انك بين النفس والهوى والفؤاد وماحوى

39

مرت الايام بسرعه وابو تركي صار بخير ورجع زي قبل واحسن
وخلص الشهر وشوق  كل يوم في المول هي وشهد ومر الاوسبوع بسرعه واليوم زواج مشاري وشوق اليوم المنتظر_^
شوق صاحيه من ١٢ وهي متوتره وخايفه وجتها امها وجابت لها فطور في غرفتها وافطرت وبعد مخلصت
ام تركي: والله بفقدك ي شوق
شوق: يمه والله حتى انا وبكت
ضمتها ام تركي وبدت تبكي معها ومسحت دموعها وبدت تعلم بنتها عن سوالف المتزوجين وشوق تسمع وساكته وبعد مخلصت اخذت شور شوق ولبست لبس مريح  وجت الكوفيره وبدا في ام تركي وبعد شوق قصت من شعر  شوق لنه طويل مره وقصت منه شوي وبعده استشورت شعرها وسوت التسريحه
...
عند مشاري كانت الساعه 4ونص كان في الحلاق سوى تنضيف بشره وحلق وصفف سكسوكته وكان معه اخوه طلال وتركي وسعود وعبدالرحمن وفيصل وكان طلال معصب على الحلاق الي خرب زلفه وعبدالرحمن وسعود ماخذينه طقطقه  وبعد مخلصو طلعو وعلى الساعه ٥ ونص راح مشاري للبيت وكان مفيه احد في القاعه ناظر غرفته وكانت مرتبه ومزينه بس هو مستاجر فندق اول يوم  المهم لبس ثوبه وشماغه وعقاله وبشته الابيض مع ذهبي  والكبك الاسود والحذا الاسود وكان مره جميل وملامحه رجوليه جذابه اخذ العود ودهن فيه وتعطر من عطره المفضل وطلع وكان طلال الي يسوق فيه ومبسوطين ومشغلين شيلات ومعلين الصوت وتركي وعبدالرحمن وسعود وفيصل ورى بسيارتهم الكزس يزفونه ومنطربين
..
في القاعه ام مشاري كاشخه هي وبناتها اريج لابسه فستان احمر ضيق وفاتحه شعرها وحاطه ميكب فخم
وشهد لابسه فستان وردي ضيق من عند الصدر والخسر وسيع مره من تحت وفاتتحه شعرها الاشقر الطويل ومسويه تسريحه خفيفه شوي وميكب ناعم وبنفس الوقت فخم وكانت مره جميله وجو الضيوف
...
عند شوق بعد مسوت الميكب العروس ولابسه فستانها الابيض كان من عند الأكتاف عاري مره   وفتحته الصدر شوي كبيره شوي  ومن ورى يحزم في ربط وضيق لين الخسر ومن تحت طويل وروعه يجننن عليها  وبعده جتها امها وسلمت عليها:الف الف مبروووك ي روحي
شوق: يبارك فيك
وبدت امها تقرى عليها وتسمي
ودقت علي تركي يجي يوصلهم القاعه
وجاء
تركي: مشاءالله ي شوق وش هالجمال تبارك الله  ي بخت مشاري بالجمال ذه .وسلم عليها وباس راسها:الف مبروكك ي شوق والله يوفقك ويتمم لك على خير
شوق :الله يبارك فيها
ام تركي: تركي شيل هذي الشنطه
شالها تركي ونزلو للقاعه وبعد منزلت شوق ودخلت في الغرفه المخصصه للقاعه
وجلست وكانت اميره
..وطلعت ام تركي وسلمت على ام مشاري: الف مبروك زواج مشاري
ام مشاري بحب لم تركي:الله يبارك فيه والله يوفقهم ويسعدهم
ام تركي:امين
وجت شهد وسلمت على ام تركي: وش هالزين ي شهد
شهد:تسلمين ي خاله وانتي وش ذالزين خربتي علينا
ام تركي بغرور:ههههههه اكيد بخرب عليك
شهد:هههههه الله يعين عمي مشافك
ضربتها بخفه:وجع ي الي متستحين .يلاه عقبالك ان شاءالله
ضحكت شهد: امين هههعهه
ضحكت ام تركي عليها وسلمت على الضيوف 
وجت البندري وامها وسلمو على ام تركي وام مشاري وباركو لهم
وجت ساره لابسه فستان قصير مره لنص الفخذ والضهر  طالع  ومحرقه شعرها  بالاستشوار وماليه وجها ميكب وجت بغنج ودلع مو لايق وسلمت على ام مشاري: الف مبروك زواج مشاري ي خالتي
ام مشاري: الله يبارك فيك وعقبالك
ساره:ان شاءالله .وراحت

