وعد شرف

بارت 3

كعدت الصبح تعبانة متكسرة من الركص هههه
اجتي حسنة كعدتني كومي نورة وأهلها ينتضرونج
عيب وريوك حاضر.
اسراء :خالة حسنة وين بابا ليش ماجى كعدني.
حسنة : حبيبتي بابا طلع من صبح خابرو وهسه اجى دخل يسبح!
كعدت غسلت وجهي فتحت الكنتور اغير ملابسي شفت ساعة سنان كبالي لااراديآ ابتسمت كلبي بقى يدك صرت اضحك للهوى من اتذكرة لو يجيبون طاري اخذت ساعة بيدي وكعدت ع طارف السيسم وبقيت افكر ويا نفسي ياترا هم يجي يوم ونصير سوية لو مجرد دخلت فترة مراهقة وهاي مشاعر عابرة كمت بدلت ونزلت
ام نورة : اووو حبيبتي الكبرانة ولاعبالك هذاك اليوم جنت تلعبين بيتنا
نورة : ترا اني ماشبعت منج خلي نخلص اكل ونطلع اريد اكتشف الاماكن اليمكم
اسراء : بعيوني حبيبتي يلة خلصي بسرعة ونروح
خلصنا اكل تحضرنا ورحنا.
اسراء : صحت السايق وكلتلة يودينا للمدينة
نورة : وحدنة؟ يعني عمو مالك يقبل
اسراء : اي حبيبتي هنا عادي ماكو خوف
نورة : الله يمت اني هم اعيش هذا الشعور
بمسافة 10 دقايق وصلنا للمدينة اول مكان اخذت نورة للبحر كعدنة كمت اشتريت سميد وجاي بقينا ناكل ونتذكر ايام طفولتنا وشكد جنا نتعارك لحد مادمعت عيونة
اسراء : نورة ماتكدرين تبقين يمي والله كولش اشتاقلج رغم عندي صديقات بس مو مثلج انتي غير عنهم.
نورة : ياريت بابا يقبل اصلا بابا يخاف علية من الهوى
اصلا هسه مضغوط بالشغل حتى بيتنا صايرة عبارة عن مشاكل هو وماما وبالجديد اكتشفتة يخون ماما ويا مرت صديقة حتى علاقتة ويانا صارت سلبية ومايطيقنا ولج لو ابوج ماخابرة ولح عليه جان مااجى واصلا بقى يومين ورجع عافنا وحدنا خصوصآ طلعة ويانا مايطلع هذيج غيرتة حتى بقيت ساكتة ماكلت لماما يخونج وياها وفوكاها مسوية نفسها صديقة ماما تطب وتطلع علينة وكل مناسبة حاكشة نفسها ويانا بحجة زوجها مسافر اصلا بابا يدزة علمود هو يروح يمها كل مرة يروح ينام يمها وعندي كل دلائل عليه بس حالياً ماريد احجي علمود ماما ومشاعرها. بس هيا عدها شكوك تعرف يخونها بس ماتعرف ويا منو

اسراء : والله يانورة ماعرف شحجي اصلا صدمتيني ماتوقعتها من عمو هيج يسوي
.
نورة : لاتنصدمين اصلا حتى يمد ايدة على ماما
اسراء : امج مرتاحة ويا
نورة : لا اصلا هذيج المرة حاولت تنتحر
اسراء : خليها تنفصل اذا ماتكدر تبقى ويا
اخذنا الحجي واني جريتها صفنة نورة دخلت شك بكلبي معقولة بابا يكول اروح فلان مكان بحجة شغل وهو يم وحدة يحبها لو متزوجها ضليت افكر
اول مارجعنا صعدت على بابا ركض.
بابا انت ماناوي تتزوج حتى اجر لسانة
بابا : يا زواج بنتي اني من زمان بعدت نفسي عن الارتباط من بعد امج ماوحدة دخلت كلبي غيرج
اسراء : بابا الله عليك هم تحب وحدة لو تروح يم وحدة
بابا : شنو قصدج اروح يم وحدة كلتلج حب امج عمى كلبي ماحب غيرها هيا كولشي جانت الية ومن بعدها انتي صرتي بكلبي ترستي حب

تمام باباتي اني هم احبك ياروحي
بابا : يلة حبيبتي عيب نروح يم اهل نورة جوة لايحسون نفسهم ضيوف.
رحت ادور نورة ماكو مشيت برا شفتها تحجي بتلفون اسمعها تكول اي حبيبي بعد شوية راح اطلع وانت تعال هناك نلتقي.
عزا بعينج نورة وين تطلع.
سويت نفسي ماسمع صحتها سدت تلفون واجتي.
نورة ويا منو تحجين

نورة : بتوتر تجاوب ها جنت احجي ويا صديقتي
اسراء : باوعت عليها صفح نورة اني حافظتج حفظ لذلك احجي
نورة : اسراء بس لاتحجين لااحد اني احب واحد وهو يحبني وصار فترة نحجي وبيناتنا طبة وطلعة

