بصعوبه نمت كنت بس افكر فيه وعندي مليون سؤال..
صحيت متأخر الساعه 10 الصبح! ماعندي شغل الصبح لكن ما احب اخرب نظام نومي ، دخلت اتروش بسرعه
^^^^^^^^
كنت العب بالبلايستيشن والا اشم ريحه حلوه
لفيت بسرعه باتجاه الريحه ، كانت هي ..
شعرها الرطب نازل على ظهرها ولابسه بجامه حرير..
ابتسمت لا شعوري وكالعاده بدت الاصوات الداخليه
هذي دايم كذا حلوه ؟ حتى لو توها صاحيه من النوم ولا متروشه ؟
سمعتها تتكلم..
انتي : صباح الخير
صالح : صباح النور
انتي : افطرت ؟ ولا اسويلك معاي ؟
صالح : لا شكرًا افطرت
حاولت اشيل عيوني من عليها واكمل اللعب..
جت جلست على نفس الكنبه اللي انا قاعد فيها
رفعت رجولها لحضنها واشوفها بيدها صحن الشوفان..
انتي : وش تلعب ؟
صالح : call of duty
انتي : كمان اعرف العبها
صالح : بعد! خلصي فطور وبعطيك اليد ، وريني مهاراتك
لفت علي وخدها منفوخ من الاكل وشكلها لطيف مره..
مدت الملعقه باتجاهي واشرت براسها بمعنى تبغى ؟
صالح : ههههههه لا شكرًا بالعافيه
^^^^^^^^^^^^^^^^
دق جوالي وكانت ماما المتصل
بس مو مكالمه عاديه كانت مكالمة facetime
انتي : اسكت لا تطلع صوت ابد ! طف البلايستيشن او قصر الصوت تمامًا ماما داقه صوت و صورة!
صالح : تمام تمام
انتي : هلا ماما كيفك ؟؟
ماما : بخير بخير انتي كيفك ؟
انتي : الحمدلله كل اموري تمام انتو كيفكم وكيف ميلانو وبابا واختي؟
ماما : نفس ماتركتينا بس فاقدينك والله مكانك خالي بالبيت
انتي : ياعمري والله حتى وحشتوني مره صدق بدونك الحياة صعبه والوحده كئيبه
انتبهت ان صاح لف علي وهو مستغرب من كلمتي
ماما : ايه ترا انا داقه عليه صوت و صورة عشان توريني بيتك ماشفناه من لما رحتي!
اختي تكلمت من ورا ماما..
صح ماوريتينا ! وريني بسرعه فيه غرفه لي ؟
ابتسمت بتسليك..
انتي : ماما بيتي محيوس الان خليها بعدين ارتبه لكم واصوره
اختي : يابنت مو غريبين حنا مانعرف حوستك بالبيت عندنا يعني ؟ عادي ورينا يلاا
ماما : صدق بشوف تأثيثك!
الوهقه ! كيف بوريهم البيت وهو كله مأثث وواضح بيت رجال مافيه ولا لون الا الرمادي والاسود
قلبت الكاميرا وبديت الف جوالي اوريهم لين وصلت لـ جهة صالح ورجعت
اختي : وش هالتصوير الخايس سويلنا جوله كامله مو من جهه ولا جهتين!
حطيت يدي على راس صالح ونزلته لتحت وهمست له
انتي : نزل راسك شوي لا تبين بالتصوير
كانت المره الاولى اللي المس فيها شعره.. بالصور مبين ناعم بس بالحقيقه! لما حطيت يدي عليه حسيت يدي بتزلق من نعومته
عرفت ليش يحط جل شعره انعم من الحرير
ماكنت ابي اشيل يدي من عليه الصراحه..
انتي : خلاص اتوقع كذا واضح ؟
ماما : يابنتي البيت مأثث كامل اكيد انك صرفتي كل فلوسك بالاثاث محتاجه شيء احول لك ؟
انتي : لا ماما شكرًا مرره اموري كلها تمام
ماما : متأكده ؟ لسا مالقيتي وظيفه لا تستحين مني !
انتي : ماما والله مو بحاجة شي ابد اذا احتجت بكلمك على طول
اختي : ماشفنا البيت زين ولا وريتينا غير الصاله! يبغالنا نزورك ونشوفه على الطبيعه!
انتي : تزوروني ! ان شاء الله ..
خلصت المكالمه مع ماما على السريع