شهد كانت مع اختها اريج والبندري يسولفون  وغلا كانت معهم وكيوت وعوبا لابسه فستان ابيض وفاتحه شعرها 
جتهم ساره وجلست عندهم :كيفكم
البنات :بخيرر
غلا: انتي مين
ساره:انا ساره بنت جيرانكم متعرفيني
غلا:لا معرفك
ساره: اوك نتعرف ي حلو
غلا:عرفتك ميحتاج
ساره تفشلت من البزر وسكتت
غلا:شوق احلا منكك بكثيير
ساره رفعت حاجبها بقهر
اريج:عيب ي غلا وش هالكلام
غلا:عادي انا احب شوق زي خالي يحبها وانا مثله واشوف شوق حلوه
ساره يعننها مهي مهتنه تاكل علك
شهد:غلا روحي مناك
...
قامت ساره :استاذنكم
.
البندري وشهد:هههههههه
شهد:ليه ي غلا
غلا بتكبر طفولي:وانا صادقه شوفي وش لابسه كنه لابسها لبس نوم
شرقت البندري في الماء من الضحك: ههههههههههههههههههههه
..شهد قرصت خد غلا يمه منك ي العوبا
اريج:بنات تعالو نرقص المهم رقصو وفلوها واغنيه ورى اغنيه وجت ساره هي ودلال يرقصون ويجي ولد صغير شوي ويسحب شعر ساره بقوه شوي وتطيح بس تداركت نفسها وتمسكت وشهد مينه ضحك وبس تحش وقامت ترقص والكل يمدحها وجت حور وجلست على طاوله كانت لابسه فستان ازرق قصير  وفاتحه شعرها وحاطه ميكب خفيف مرررره وبنفس  الوقت ناعم اساسا هي تهبل ملامحها طفوليه جتها شهد وهي تسلم عليها : اهلين حور شرفتينا ي قلبي
ابتسمت حور:هلابك ي عمري والف مبروك زواج اخوك
شهد: الله يبارك فيك وعقبال اخوك
ضحكت حور: ان شاءالله
شهد :تعالي نرقص
وقامو وجتهم نوره والبندري ورقصو
..
وجاء وقت الزفه وراحت ام تركي تقول لشوق تنزل
شوق: يمه اخاف اطيح
ام تركي:سمي بالله وانزلي
شوق متوتره
دخلت شهد: هاه شوق يلاه انزلي عشان مشاري بيدخل
شوق ارتبكت: خايفه
شهد:معليك عدي من واحد الى عشره وانزلي
ام تركي : يلاه ي شوق بنزل انا وشهد وبعده انزلي
وراحو
وطفو بعض الاضاءءه وحطو كشاف العروسات  ونزلت شوق بكل ثقه وممزوج بحياء على اغنيه هاديه ورايقه   وكانت حييل فاتنه
وجلست على الكرسي المخصص لها ومزين في الورد ومسكت مسكتها كانت ورد ابيض وازرق فاتح
وجت ام مشاري وام تركي واريج وام سعد وحور والبندري ونوره وشهد وريما ورقصوو  عندها ..ورقصو الناس في المنصه وشوق مبسوطه في الحضور
المهم جاء وقت زفت مشاري ودخل وعلى يمينه ابوه ويساره عمه وتركي دخلو بكل هيبه
والبنات الي بالقاعه خقوو عليهم وحده صرخت على مشاري :يخرب بيته شوفي وي جماله 
وحده:جعلها متتهني فيه شوق اجل كل هالجمال ويروح مني
الثانيه:وشلون بيتلفت لك وزوجته تجنن
..وصل مشاري حس المسافه طويله وده يركض ويخمها انبهر من جمالها ووصل وباس راسها : الف مبروك
شوق بحياء:يبارك فيك
ابو تركي: الف مبروك والله يهنيكم
مشاري وشوق:يبارك فيك
وابو مشاري:مشاءالله الف مبروك والله يسعدكم
مشاري :يبارك فيك
تركي:مبرووك ولا وصيك ي مشاري في شمعه البيت
مشاري:ييارك فيك عقبالك .لاتوصي حريص

.....
لايك كومنت ابيلييييز بنات قدرو تعبي😭😭😭