اواز
گعدت شفت الساعه 8 صارلي شگد نايمه، گمت سبحت وتريگت لعبت شوي رياضه، صارلي قرن مطالعه خلي اروح للعماره اشوف شكو ماكو، بدلت وطلعت
رحت شفتهم وحجيت وياهم اذا يحتاجون شي او احد اجه، گلولي سأل عني احد اذا اريد ابيع البنايه : اي احد يحجي بهالموضوع گلوله اني رافضه، تمام
عفتهم ورحت للسوگ جبت غراض للمطبخ
فتحت باب الشقه وطبيت للمطبخ شفت اركان مرتجي عالميز ومبين دينتظرني يا ستار شبيه وجهه ميكصه الطبر : وين جنتي؟
حطيت الغراض عالميز : تسوگت
: مفكرتي انو المفروض تگليلي قبل متطلعين
عضيت شفتي ابرائه : مجنت ادري راح ترجع من وكت
:اهاا، يعني تردين تطلعين وترجعين بدون لا ادري؟
: شبيك اركان وين رايحه اني قابل
: طول ما اني زوجج راح ادري بكلشي وين تطلعين وين ترحين ومنووو يجينه جر بالكلمة الاخيره ويباوعلي بحده
: شنو!!
: زينه جتي لهنا
جان لازم اتوقع راح تگليله
گمت افتح بالغراض وارتبهن :اي جتي
:ليش ما گتيلي؟
: ماجنت ادري مهمه بالنسبه الك
: اوووااااز
درت عليه من رفع صوته : اي احد يطب راح ادري بيه راح تگليلي فهمتيني؟
ابتسمت بأستفزاز: هه اي وشنو رأيك بسبب جيتهااا لهناا!
حط ايده بجيب بنطرونه : دا افكر
رحت وگفت كباله : تفكر؟؟ اكو مجال للتفكير؟
: خلي نفسج مكانها
: اني مو كح..
: اواااز
: اركاااان
: السانج ادبسز
: باوعلي اركان، قسماََ بالله بعدك متعرفني شگدر اسوي، اني ماقبلت بيك علمود تروح تتزوج بت شارع ورايه لاااا وتصير ابو لابن ممعروف منو ابو، اذا تفكر مجرد تفكير راح تگعد الصبح متلگاني
طبيت للغرفه وسديت الباب قفلتها، يفكر الخايس ويگولها بكل صلافه
اركان
اليوم جان كلش صعب حسيته، عملية روان اللي ماادري شلون نجحت وكم ساعه طولنه بيها... جية زينه للمستشفى والموضوع السخيف الگالته وارجع للبيت ماالگه ست أواز
گتلها افكر بموضوع زينه حته اعصبها وانرفزها مثل ماهيه عصبتني
طلعت من الشقة رحت البيت اهلي
: شنوو!! اليوم يخطبوها؟ زين هيه متعرفه ولا شايفته شلون عمي مهند يجبرها؟
رعد: متدري بعمك يموت عالفلس وعده مصلحه ويه الرجال اكيد ميرفضه
: وراح تخلوها تتزوج غصب عنها؟
: بكيف ابوها شعلينه احنه
أنت تقرأ
ذيبة سعد 18+
Romanceانعكاس النار بين بعيونها ضغطت على المسدس بثنين ايديها بقوة مطلعة كل وجعها بيه مسحت دمعه نزلت بطرف الشماغ اللابسته بحسرة: خليني أروحلهم أول وتالي بعد ماعندي شي اخسرة.
