دخلت عليها بعصبية!؟
انتي شتسوين اهنا!؟؟؟
ومنو سمحلج تفوتين بغرفة بابا بصفتج شنو!
ام نورة : لا لا تفتهمين غلط جانت نيتي غير شي.
شبيج نفعلتي حبيبتي ؟
اسراء : اي نيتج مبينة وواضحة لا وفوكاها شايلة قميص بابا وتشتمين بي! باي حق دخلتي مااستحيتي على نفسج
باوعي ترا ابوية مو متاح للجميع بكلبة بس امي لذلك لاتحاولين ترا احجي كولشي لنورة ولعمو
وهسه يلة روحي لمي غراضج وانقلعي قبل لااحجي للكل ع سوالفج.
ام نورة :شنو تطردينا صدك ماتستحين وبلا تربية
اسراء : اي اني بلا تربية يلة انقلعي...
راحت على غرفتها علم بغراضها وعلى اساس جرحت مشاعرها بدت تبجي تنزل دموع التماسيح.
حسيت راسي صار صداع من الموقف رحت لغرفتي سديت الباب وكلت لخالة حسنة تجيبلي قهوة اريح اعصابي ضليت ادردم ويا نفسي
صدك ماتستحي مرة متزوجة تخلين عينج على رجال مامعبرج جان استحيتي على نفسج انتي وبنتج بنفس طول.
بهالاثناء اجتي نورة
نورة : اسراء حبيبتي ليش كاعدة وحدج كضي نص وكتج وياي بعدين لاتكولين مشتاقتلج ومادري شنو
اسراء : ياعمري والله جان عندي شغلة حليتهة اصلا وكتي كلة الج حبيبتي
نورة : حياتي اعرف اشاقة وياج....
اكولج مادري ماما شبيها سامعة حجاية لو من يمها تكول راح نرجع اليوم وبلشت تحضر غراضنا اسئلها على السبب تكول مو شغلج.
المايشوف احترام بهذا المكان يطلع بكرامتة احسنلة
اسراء : بلة هيج كالت؟
هيا شافت كل الحب والاحترام منة بس يمكن ماكدرت تسيطر على نفسها بسبب احترامنا ونطينة وجه
نورة : شنو قصدج
اسراء : لا هيج اقصد اسئليها شوفي شتكول
بقت نورة تجر صفنات على كلامي.
بعد مدة وقت اسمع صوت ام نورة تكول لبابا احنا نروح مانصير ثكيلين بعد حتى الاصغار يتدخلون ويطولون لسان
بابا كاللها خير ام نورة صاير شي
ام نورة : لا بس بعض ناس تحتاج تربية
اسراء : وبعض ناس تحتاج اعادة ضبط المصنع
اشوف خالة حسنة خربانة ضحك ع كلامي
بابا : صاير شي احجو اني ماعندي ضيف يطلع زعلان منا.
باوعت عليها خزرتها
ام نورة : لا ماكو شي بس ابو نورة يريدنا نرجع
اجيت اودع نورة حضنتها هية تبجي واني ابجي ماحبيت تروح بس بسبب تصرفات امها...
اسراء : اوعدج حبيبتي نعيدها وتجين تبقين يمنا ايام وشهور واجيج اني هم ان شاء الله وراح نبقى على تواصل حياتي.
نورة : بالزايد تعلقت بيج لو مو انتي جان اني ضعت و وكعت ب كارثة بسبب هذاك الولد انتي حبيبتي واختي وسندي احبج شكرا الج.
ضلينا وحدة تبجي ورا الثانية لحد ماراحو السايق وصلهم
اوووف هسه ارتاحيت اليتقرب ويتجاوز حدودة هذا تالي بكد بنتها طردتها.
بعد فترة وكت كاعدين ع الاكل اني وبابا وحسنة
اسراء : بابا شبيك ساكت وصافن بيك شي
حسنة : اي حبيبي شبيك حتى لونك مخطوف
بابا : ماكو شي
لا اكو يلة احجي ترا ازعل عليك
بابا : اني لازم اسافر للمغرب بهل يومين وضروري روحتي بدون تاجيل
اسراء : واو يلة اني هم احضر غراضي حمستني
بابا : لا لا بنتي قصدي وحدي مايصير اخذ افراد العائلة اكمل شغلي وارجع!!! ؟
اسراء : بابا شنو سبب روحتك المفاجئة
بابا : حبيبتي شي بسيط يخص سنان اني باجر بليل طالع لو عكبة الصبح ان شاء الله وارجع بسرعة لايضل بالج حياتي بنيتي برنسيسم.
صدك اشو انتي من اجتي نورة بعتي هدى وسارة واسيل و ياريم
اسراء : شسوي بابا نورة غير عنهم
بابا : لاتكولين هيج بنيتي انتو بيناتكم عشرة فوك ٦ سنوات عيب حبيبتي.
