" منزلي "

عقد قران

جاوبته بالإيطالي..
انتي : Accetto di sposarti
أوافق على الزواج منك..

رد علي بالبرتغاليه..
صالح : Eu não entendo italiano, mas espero que você
concorde
أنا لا أفهم الإيطالية ، لكن أرجو أن توافق

شغلت الاضاءه الخفيفه اللي بجانب سرير صالح و لفيت عليه
ناظرته لـ ثواني و رجعت تأملت السقف..
صالح : وضعنا صعب مخبيه عن اهلك و ساكته مع غريب عليك وانا بكل مره اخذك معاي برا البيت اضطر اخذ سيارتي البي ام المضلله عشان محد يشوفنا خلينا نتزوج زواج اسم فقط وتبادل مصالح
كنت مصدومه من كلامه..
وانا اللي احسبه يحس بـ مشاعر تجاهي و بديت احس بنفس هالمشاعر تجاهه طلع يبي زواجنا تبادل مصالح فقط !
حاولت ارتب كلامي و أرد عليه بس ماقدرت..
صالح : لما طلعتي مع اهلك تتغدون جت رسالة ل ايميلك وكان لابتوبك مفتوح
اسف لكن قريتها من برا..
قبلوك الشركه الاعلاميه اللي مقدمه عليهم انتي
كنت لسا صامته ولا تكلمت من بعد مارديت عليه بالايطاليه كان بس يبرر موقفه و يبرر كلمة "تتزوجيني"
صالح : واذا اشتغلتي معاهم انا بصير اوصلك كل صباح بـ حكم ان ماعندك سياره ومستحيل يوميًا اوبر
خلينا نتزوج اقل شيء يرتاح بالي من ناحية البيت والسكن
انتي : موافقه..

طفيت الاضاءه و دفنت راسي بالمخده و ابكي بـ صمت
انصدمت بشكل ! تبادل مصالح! وعشان يكون مرتاح اننا ساكنين سوا ولا يشيل هم يشوفنا احد!
اخ بس كنت متوهمه بـ مشاعر غبيه
نمت بصعوبه ومخدتي مليانه دموع..

هالمره صحيت و صالح صاحي يطقطق بـ جواله
صالح : صباح الخير
مارديت عليه وطلعت للحمام
احاول استوعب ايش صار امس وليش وافقت وليش عرض علي!
سويت قهوه واخذت له ما ابيه يحس بإني زعلانه ويفهم مشاعري له..

تفضل .. قهوه
صالح : شكرًا
جلست معاه وانتظره يتكلم..
صالح : ماعندي شي اقوله كل اللي بـ قلبي قلته لك امس
انتي : يعني عارض علي الزواج وانا شبه نايمه و فوقها زواج شكلي
صالح : هذا اخر حل
انتي : مو مشكله خلاص انا بترك بيتك
صالح : ايوه علميني وين بتروحي؟
سكت لـ ثواني
صالح : ما ابي اضغط عليك بس انا فكرت كويس بهذا الموضوع وهذا الحل الامثل
قدام الناس واحد و زوجته ولا يدرون عن شيء ابد!
وصار عندك وظيفه اقدر اوديك بكل وقت بدون خوف وتضليل السياره ونظارات وكاب لحد يعرفني
واهلك يقدرون يجون باي وقت ! بدون ما ادخل زي الحراميه

انتي : بس اللي يتزوجون يكونوا يحبوا بعض وانا لا احبك ولا اطيق حركاتك
ابتسم صالح ب سخريه و تكلم
صالح : يعني على اساس انا بموت فيك ؟
قلت لك زواج شكلي فقط!
انتي : طيب خلاص بس عندي شروط ولازم نسوي اتفاقية !
صالح : حاضر موافق
ابتسمت ابتسامة صغيره..

سويت فطور وديت لـ صالح و صحيت اهلي افطرنا و تقهوينا..
بابا : بحجز طيران لـ ميلانو اي يوم تبون ؟
طلعت للغرفه فوق بكلم صالح..
دخلت و قفلت الباب
انتي : اهلي بيرجعون ميلانو
صالح : متى ؟
انتي : ما اعرف بس لازم نخلص امور هالزواج بسرعه قبل يسافرون لا تتعقد السالفه اكثر