ذيبة سعد 18+

2

بطلتنه هيه أواز بنت سعد وروز الكردية
روز اخوها من تزوج سافر المصر واستقر هناك لذلك وافق على زواجها من سعد،ابوها متوفي وامها عاشت يمها هيه وسعد سنتين وتوفت

روز اخذوها الدو١عش وصارت جاريه عدهم ومحد يعرف اخبارها شنو لحد هسه ماتت عايشة!!

روز هسه صار عمرها 15 سنة وعايشة ويه ابوها واولاد احمد سامر وإبراهيم وسمر بنته
سامر عمره 22 سنة و ابراهيم عمره 25 وسمر 16 سنه

بيت ابو سعد

ابو سعد يشتغل مقاول وعنده املاك هواي ابغداد والبصرة وعده 3 اولاد اللي همه سعد ورعد توأم ومهند اصغر منهم بسنتين وعدهم اخت وحده الصغيره اصغر من مهند بسنه
صار هسه عمر سعد ورعد 45 ومهند 43 واختهم رغد 42
استلموا من ابوهم شغل المقاولات وحالتهم الماديه فوك الزينه
رعد عنده ولد وبنيه اللي همه
أركان 25 سنة
وشمس 20 سنة

مهند عنده ثنين ولد وبنيه
محمد 23
زياد 18
زينب 16

رغد
زوجها توفه بعد ما جابت منه حيدر
حيدر عمره 18

بيت الجد ابو سعد عايشين بيه رغد ومهند
أما رعد ف گاعد ابيت وحده هو وعائلته

:لج زنيبه عوفي الولد صرتي شكبرج متستحين
:بيبي خلي هو يعوفني وبعدين اني اعوفه، هو يتحارش بيه يعني شنو كلساع مطفي التلفزيون عليه مو دنتظر كوشي هنا راح تعترف بحبها الارناف
:هو هذه التلفزيون الگاعده تباوعي 24 من طاحضج وطاحض سوشي وياج
:كوشي كوشي، لك حيدر اذا ماعفتني اباوع هسه اروح اشخط الاقراص مال البلي مالتك
حيدر: ضميتهن بعد وين تلگيهن
زينب: لك بابا وخر دباااوع شنو مشكلتك ويه المسلسل
حيدر: لعد شنو تگولين ارناف احلا منك بعد ماخليج تشوفي
زينب: هسه انته تغار من ارناف گامت وكفت وضربت ايدها الفوگ بالجوه ارناف ضاغطهم

جتي ام سعد شايله النعال ولازمه ظهرها
:لج اذا مهند مارباج اني اربيج ام سوشي

وهيج مرت حياتهم لِما بعد سنتين

رعد: لازم نسفر ابويه نعالجه، هنا العلاج هيج
مهند: ومنو يسفره منو يروح ويا اني بالنسبة اللي عندي شغل مافارغ
رعد: ولك ما فارغ لابوك انته شنو من بشر متگلي الله ليعوزه عليك اني اخذ ابويه واروح اسفره اعالجة

ابو سعد عنده غده سامه ومتطوره بجسمه وجان لازم يسوي عملية وهالعمليه خطره، الكل بالهم يمه وفعلاً رعد كمل اجراءات السفر واخذه وسافر بيه اللبنان

نرجع للموصل

أواز...
لاحظت على بابا صاير تفكيره ينشغل هواي وحته ميگعد يمنه ولا يسولف مثل قبل، عصبي ويضوج من عركاتنه بعد ما جان يضحك عليها

دكيت باب غرفة ابراهيم
:تفضل
:أفوت؟
:اي أواز تعاي
جان گاعد يشتغل على الحاسبه، عدل گعدته من طبيت
:ابراهيم بابا شبيه!
بستغراب: شنو يعني شبيه
:بابا مو مثل قبل، لتسوي نفسك ممنتبه
:باعي أواز ابوج كبر، واكيد ميبقه مثل قبل
:لا ابراهيم ابويه بيه شي وانته تعرفه
مشه عيونه على وجهي وهو ساكت، بقيت مستغربه وضعه، رجع يشتغل عالحاسبه وانطاني ظهره!!
جنت ادري اكو شي صاير ولازم اعرفه