سنان ودانا للمستشفى واني فاقدة كليآ...
دخلت مثل الغيبوبة...
طول الوكت اشوف اني بغابة واطرافي بحر وورود لمحت بابا وماما سوية يمشون ولابسين ابيض صحتلهم و ركضت عليهم بابا ماما...
بابا : بنتي حبيبتي شتسوين اهنا.
اسراء : بابا اريد اجي وياكم اني تعبت تعبت ماكدر اتحمل مسؤولية اكثر بعد
بابا : بنتي بعد كدامج طريق طويل هذا مو وكتج ارجعي ارجعي... ابنج ينتضرج حبيبتي
ماما : بنتي الكبرت وصارت ام ابقي يم ابنج حياتي...
اشوفهم بعدو من يمي وعيوني صارت ظلام بعد كولشي ماشوف.
.
سنان : بس اريد اوصل للاسعاف...
جسمي يرجف من الخوف يارب اسراء بامانتك
ومناك مالك يبجي ماكدر اسكتة
واسراء جرحها بس ينزف هسه راح يخلص دمها
بسرعة وصلنا ونقلونة للمستشفى
اخذو اسراء لغرفة العمليات...
ومالك ودو للخدج يارب مايصيرلهم شي.
هسه اني ماعرف وين اركض على اسراء لو مالك..
رحت تطمنت على مالك الحمدلله وضعة زين بس فايت ماي قليل بمعدتة.
رحت على اسراء بعدها بالعمليات
طلعت الممرضة بسرعة منو يقرب المريضة اسراء
سنان : اني زوجها
الممرضة : محتاجين دم باسرع وقت فصيلة دمها +O
سنان : هاي فصيلة دمي وين انطي
تعال وراي بسرعة
رحت انطيت دم لااسراء وجسمي بدا يرجف واتوتر اكثر يارب مايصيرلها شي
بديت افكر شنو الي صار لااسراء حتى قررت تروح فجئة ومنين عرفت هذا الرجال ياترا شنو الي صار
رحت توضيت وصليت ركعتين وبديت ادعي يارب ماعندي غيرك اشفيها لخاطر ابنها يارب يارب
بس تصير زينة ماخليها ابد تتاذئ بعد ياالله يا شفي ويا معافي
..
بعدها رحت انتضر واني الخوف والتوتر مسيطر علية وكلبي يدك احسة يريد يطلع من صدري يارب شنو هذا الشعور اول مرة يصير وياية هيج...
بعد وقت قصير طلع الدكتور
سنان : دكتور اني زوجها احجيلي اسراء شنو وضعها
ماكدر اقرر حالتها حاليا حولناها تحت المراقبة
بس حبيت ابلغك بالعملية قلبها وقف وانعشناها وحاليآ وضعها تحت المراقبة..
من كالي دكتور هيج لزمتني غصة بصدري
حسيت الدنيا ضاقت بعيوني
اسف اسراء ماكدرت احميج
اسف استاذ مالك ماكدرت اوفي بوعدي الك
يارب مايصيرلها شي...
امي بس تتصل واية واختي
فجئة اختفيت من البيت بدون ماابلغهم ...
جاوبت امي
الو ماما
ام سنان :الو ابني وين انت اختفيت ندك وماتجاوب حتى خابرنة السكرتيرة مالتك بالشركة كالت ماموجود ضل بالنا يمك
سنان : ماما اني بالمستشفى
ام سنان : خير ابني بيك شي
سنان : مو اني اسراء
ام سنان : اسراء وينها اسراء ليش مو راحت
سنان : وين راحت شقصدج
ام سنان : لا مو قصدي شي انتو بيا مستشفى
سنان : ليش شقصدج ماما انتي ليش توترتي وتسئلين اسم المستشفى عندج ايد بالموضوع
أنت تقرأ
وعد شرف
Mysterie / Thrillerقصتي بعنوان "وعد شرف" كُل سَاقي سَيسقى بما سَقي ولا يَظلمْ رَبُكَ احدا ♥ الى الذي اوصلني لتلك الرحلة كيف حالك! قصتي بعنوان تعرضت للاغتصاب لاكن من وراء هذا!؟ ظن الجميع بأنني قد جننت في اللحظه التي حاولت فيها التعبير عن الفوضى التي بداخلي...
