بعد ما راح بابا بلغهم بقراري كعدت افكر اني بعدني صغيرة ومدللة وماناقصني عود وعندي مال وجمال وخير من الله اني شنو جاي اسوي بنفسي.
طبعا بابا جان كلش متردد بس وافق على معرفة صديقة وخوش رجال ومن عائلة معروفة ماحب تروح مني هيج قسمة زينة بس جان قلقان علية
حسنة هم جانت مافرحانة ابد وخايفة علية
حسنة : بنتي الحلوة انتي متأكدة من قرارج!؟
ترا الزواج مو بدلة وعرس وراج مسؤولية وبيت وشخص ثاني يدخل بحياتج ويتحكم بقراراتج ترا الزواج مو بس طلعة وونسة وحفلة يوم حلو وايام مرة مابيها شي سعيد دوم والرجال لاتتوقعين يكون مثل ابوج يتحملج ويتحمل عنادج اذا ابوج تحمل عنادج ومايسخي يكسر كلبج هو عادي يكسر عنادج و يدوس على كلبج ويمشي بدون مايلتفت ورا لازم تتحملين عصبيتة وزلة لسانة اذا غلط عليج بحجة الضغوطات ماتكدرين تجاوبينة واكو مايخافون الله يمدون ايدهم على المرة ..!؟
انتي يابنتي مستعدة لهذني المراحل!؟
ضليت ساكتة ماجاوبتها بقت افكار براسي وحجيها الية شوشتني...
سحبت ايدها وكلتلها...
صدكيني اني سعيدة بقراري.. خلص لاتشيلين هم وحضنتها
اجى يوم الي اشوف الولد
لبست فستان ابيض جرجيت وفتحت شعري ومكياج بسيط حتى مايبين ضاربة شي على وجهي.
وكل صديقاتي يمي حتى كلت لنورة راح انخطب فرحتلي كولش كالت لو اكدر اجي بس مايقبلون اهلي . صديقاتي كلمن تركض وراية اكتبي اسمي ع حذائج اريد اتزوج يلة وثانية كالت هنيالج هذا راح يصير زوجج... ورا ماكتبت أسمائهم رحت مكان وحدي
وكفت ع بلكونة صافنة اجوي من بعيد العريس واهلة صاعد على فرس وابو لازم الحبل ويدكون طبل وموسيقى بمسافة قبل لايوصلون بيتنا بدو هاي المراسيم لان هاي عاداتهم وهو مو شخص عراقي.
وكف باب بيتنا نزلت عليه طلعتلة برا وكفت كدامة...
رفع ايدينا ثنينهم وكام يصيح ماشاء الله ماشاء الله جيبووو.
اول شخص اجى فرغ جرة ليرات ذهب يم رجلية وصاح ثاني هم فرغ وثالث فرغ الجرة
اخر شي هو اخذ جرة وفرغها جوة رجليني وطلع خاتم الماس ولبسني..
اكرم : اني شاريج كدام الكل وانتي من يوم ورايح مالي وحلالي وزوجتي...
الي يمسج يمسني والي يصيرلج يصيرلي.
باوعت على بابا شفتة يبتسم ودمعة بطارف عينة
ابو العريس وزع على كل الحضور ليرة ذهب
عبالة احنا تغرينا الاموال.
بالعكس حسيتهم عالم مادية كل همهم الافلوس
بعد ماخلصو حفلة وتوزيعات
رحت ع غرفتي حسيت ضيقة نفس بية لزمت صدري وكوة اتنفس وابجي فتحت شبابيك الغرفة ضليت اسحب نفس وابجي والدنيا ضايقة بعيني
بنص الليل توني غفيت دك رقم.
ياستار ياربي منو هذا الرقم وبنص اليل ردت اجاوب وبنفس الدقيقة ترددت كلت خلي اجاوب
فتحت الخط. الووو....
الو منو وياي.
Karım . nişanlım . aşkım
يعني زوجتي وخطيبتي وحبيبتي
بقيت ساكتة وخايفة اول مرة احجي ويا ولد.
اسراء : تفضل شتريد ماتكول واحد نايم بنص الليل تخابر هذا نوع من عدم الاحترام
اكرم : باوعي حبيبتي لاتلعبين باعصابي من اول مخابرة مفروض تكسبيني اني رجال متاح للجميع اطلع من يمج اروح على غير وحدة او العكس.
لهذا اكسبيني قبل لاتتندمين....
سديت الخط بوجهة رجع اتصل هم رفضتة لزمني مغص من الخوف من كلامة يعني باختصار اني ورطت نفسي حتى ماكدر اتراجع بعد انزل راس ابوية هيج جنت افكر وبس اردد شورطتي نفسج اسراء جنتي اميرة مدللة ماناقصج شي شتسوين بالرجال الليل كلة بس افكر ماعرف شون نمت.
كعدت على صوت دك الباب حسنة تدك
حسنة : كومي حياتي كومي اكرم يمنا
كعدت مثل الخبلة شنووو ليش يمنا شيريد متت من الخوف نشف دمي بطني كامت توجع من التوتر بدلت نزلت لكيتة كاعد ومخلي رجل على رجل وبيدة قهوة تقربت وكفت بمكاني..
اكرم : من الاصول واحد يكول
hoş geldin (اهلا بيك).
