ذيبة سعد 18+

10

سحبني عمو من ايدي بقوة واني مادري شبيه وشكو وشصاير، دخلني المكتبه ودخل هو واركان : شبيكم ليش جبتوني لهنا
تقدم عليه عمو رعد، وماحسيت اله راسي انمد صفح من الراشدي اللي ضربه : ليييش تضربهااا
صيح اركان وعيونه حمره كأنو حتطلع من مكانها : هاي جاسوسه جايبيها هنا، وتخاف لا اضربها باوع عليه وتقرب مني واني بعدني ممستوعبه شي: احجي منو دازج علينه، دخلناج البيتنه وكلتي من زادنه وفوگ ما وگفت وياج ضد اخويه تخونين اهل البيت، هيج علمج سعد لو جايه تنتقمين انتي لو دتوگعينه بمصيبه، همزين كشفناج هسه قبل متبلينه ابلوه
اني احد دازني هذه شديحجي، باوعت على اركان اللي جان مرتجي على المكتب ويباوع علينه بنظرة كأنو اني خاينته، مشيت للباب دا اطلع ورجع عمو سحبني :لك عوووفني شتريد مني عوووفني
: متطلعين منا قبل متگولين شعدج جيتي ومنو دزج
: وخر عني، محد دازني، جيت لانو مبقالي احد اروح يمه غيركم، نزلت دموعي عبالي انتوا اهلي وراح تتقبلوني وتفرحون من تشوفوني لكم اني من دمكم ولحمكم، بس الظاهر.. لو باقيه ابيت الغربه احسلي ختمت جملتي بأنكسار، تقرب مني أركان ولزم زندي : تبقين ابيت الغربه؟ تحبين نرجعج يمهم؟ هااا، ترديهممم؟!! دفعته بكل قوتي : اي بيت الغربه عاملوني احسن منكم، على الاقل ما عيروني بالاكل اللي اكلته وياهم لو ابقيتي ابيتهم باوعت على عمي بنظرة عتاب، بس جان كأنو واحد خالي من الاحساس، سحب شعري قوي، وصيح : شوفي ذوله العيروج شراح يسوون بيج لعد ماكافي طلعتج من البيت ومحد يدري بيج الله يعلم بيا مزبلة ترحين وويامن لزم ايده اركان ديوخره عني، من شفتهم ابتعدوا ركضت عالباب طلعت وطلعت من البيت كله

گاعده نهله يم رعد تفركله ايده وتحاول تهدي، اما اركان..
معقوله اللي ابالي صحيح؟ كل هالبراءة اللي بيج وتالي تطلعين حيه جايه تسممينا!!

اندگت الباب وگام اركان يفتحها، تفاجأ من شاف ضباط هواي واگفين سحبوا وكلبشوا ايده، وجابوا رعد سووا ويا نفس الشي: شنو شدتسوون انتوا؟
عوفونه ممسوين شي احنه هذه اللي گاله رعد قبل ليصعد بسيارة الشرطة
جانت گاعده تنتظرهم ونظرة الانتصار مرسومه عليها، بعد كل اللي سووا بيها صار لازم يخافون منها ويعرفون هيه منو، لازم تسويلهم جرة اذن حته يعرفون منو ذيبة
وصلوا للمركز باوع رعد عليها بكل كره وغضب، اما اركان جانت نضراته بارده خاليه من اي مشاعر
رعد:ممكن اعرف احنه ليش هنا
الضابط: انتوا الثنين تم القبض عليكم بتهمة التعدي على ضابط
باوعوا عليها، خاله رجل على رجل وابتسامة الانتصار طاغية عليها
: هاي بت اخويه شنو منگدر نربيها؟
الضابط : هاية ضابط أواز حضرتك والتعدي على ضابط وحبسه بالقوة مخالف للقانون، تعال سيف اخذهم للسجن
تقدم ضابط واگف وسحبهم ثنينهم ورعد نار وانشبت بيه

نرجع قبل كم ساعه البيت ابو سعد

زوجة مهند : يبوووو عليك ولك، ولكم اني ابني مدمن ولككك مهنددد تعال شوف ابنك
صعد مهند شاف مرته تبجي وتلطم : شكو شبيج شصاير
صعدوا الكل على صوتهم، شمرت جيس ابيض :صعدت انظف غرفة زياد، والگه مخدرات بغرفته، راح ابنك مهند، ولككك ابني اني مدمن
بقوا الكل مصدومين من اللي سمعوا، اجه زياد لزمه مهند من ياخذته : منيلك هااااااي صاح بوجها ولازم الجيس بيده، توتر زياد وماعرف شيسوي
: ب... بابا هاي مو مالتي، مادري منين اجت
: هاي اجت من غرفتك يالمهيوب
: لا بابا اني ماعندي هيج شي
: بابا 
حجت زينب بصوت ناصي، باوعوا عليها كلهم
: اني البارحه شفت أواز طبت الغرفة زياد الكل انصدم من اللي سمعه بس اي اللي تطب وتطلع بكيفها وشايله كل هالصلافه وفوگاها بت سعد اكيد جايه تنتقم ودتورطهم حته تبلغ عليهم