افطرنا وكان الصمت قاتل..
طلعت لغرفتي افكر بهالموضوع ، ما اعرف انا مو مرتاحه ولا ابي ارمي نفسي عليه كذا ! اوكيه مره شيء مغري اني اسكن مع انسان مرتب وهادي وشخصيه ووسيم
!!! وش قاعده اقول انا ! وش هالكلام ايش دخل صفات صالح باني اوافق اسكن معاه ! اسكتي خلاص اشش
بس بالله وين بسكن ؟ خلاص يلا دقي على ابوك وعلميه بكل شيء
اف انا انجنيت صدق ! قاعده اكلم نفسي..
فتحت لابتوبي صرت ادور على نوادي نسائيه
مالي الا نادي اشغل نفسي فيه ومنها احافظ على لياقتي مستحيل اطيق البيت كذا لوحدي طفشانه لا دوام ولا جامعه ولاشيء
طلعت من غرفتي متحمسه ومعاي لابتوتي
انتي : صالح ؟ فينك ؟
صالح : بالصاله تحت
نزلت لتحت ورحت له ، كنت رافعه الابتوب بوجهي
انتي : وش تتوقع باللابتوب ؟
صالح : شركة من اللي مقدمه عليهم قبلت توظفك ؟
انتي : غلط !
لفيت اللابتوب بوجهه
انتي : I will start a healthy life!! ، يحمس مرا
ابتسم صالح..
صالح : ادعمك بالهيلثي لايف والنادي وكل شيء ههههههه عقبال ماتنافسيني بالعضلات
رفعت يدي اوريه عضلاتي
انتي : ما اتوقع صراحه هههههه
صالح : بتروحين اليوم ؟
انتي : اكيد ابي اهرب من البيت طفشت من الوحده! وصلني معاك لما تروح النادي
صالح : ابشري
اخذت لابتوبي بحماس وطلعت فوق
انا عازله نفسي ب الغرفه عشان ما اضايقه ببيته و انا بعد اخذ راحتي..
صح كان طفش مره وهذا اللي خلاني اشترك ب نادي املي وقت فراغي
بعد ساعات ..
فتحت شناطي وطلعت ملابس للنادي لبست وجهزت ونزلت للصاله
صالح : داخله بقوه عالنادي ماشاءالله عليك
انتي : اوه انت هنا؟ ما انتبهت لك بس
صالح : ايوه شويات وبطلع للنادي ، مانسيتي شيء يا ستايلست ؟
انتي : الاا!! ماجهزت ملابسك اليوم !
صالح : مهمله ، من اول يوم متأخره على دوامك محسوم من راتبك
انتي : هههههههه دقايق وتكون جاهزه
صعدت لغرفته ودخلت اجهز ملابس اليوم بس .. بس كان براسي مليون الف فكره هو ليش لطيف معاي ويضحك وينكت واحس اني اعرفه من سنوات ! مو كم يوم
صالح شخصيته هاديه وثقيل كيف يتعامل معاي كذا ؟!
احس ان بسرعه انفكت الميانه بيننا .. انا ما ابي هالشيء ضروري اخلي الرسميه بيننا اكثر..
جهزت ملابسه ونزلت لتحت..
انتي : ملابسك جاهزه على السرير .. يلا انا بطلع اشوفك العشا
صالح : ماتبين اوصلك بطريقي ؟
انتي : لا شكرًا يعطيك العافيه
طلعت بسرعه من البيت وانا شعوري مخربط !
طلبت اوبر وطول الطريق افكر باللي بيننا
احنا مو اصدقاء ولا شيء انا ليش ساكنه عنده! وليش يعرض علي اسكن عنده ليش يضحك معاي وعلى طول انفكت الميانه بيننا !
اكيد انه شفقان علي بنت وحيده هنا ، اهلها كلهم بعيدين عنها وحتى ولد عمها نصب عليها وسرقها ماعندها لا بيت ولا سياره ولا وظيفه..
الغلط غلطي ليش اترك ميلانو واجي هنا! بابا كان صادق
كنت ماسكه دموعي بالغصب..
