ذيبة سعد 18+

25

: بابا سوي اي شي خلي يجي ياخذها اگلك بيبي هنا
: حاول متطلعها من الغرفه لحد باجر يجي ياخذها
: شهالمصيبه هاي اني صوجي قبلت

سد التلفون وطلع نفس قوي بعصبيه، هذه الجان ناقصني

فتح باب غرفته، شافها نايمه على جربايته، حط علاگة ملابس عالميز وطلع

بعد ساعه

: نموري وينك..... نمييررررر بيبي تعال تغده

تأففت من الصوت واني نايمه، فتحت عيني وفتحة الباب، رفعت جسمي اباوع بنعس النمير، لحضه.... هذه مو نمير

بقينه احنه الثنين ساكتين اباوع على بيبيته شگد حلوه ولا عبالك بيبيه شلون ملابس واناقه، وهيه تباوعلي بأستغراب : انتي منو؟

بقيت ساكته شجاوبها، ابتسمت : أ.... اني مرة نمير

رفعت عيني بسرعه عليه ويه حجايتي اجه وگف وره بيبيته وبقه ساكت من الصدمه
: شنووو!!! مرة نمير؟ دارت عليه بسرعه ولك شلون تتزوج ومتگوللنه خايب

بلع ريكة :أ..... لا لا مو هيج فهمتي غلط بيبي تعاي افهمج
خزرني واخذها وطلع، گمت شفت الملابس رحت سبحت ولبست بجامه وقمصله ونزلتلهم، شفتهم گاعدين بالهول : اي بيبي هيج السالفه

دارت عليه ملامحها حزينه : ياعيني يا بنتي شلون وگت هذه اغبر، تعاي يمي تعاي

بقيت صافنه مستغربه معقوله گللها خاطفني

: هذه حفيدي دومه هيج زلمه وميعوف بنيه بهيج ظرف

: يا ظرف سألت بغباء

خزرني : الظرررف سمرر، اهلج ميتين وبقه بس اخوج يريد يزوجج رجال سكير ومدمن وابن شوارع حته يخلص منج

: اي بيبي ونموري اجه عقد عليج حته ليشمرج اخوج هيج شمره

بقيت فاتحه حلكي وصافنه عالسيناريو

: تعاي بيبي يمي

رحت گعدت يمها، لزمت ايدي وحجت بدراما : حفيدي خوش رجال هسه تشوفين يعوضج عن حياتج ذيج

: اي كلش جاوبتها واني اباوعله صفح

اواز

: يعني ماوصلتوا النمير
: لا والله اواز منعرف بس اسمه يعني لا اسم ابو لا عائلته
:اي شي يصير خابرني گلي ولتخاف على سمر تره سباعيه
: ان شاء الله ادري بيها

سديته وباوعت على الطفل، رحت للمطبخ شفت اركان گاعد صافن : شنو سميته؟

رفع عينه عليه : سيف..... سيف اركان

ابتسمت : شلون حلو ان شاء الله يصيرلنه سند من يكبر

: تتوقعين الباقين شنو حتكون ردة فعلهم