اسراء : تمام بابا بعدين اعزمهم يمي واراضيهم
بس اهم شي انت ترضى حياتي باباتي روحي من الدنيا انت احبك حبيبي
اعرف متعبتك بتصرفاتي وعنادي بس والله احب اتدلل عليك
بابا : ياعمري قابل كم بنية عندي افرحي وتدللي وعاندي بكولشي اني قابل
ليش اني علمود منو اركض واتعب واجمع بهاي الاملاك كلهن علمودج حتى اضمن مستقبلج بس ان شاء الله ماتخيبين ضني وما يجي الي يستغلج وطماعن بمالنا حبيبتي اختاري صح.
اسراء : باباتي منو كالك اتزوج اضل على كلبك هههه
بكلبي اكول وين الله ويجي سنان! ؟
بابا صحيح شبي سنان ليش تريد تروح للمغرب!
بابا : بنيتي برنسيسم هاي شغلات ماتعرفينها اني بكل قدرتي احاول ابعدج عن الوسط الي عايشين بي اخاف عليج من الهوى
يلة افرحي عندي الج مفاجئة...
اسراء : شنو يلة كولي احب المفاجئات
بابا : مو هسه بعدين....
لا لا بابا الا هسه كمزت فوكا واضرب بي بالشقة لزمني يدغدغ بية وصوت ضحكنا تارس البيت
بابا : يلة راح اكولج...
اخذت بيت بلبنان راح اوديج هناك تشوفينة بس ارجع من السفر
اسراء : صدك بابا وين بضبط ان شاء الله بيروت
بابا : اي حبيبتي هناك
اسراء : لزمت خدودة ابوس بيهن قوي احبك احبك احبك احبك احبك يااحلى بابا بالدنيا اموت عليك
بابا : اني ماحبج هههه
يلة كومي بدلي وكولي لحسنة هم تتحضر اطلعكم قبل لااسافر.
رحنا بدلنا وطلعنا ودانا للمطعم بعدها افترينا واخذلي شعر بنات وحبشكلات..
تونسنا حيل صدك حسيت نفسي اسعد انسانة حسيت نفسي اكثر ابنية محظوظة لان عدها هيج اب منطيها كل هذا الحب والحنان الي مقصر على نفسة علمودي وضمن مستقبلي من كل النواحي وقصر بحقة ماتزوج علمودي خاف لامرتة تظلمني يعني باختصار هو الاب المثالي رغم يسافر هواية ومامتواجد اغلب الوقت بس بشعرة ماقصر ويانة اني وحسنة....
بابا عندة صديق تعرف عليه من اجى لتركيا هو ايضآ تاجر مشهور ومعروف وعلاقتنا طيبة رجال اكبر من بابا بكم سنة وعندة ولد اسمو اكرم اكبر مني ب ٧ سنوات تقريبآ يعني اني من جان عمري ١٦ سنة هو عمرة ٢٣ سنة ابوية دائمآ يمدح بي ويحبة وكل مرة يسئل عليه من يجينا ابو بختصار بي كل المواصفات...! ؟
ابو دائما يحجي بية يكول لبابا بنتك تشبهك حيل حلوة ان شاء الله يصير نصيب اني ماجنت افتهم شيقصد وبابا يتجاهلة لو يضحك يعني مبتعد عن فكرة الزواج....
بكل مرة تصير عزيمة بابا مايوديني بس يودي حسنة يمكن يخاف لااحد ينعجب بية.
لو اني اوكع بالحب...
جان يخاف لااحد يشوفني مرة كالي بنتي اني ماامنعج من حريتج وتطلعين وتدخلين بس اذا شخص بقى يباوع عليج تجاهلي وديري بالج تكولين لااحد اني بنت فلان..
اخاف يطمع بالمال..
خلي يطمع بكلبج بحبج..
عمرها الافلوس ماجابت سعادة ولا الانسان يتقيم بكم قطعة ورقة بس هذا وكتنا صار جشع كل همهم المال والجاه لهذا يابنتي انتبهي انتبهي لاتضيعين تعبج ابوج...
هذا ابو اكرم سمعتة يكول لبابا شكد عمر بنتك كال ١٦ كال اي يعني جبيرة
بابا كال لا ماتعرف كولشي صغيرة ومو واعية.
المهم كل مرة يتفقون على صفقة شكل وكل فترة وفترة يجي جان اكثر من سنان اني لحد الان ماشفت الولد ولااعرفة محود سمعت باسمة.
بعدها بابا حضر جنطتة سافر للمغرب.
حسيت بضوجة وملل اول مرة هيج احس من صدك افتقدت بابا بقيت اشتاقلة رغم تواصلت ويا وبعدها نكطعت اخبارة ٣ ايام لايجاوب على اتصالاتنا ولا رسائلنا حيل خفت عليه كضيتها بجي وخوف وانوسل بحسنة توديني للمغرب اريد اعرف اخبار بابا وين صار...
يتبع....
أنت تقرأ
وعد شرف
Misteri / Thrillerقصتي بعنوان "وعد شرف" كُل سَاقي سَيسقى بما سَقي ولا يَظلمْ رَبُكَ احدا ♥ الى الذي اوصلني لتلك الرحلة كيف حالك! قصتي بعنوان تعرضت للاغتصاب لاكن من وراء هذا!؟ ظن الجميع بأنني قد جننت في اللحظه التي حاولت فيها التعبير عن الفوضى التي بداخلي...
