" منزلي "

مشاعري

وانا افطر نزل صالح
صالح : ياصباح الخير
انتي : صباح النور
صالح : العصر بنطلع للمطار عندنا مباراه بـ ابها
انتي : ايوه عارفه
لف علي باستغراب
حاولت اصرف..
يعني اعرف ان الهلال عنده مباراه ضد ابها في ارض ابها !
اكتفى بالابتسامه..

مر اليوم عادي طلع للتمرين بعدها للمطار
وانا طلعت لـ المقابلة الشخصية عند الشركه اللي قبلتني
ودعت اهلي ، طيارتهم اليوم الفجر
رجعت البيت والهدوء قاااتل
فتحت سناب الهلال وشفتهم .. وصلو للفندق تو قبل ساعتين
يالله كيف كذا حلو!! عدت السنابه مليون مره ولا شبعت..

صعدت لـ غرفته كنت مشتاقه له..
استلقيت على سريره وحضنت مخدته ، ريحته الحلوه اللي ما املها..
ونمت على سريره..

نفس الروتين المعتاد بس هالمره بدون صالح
افطرت بدونه لبست وطلعت لـ دوامي
اول يوم دوام والنشاط فلل
شغلي سهل بصراحه اجهز الملابس للمودلز البنات وكمان الشباب و جلسات تصوير طويله
مايخلص دوامي الا المغرب

المباراه كانت الساعه 9 رجعت للبيت سويت عشاء على السريع و شغلت المباراه
كانت حماس كالعاده الهلال ضاغط ويلعب بطريقة هجوميه و متقدم اكيد!
خلص الشوط الاول وانا بس اثناوب..
نعست وانا اتابع ، بالعاده انام بدري والساعه 10 الان!
غفيت على الاريكه بدون لا احس..

^^^^^^^^^^^^^^^
خلصت مباراتي و طلعنا للمطار
كلمتها واتساب بس ماردت ، الساعه 12 الليل اكيد انها نامت
وصلت للرياض ودخلت البيت ،
لقيتها نايمه على الاريكه بالصاله
ابتسمت من لطافتها والبراءه نايمه بالغلط هنا وهي تتابع..

نزلت الارض على ركبتي و تحسست خدها و جبينها
ااخ لو تعرفين وش بقلبي لك..
بست جبينها وحملتها بين يديني
فزت وانا شايلها!
انتي : صالح .. متى رجعت
صالح : توني جيت
حطت يدينها على رقبتي كانت تتمسك فيني..
انتي : وين موديني
صالح : سريرك .. تكملين نومتك هناك
انتي : لا لا وديني سريرك ابي انام بسريرك
صدمني ردها!
انتي : انا امس نمت بسريرك عشاني اشتقت لك واليوم بعد وحشتني
ابتسمت عرفت انها مو بـ وعيها او يمكن تحلم ، شكلها من النوع اللي يتكلم وهو نايم هههههههه
صالح : طيب وانتي بعد وحشتيني
بهاللحظه قربت مني و باست خدي
غمضت عيونها و رجعت نامت زي الملاك..
نزلتها بـ سريري وغطيتها

^^^^^^^^^^^
اول شيء شفته بوجهي لما صحيت كان صالح!
شعره رطب ويلبس تيشيرته
صرخت اول ماشفته ولفيت وجهي !
صالح : سلامات ايش فيه
انتي : وش تسوي هنا!! ليش تلبس قدامي
صالح : وين تبين البس!
انتي : بغرفتك!
صالح : طيب يا حبيبي احنا وين؟
لفيت على الغرفه .. غرفته!

فزيت من السرير بسرعه وطلعت
دخلت للحمام وانتبهت لـ ملابسي لابسه شورت اصفر على تيشيرت اسود
يالله بموووتتتت احرراج
لابسه تخبيص من الدولاب مادريت بيرجع بنفس يوم المباراه!
وايش نومني ب سريره و ايش رجعه بدري كذا توه قبل كم ساعه كان يلعب بـ ابها وش جابه!
اخذت شور غيرت هالترقيع اللي لابسته وجدلت شعري على السريع ونزلت..