اسراء : اعتذر اني مااعرف بهاي الشغلات هواية اهلا بيك
اكرم : تعالي كعدي بصفي
لا لا مكاني زين... شنو سبب زيارتك تريد شي
ماجاوبني بقى يشرب بقهوتة لحد ماخلصها وكف على حيلة وتقرب علية لزمني من ايدي ولواها ورا ضهري وتقرب على اذاني
اكرم : لاتلعبين باعصابي ترا اني عصبي وتوقعي كولشي اسويلج.
نزل خشمة ع ركبتي ورجع باوع على عيوني.
رغم عنادج جاي تثيرني وراح افقد سيطرة على نفسي
اسراء : شقصدك دفعتة قوي كلتلة بعد لاتقترب مني افتهمت بصفتك شنو.
حتى بعدك مو حلالي.
بهالاثناء اجى بابا وابو اكرم من شركة يسون صفقة عقد عود صارت ثقة اكثر بابا راح يشغل اموالة كلهن ويا ابو اكرم.
ابو اكرم : هاي شنو ابني بعد اذا ضعت نلكاك اهنا
بقو يضحكون وراها استأذن اكرم وراح واني رحت لغرفتي ضليت افرك بايدية تورطتي يااسراء شسويتي بنفسج انتي واخاف اكول لبابا ماريد واني ماصار مخطوبة يوم.
كام كل مدة ومدة يجي يريد نطلع لو عازمني جنت ماقبل اذا مو حسنة ويانا هو جان دائمآ رافض فكرة حسنة تجي بس جنت ماقبل حتى مرة زعل وكال لبابا ماخذ راحتي ويا خطيبتي اجى بابا
حجى وياية كال بنيتي برنسيسم انتو شون علاقتكم تقوة اذا انتي مخلية لكولشي بيناتكم حاجز!! ؟
اطلعي ويا وحدج لاتاخذين احد وياكم حتى تاخذون راحتكم ومايصير خجل بيناتكم
اسراء : صار بابا حبيبي الي تريدة يصير عمري
كم مرة طلعنا وحدنة اسلوبة غير بلطلعات شخص ثاني واعي فاهم وعندة مكانة بين الناس وكلها تتمنى يحجي وياهم...
بعد شهرين اكثر جان يجي بابا للبيت متعصب فاتح رباطة وحزامة يكعد يلزم راسة قوي
اسراء : بابا شبيك خيررر
بابا: ماكو شي حبيبتي
اسراء : بلي اكو شي بس انت ماتحجي ترا اني مو هذيج بنتك الاصغيرة هسه صرت واعية وفاهمة ويجوز اكدر اساعدك عمري
بابا : حبيبتي برنسيسم اعرف انتي كولشي يطلع منج بس ماكو شي موضوع يخص الشغل انتي مالج دخل بهذا الموضوع حياتي.
بس بعدين سمعتة يحجي بالموبايل الموضوع يخص ابو اكرم ومطلعة خسارة كبيرة بالصفقة
جان كلش متعصب بابا اول مرة اشوفة بهيج منظر وممقهور
بابا لحد الان ماخسر خسارة كبيرة ضليت اكل بنفسي على بابا كلت خلي اروح على اكرم بلكي يعرف شي يحجيلي.
وداني السايق عليهم دخلت لبيتهم فلة مو بيت يخبل... دميت الباب فتحتلي الخدامة!؟
كلت للخدامة وين اكرم كالت فوك بس عندو ضيوف اروح ابلغة كلتلها لا اني اروح لزمتني من ايدي انسة مايصير
اسراء : اني خطيبتة ماعليج ولاتدخلين روحي شوفي شغلج.
صعدت عليه غرف هواية ماعرف ياهو غرفتة.
تقربت غرفة غرفة سمعت صوتة يضحك وصوت بنية ويا طبعا هما يحجون كلة تركي وبينهم غزل.
حسيت رجلية مايشيلني توترت تقربت اكثر...
فتحت الباب شفتة ويا وحدة نايم اي نايم ويخوني بعلاقة جنسية نفسي لعبت من منظرهم ونقرفت طلعت ركض من البيت هو انصدم من شافني ضل يصيح وراي اسراء اسراء
رجعت للبيت صعدت ركض لغرفتي بقيت مصدومة من المنظر ودموعي تجري ماكدرت اتخطئ الي صار وياي واول مرة اشوف هيج منظر مقرف رحت احجي لبابا شفتة متوتر ونفسيتة تعبانة علمود الشغل بس خفت هو اجى على بيتنا ضل يدك باب غرفتي والله مو نفس الي فكرتي بي ترا انتي الأولى والاساس انتي الي راح تصيربن زوجتي اني غلطت سامحيني والله اني احبج
.
يتبع....
أنت تقرأ
وعد شرف
Mystery / Thrillerقصتي بعنوان "وعد شرف" كُل سَاقي سَيسقى بما سَقي ولا يَظلمْ رَبُكَ احدا ♥ الى الذي اوصلني لتلك الرحلة كيف حالك! قصتي بعنوان تعرضت للاغتصاب لاكن من وراء هذا!؟ ظن الجميع بأنني قد جننت في اللحظه التي حاولت فيها التعبير عن الفوضى التي بداخلي...
