كتفت ايدي وباوعتلها ابرود : شتريدين
جانت مرتبكة وتباوع يمنه ويسره : عادي نحجي جوه!!
فكرت شوي وقررت ادخلها اشوف شتريد، وخرت عن الباب مسويتلها مجال تفوت، گعدنه بالهول : يلا احجي
: احم.... باعي أواز، انتي اكيد دريتي اني حامل
: اي دريت
باوعت ليجوه وگامت تفرك ايديها ابعض : خلي اركان يتزوجني بس كم شهر وبعدين نطلگ بس علمود الطفل
بقيت اباوعلها بصدمة، هاي تحجي صدگ لو تشاقة، ابتسمت بأستهزاء : وليش ميتزوجج ابو الطفل؟
: هذه مو موضوعنا... اني اجيت احجي وياج بهالشي وأركان ميدري اريدج انتي تقنعي
:هههههه اني أقنعه!!! شنو نسيتي شسويتي اول مخطبنه اني وأركان؟ والصور والمكالمات
: أ... ماسويت هالشي بسببج والله مقصدي انو اضوجج لو اخذه منج
: شنو جان قصدج لعد حجيت بحده واني اخزر بيها
بقت تباوع ليجوه رفعت عينها : مااگدر اگلج بس ماعندي شي وياج
ابتسمت بأستهزاء : سواء عندج او ماعندج انسي هاي السالفة
: عفيه ستروا عليه، بس كم شهر والله واعوفكم هاهيه
: ليش مسترتي انتي على نفسج لعد؟؟ ليش سويتي بنفسج هيج؟
: ليش تحجين عليه هااا انصدمت من علت صوتها وگامت وگفت وتحجي بكل حِرگة اني ما بايعه نفسي للرايح والجاي، اذا عبالج السويته ويه اركان سويته ويه غيره ف غلطانه
رفعت تك حاجب ابرود : لعد منين هذه الطفل؟
: گتلج مو موضوعنا... جان غلطه
: لعد شمعنه بس اركان اللي تقربتيله حسب متگولين؟
: هه شنو متدرين رعد شسوه ويه خالتي؟؟ اخذ شرفها وعااافها!! ووعدها يتزوجها وجذب عليها.. عيونها صارت حمره اركان... جنت راح انتقم منه بإبنه، بس.... بس طلع جباان
: وليش متحجين على خالتج اللي سمحتله ياخذ شرفها؟؟ ليش مو هيه سوت ويا مثل مسويتي ويه اركان
:لاااا... لتحجين كلمة على خالتي، برأيج ليش لحد هسه متزوجت؟ برأيج ليش ما حاولت تسوي مشاكل الرعد؟ ليش ماراحت حجت وگالت وفضحته؟ خالتي لحد هاللحضه تحب رعد... ومن عافها ماسوت شي غير البجي والقهرر وهو كمل حياته... ولا كأنو صار شي
حسيت كلامها صح، جانت تگدر تفضحه، او حته تگول المرته، من شفتها حسيتها مَره زينه وحبابه، بس ليش زينه هيج؟
: خالتج تدري باللي دتسوي؟
هدأت ملامحها ورجعت گعدت : لا متدري ولا تدري اني حامل
: ليش متنزلين الطفل؟
: گلولي عمره 3 اشهر... بعد مينزل بحبوب، اله عمليه ومااگدر اسوي العمليه لأن يطلبون الاب، وولي امر يوقع وخالتي راح تدري هيج
: تحملي مسؤولية افعالج زينه
باوعت عالساعه صارت ب1 راح يجي اركان وبعدني ممسويه غده ومو مال نگضيها مطاعم
فتحت الفريز طلعت لحم، خلي اسوي برياني هو بس هذه الفالحة بيه
أنت تقرأ
ذيبة سعد 18+
Romanceانعكاس النار بين بعيونها ضغطت على المسدس بثنين ايديها بقوة مطلعة كل وجعها بيه مسحت دمعه نزلت بطرف الشماغ اللابسته بحسرة: خليني أروحلهم أول وتالي بعد ماعندي شي اخسرة.
