ما اعرف ايش صار بذيك اللحظه المهم اني رضيت من صحن شوفان..
صعدت لغرفتي كالعاده اتهرب منه
بس الوقت كان بدري ، الصدق اني طفشت لوحدي فوق بالغرفه
نزلت للصاله تحت وكان صالح مشغل البلايستيشن ويلعب
جيت جلست معاه وسألته..
انتي : ايش تلعب ؟
صالح : لعبة Hitman
انتي : اووه هيت مان القاتل !
صالح : ماشاءالله تعرفينها هههههه
انتي : ايي اعرفها وقد لعبتها اللي يكون عنده مهمه لازم يقتل شخص معين ويسافر ويقتل فلان ويهرب وكذا؟ اعرفها اعرفها
صالح : قولي انك مختمتها بعد ههههههههه
انتي : لا لا لعبت كم مهمه زمااان لما كنت بالثانوي بس ماختمتها
مد لي يد البلايستيشن وقال..
صالح : امسكي كملي المهمه يلا
اخذت اليد بحماس بسرعه وبديت اكملها
صالح : انتي الحين بـ برلين ومهمتك تقتلين صاحب شركة خمور اسمه "توني"
شوفي الخريطه تحت النقطه الحمراء هو "توني" اللي لازم تقتلينه
انتي : الحين لازم استدرج واحد من رجاله واغتاله بعدها اخذ ملابسه عشان اقدر ادخل عليه صح ؟
صالح : ايوه ، شوفي هذاك لحاله روحي له
انتي : وينه ؟
صالح : هذاك البعيد اللي واقف لحاله بسرعه روحي له قبل يجون الباقين
انتي : ما اشوفه ! وينه !
قرب مني ومسك يدي اللي كانت على يد البلايستيشن..
توترت مره انحرجت والجو فجأه صار حار مو مرتاحه كنت ابي اوخره عني بس
بنفس الوقت ما اعرف كنت مبسوطه..
ريحه حلوه مره كانت تفوح منه لما قرب مني
وشعره الناعم كان مايل على اليمين ونازل على جبهته ، وسيم بـ معنى الكلمه ودايم ريحته مميزه وحلوه
فقدت تركيزي على اللعبه وكان تركيزي كله عليه..
كان اصبعه على اصبعي و يحرك القير لين وصل له
صالح : ايوه كذا يلا الحين اضغطي مربع اخنقيه
كنت للان تحت تأثيره ولا استوعبت وش قال
كمل صالح يضغط مربع لين اختنق الضحيه
صالح : يلا بسرعه اسحبيه لا ينشاف!
انتي : ااا اوك الحين
كملت اللعبه وانا مصدومه كيف مسك يدي بهالبساطه
صالح : خلاص بس باقي هذا تصرفينه وادخلي اقتلي الرئيس بالمسدس
لحظه ركبتي الكاتم بالمسدس؟ لا تقتليه بدون الكاتم تفضيحنا
انتي : شدعوه شوف مركبته
صالح : لا طلعتي شاطره باللعبه بعد هههههههه
خلصت المهمه وقتلته ..
مديت اليد لـ صالح
انتي : يلا دورك كمل المهمه اللي بعدها
صالح : بقتله باقل من 10
انتي : مستحيل هههههه بختار لك اصعب مهمه باللعبه كلها
صالح : يلا اختاري مهمة طوكيو ولا باريس
انتي : مهمة الصين
صالح : لا تستهبلين ذي مره صعبه وطويله والقتل بالسم
انتي : انا ابي الصعبه ابي اتحداك ههههههههه
مرت ساعات واحنا نلعب ولا حسيت فيها الا من صوت جوالي..
كانت صديقتي الايطاليه اللي ساكنه ب دبي داقه علي
رحت اكلمها وكنت اتكلم ايطالي معاها
ماطولت بالمكالمه اقل من 10 دقايق ورجعت للصاله
