سوينا مثل ماكال سنان هو طلع...
وافتر من ورا السفارة بسيارتة و ماعرف شكال لجماعة اكرم يريدكم او هيج شي هما بسرعة راحو علية...
واحنا بسرعة فتحولنا الباب ونزلنا
وبسرعة داس سنان ومشينا
اكرم كبل شك بالموضوع شافنا كبل صعد سيارتة وبقى يلاحكنا بسيارة سنان بكل سرعتة داس بس اكرم بقى ورانا لاحكنة
رحنا مكان طريق عدل مابي لابيوت ولااحد
سنان : مشى بين الأشجار الفراغات وصلنا لحد بيت كوخ صغير
سنان :هذا بيتي ابقو اهنا لحد مابعدهم عن الانضار واجيكم...
دخلنا للكوخ كولش بسيط وحلو بي غرفة نوم ومطبخ ودرج صعدت شفت غرفة صغيرة
هذا الكوخ مال متزوجين جدد هههه كولش حلو
والغرفة نظيفة تلمع لمع
راح سنان وكل بالي يمو يارب مايصيرلة شي
حسنة : اسراء الثلاجة بيها اجبان وبيض وبالكونتر معلبات تريدين اسويلج شي
اسراء : اي والله خالة ميتة من الجوع حيلي يرجف
خالة حسنة سوت الاكل وكعدنا ناكل ورضعت مالك....
بهالاثناء ندك الباب رحت فتحتة عبالي سنان
الصدمة.... طلع اكرم
لزمني من شعري واخذني برا
اسراء : تف عليك ياحقير يمت اخلص منك ياقذر
اكرم : ياكلبة احسابج بعدين تضمين علية ابني
سحب مسدسة وشالة علية وحسنة لازمة ابني تباوع وتصيح لا لا الله يخليك ابني وكلمة منو وكلنة مني رفع المسدس على اتجاهي وراد يضغط
بهالاثناء اجى سنان ودعمة بسيارة
وصعدنا بسرعة ومشينا بوجهنة للمطار....
واحنا بصالة الانتضار واني خايفة بس لايوقفونا بسبب اكرم اخاف مات لو صار عليه شي وتضل بركبة سنان....
رحنا تقدمنا على هذولة الي يدكون على الجوازات حتى نعبر
الموظف يباوع علينة وعلى الجوازات...
انطى جواز حسنة وجواز سنان وبقى جوازي وجواز مالك...
راح الموظف واخذ الجوازات واني بديت اخاف وسنان متوتر كذالك والخوف مسيطر علينة
ورا شوية رجع... انت شتقربلهة
سنان : زوجها وابو الطفل
باوعت هيج عليه بنظرات كلها اعجاب
الموظف : اعتذر عن سؤالي وتاخيركم بس لان جواز جديد وعمر الطفل ماصار يومين اخذتني الشكوك...
سنان : صار عدنة ظرف طارئ هسه اذا خلصت اسئلة ممكن تستعجل...
اخذنا جوازات ومشينا وأخيراً ارتاحيت من اصعب خطوة بقى نصعد بالطيارة...
وراها بوكت قصير صعدنة بالطيارة ومكاني جان بصف سنان
وخليت مالك يم حسنة كاعدة كدامي ...
من تعب غفيت على كتف سنان بدون مااحس وهو ماكعدني ولاكال بعدي عن كتفي بالعكس خلاني على راحتي
ورا ساعات وصلنا تركيا...
اخذنة سنان بسيارتة نزلنا بمطعم اكلنا خلصنا قبل لانطلع من المطعم ...
حسنة : بنتي اني مااجي وياكم راح ابقى اهنا
من بعد ابوج ماضلي احد وماريد اصير ثكيلة على احد
اسراء : خالة شدتكولين مستحيل اعوفج
حسنة : لا بنتي اسمعي كلامي.
خليتها على راحتها ودعنا بعض ومشيت ويا سنان ....
ودانا على موقف مالتة عندو طيارة خاصة
صعدنا بيها اني وهو وابني وسايق الطيارة
.
بيتهم صاير على اطراف مدينة مو داخل مدينة لازم نعبر البحر يلة نوصل
جنت كولش خايفة ومتوترة والخوف مسيطر علية ياترا اهلهم شنو ردت فعلهم بية وبابني...
أنت تقرأ
وعد شرف
Mystery / Thrillerقصتي بعنوان "وعد شرف" كُل سَاقي سَيسقى بما سَقي ولا يَظلمْ رَبُكَ احدا ♥ الى الذي اوصلني لتلك الرحلة كيف حالك! قصتي بعنوان تعرضت للاغتصاب لاكن من وراء هذا!؟ ظن الجميع بأنني قد جننت في اللحظه التي حاولت فيها التعبير عن الفوضى التي بداخلي...