اسراء : ولج انتي كلج عمرج ١٦ ياطبة وطلعة
نورة : اعرف صغيرة بس الحب مايعرف صغير جبير حتى من حبي الة اني انطيتة فلوس تذكرة السفر حتى بس نتشاوف هنا لان بابا مايقبل اطلع وحدي ومن جنا نتشاوف جان وكت المدارس
اسراء : فوكاها انتي اخذتيلة! ؟
نورة : هسه اريد اروح اشوفة ساعديني الله يخليج
اسراء : لا ماكدر اعذريني كولش مامرتاحتلة
نورة : لاتحجين هيج ترا والله حباب
والله يخليج لخاطر صداقتنا وعشرتنا بس هل مرة ساعديني
نورة : بعد تواسيل قبلت دليتها ع كوفي هو هناك اجى ياريتني ماشفتة حواجبة طبرة من فوك ليجوة وشم شعرة صابغة يعني صدك صدك مبين شكلة مو مريح كلبي ابد مارتاحلة
وكلامة كوة ينفهم من يحجي كوة تطلع من حلكة كلمة.
بقو هو ونورة يحجون عفتهم وحدهم كعدت بعيد عنهم يحجون ويندارون علية بعد شوية نورة اجتي
نورة : اسراء اني ويا راح نروح شغلة ساعة ونرجع
اسراء : لانورة اني راح ارجع وانتي هم ترجعين ترا اخابر بابا يجي ياخذنا تاخرنا
هو مناك اجى.
حبيب نورة : هاي شكد حلوة عندي صديقي وياي ليش ماتسوين ويا علاقة هو يدور حلوات
اسراء : جاوبتة من ورا خشمي اكيد لا لا وفوكاها يدور حلوات حسب الطلب اني بعيدة عن هاي سوالف
وشدعوة عليج هيج تجاوبين امشي نورة نروح
اسراء : لا ماتروح ترا اصيح والم العالم عليكم.
جريت نورة وطلعنا نورة بدت تصيح وتتعارك وياي انتي ماعليج شدخلج انتي منو حتى هيج تتصرفين وتتحكمين بية
اني خابرت بابا اجى اخذنا.
بابا : ليش جايين هيج مكان بعيد عن البيت من تطلعون اطلعو مكان قريب
شبيكم مو طبيعين صاير شي
اسراء : لا عمري باباتي ماكو شي
وصلنا للبيت نورة اول مادخلت كالت لا امها احنا لازم نرجع على بيتنا اني ضجت هنا
امها كالت خير صاير شي
احنا اجازتنا اسبوع انتضري تخلص ونرجع.
خزرت بوجه امها وطلعت اني ماحجيت وياها ولاكلمة لثاني يوم
دكيت الباب عليها ودخلت
اسراء : اسمعي اني راح احجي العندي واطلع مانتضر منج تجاوبيني
اني لو مااخاف عليج ما جان تصرفت هيج اني الولد ماارتاحيتلة مبين ادبسز وسرسري يعني حتى فلوس منج يطلب واضحة بعين الشمس طمعان بمالكم وحلالكم انتي تعرفين اصلة وفصلة حتى وثقتي بي تكدرين تكوليلي هو شنو يطلب منج من تحجون وشنو تحجون ضليت اسولف وانصح بس هية تسمع ماتجاوب
ورا شوية اجتني للغرفة
نورة : اني بقيت افكر بكلامج هو طلب مني شغلات موزينة كل مرة يطلب مني مبلغ مال حتى مرة راد فلوس ماكدرت ادبر جبرني اسرق من بابا وانطيتة حتى مرة كال اذا ماتنامين وياي اعوفج بس اني رفضت واخاف فد يوم حبي يوديني لطريق غلط
اسراء : شفتي مبين موزين حاولي تتركينة هذا طمعان بيكم.
يلة انزلي ناكل شي
لاحظت ام نورة نظراتها موطبيعة على ابوية يعني تريد تاكلة بنظراتها حتى من نكعد تحاول تلفت انتباه لو تنزل بلوزتها لو تفتح شعرها لو تعلي صوتها بالكلام وتنعوص حتى بس تجذب بابا
ولاحظت بابا لابسها مادايرلها بال كل همة شغلة
ورا يوم يومين بدت تتمادى كامت هيا تصعد تكعدة لو هيا تصب الاكل وتخلي كدام بابا وتطلب منة طلعات بس بابا يرفض بحكم شغلة حتى كم مرة تلزم ايدة لو تضرب برجلينها ع رجلين بابا وكت الاكل يعني بختصار عينها على بابا ضليت اراقبها وعيني وراها اخاف لاتورط بابا بشي بس الي مريحني بابا مادايرلها بال
ورا ماطلع بابا على شغلة هيا اختفت من الوسط ضليت ادور عليها صعدت ع غرفة بابا فتحت الباب شفتها لازمة قميصة حاضنتة وتشتم بي
فتحت الباب قوي ودخلت عليها شافتني نصدمت

يتبع...