى الذي اوصلني لتلك الرحلة كيف حالك! قصتي بعنوان تعرضت للاغتصاب لاكن من وراء هذا!؟ ظن الجميع بأنني قد جننت في اللحظه التي حاولت فيها التعبير عن الفوضى التي بداخلي...
