انك بين النفس والهوى والفؤاد وماحوى

18

عند مشاري العاشق
واقف عند المرايه وهو يتذكرهم ويضحك عليهم مر من عندهم ومحد حس فيه ودخل غرفته وبدل وجاء بينام بس قرر ينزل يتابع معهم  بس سمع شوق خايفه قرر يمقلبهم ودخل اامطبخ واخذ كاس ماء وشربه وبعده طاح منه بالغلط وانكسر وضحك بشويش وهو يسمعها تقول فيه شي منكسر وشهد تقولها توهمين بعده قرب منهم وهو يطلع صوت خفيف ووو
ضحك بقوه ويتذكر شكل شوق وهي ترجف وماسكه تي شرت شهد وبعده سحبها وهي جامده
حط يده على شفايفه وهو يتذكر بوسته لها ابتسم وانسدح على السرير : اه ي شوق لو تدرين شكثر احبك  متى يجي اليوم اللي اخطبك فيه بس ليكون بترفض زي مرفضت ريان .وبغيره.اف ريان ليكون شايفها قبل لايخطبها  هه اكيد بيشوفها بنت خالته بس الحمدلله رفضته بس يمكن في بالها احد واذا صار في بالها احد ميهمني انا بتقدم لها وبتزوجها غصبن عن اللي ميرضى  ايه معندنا بنات يرفضن هههه  متى  بس متى يجي اليوم اللي تنامين فيه بجنبي  وابوسك بالحلال واضمك وتبادليني الحب ونام 

....
وفي يوم جديد،.
بيت ابو تركي جالس عند طاوله الطعام ويفطر هو وتركي وام تركي بيروحو لدواماتهم
تركي: شوق وينهي امس طلعت للمول مع شهد ومن بعده مشفتها
ابو تركي: اي قالت لي امس انها بتبات عند شهد
ام تركي: ي حبيبتي ي شوق امس جهزت للجامعه
ابو تركي: امس كلمني ابو عمر  يخطب شوق لولده راشد وشرايك فيه ي تركي
تركي بستغراب: راشد مغيره ولد ابو عمر
ابو تركي: ايه فيه شي.
تركي: لا بس احس ميناسب لشوق وانت تعرف شوق  دلوعه  وصغيره وراشد معقد وكبير شوي
ابو تركي:انا فكرت كذا بس هو رجال معليه وصعب نرفضه كذا بدون سبب وبنسأل عنه اكثر والله يكتب الي فيه خيره
ام تركي: والله بنتي واعرفها متوقع توافق عليه خصوصا خوات راشد الله لايبلانا مدري شفيهم على شوق كل ميشوفونها تكلمن عليها وقالو لها انها مغروره وشايفه نفسها وشوق متحبهم
ضحك تركي: يحق لها شوق تصير مغروره هههه هاذي اخت تركي مو حيالله
ضحك ابو تركي : المهم لاتنسى تسال عنه وانا بسأل عنه معلينا من خواته هو رجال ولد رجال وشوق بتزوجه هو مالها دخل في خواته
تركي: ابشر ي يبه وبقول لمشاري بعد يسأل عنه
ابو تركي: زين انا ماشي سلام
تركي: فمان لله
وجلس تركي يسولف على امه
ام تركي: وانت ي تركي متى اشوفك عريس وحولك عيالكك
تركي ابتسم: قريب ي يمه قريب
ام تركي بفرح: صدق ي تركي اجل ريما بنت  خالتك بخطبها لك جمال وادب واخلاق
تركي: يمه انا مبي ريما اعتبرها زي اختي
ام تركي : والله ودي بريما بس دام تعتبرها زي اختك مني جابرتك
باس تركي راس امه: اجل استاذنك 
ام تركي: الله يحفظكك انتبه لنفسك
تركي: ان شاءالله

عند اهل مشاري بعد مفطرو وخلصو
قال ابو مشاري: وين شوق وشهد مصحو
ام مشاري: لا نيمات امس سهرنات وتركتهم ينامون
ابتسم مشاري وهو يتذكر اشكالهم امس
وراح هو وابوه لشركه وجلست ام مشاري على قهوتها وجتها اريج وسلمت عليها
وسولفت معها
غلا عمرها ٥ سنوات تجنن كيوت : ماما وين شهد
اريج: غلا ي ماما شهد فوق نايمه وعندها شوق بعد شوي لصحو ينزلون وتلعبين معاهم
نطت غلا بصراخ: يس يس شوق هنا بروح لها
ضحكت ام مشاري واريج
ام مشاري: بعد شوي لصحو تروحين لهم
غلا وهي تلعب في دبدوبها الكبير طيب شغلت له اريج التي في وخلتها تتابع الكراتين وسولفت مع امها
............
في مكتب مشاري كان مشغول في الملفات يقراهم ويوقع عليهم
طق الباب ودخل السكرتير فهد : سلام عليكم استاذ تركي بده يشوفك
مشاري وعينه على الاوراق: عليكم السلام دخله

............
وش توقعاتكم هل شوق بتوافق على راشد عناد في مشاري او بترفضه؟ وتوافق على مشاري ؟وهل ريان بيسكت عن شوق ؟
شوق لعرفت ان راشد خاطبها وش ردت فعلها
مشاري لعرف عن خطبت شوق وش بيسوي هههه خاصه انو بيسأل عنه_^