" منزلي "

ليلة..

صحيت مبسوطه و مروقه
بدلت ملابسي فرشت اسناني و سويت شعري
و شوية سكين كير يعني كريم انتفاخ العيون وقت النوم ومرطب شفايف وهكذا ضبطت نفسي يعني مو زي العاده
اليوم عرسي لازم اكون مختلفه عن باقي الايام!

نزلت لـ تحت كان صالح يسوي الفطور..
ابتسمت لما شفته فطور كامل وهو مسويه! ذي ثالث او ثاني مره يسوي كذا
قرب مني وباس خدي..
صالح : صباح الخير ياعروسه
ابتسمت مباشرة واستحيت !
انتي : صباح النور..

كانت الساعه 9 الصبح تقريبًا
صالح : يلا حبيبي افطري كويس ورانا يوم طويل!
افطرنا وانا صدق ما اعرف اوصف مشاعري؟ شوي مستحيه كانها اول مره نفطر سوا شوي مبسوطه شوي احس بمشاعر غريبه! شوي متحمسه لليوم ما ادري فعلا..

لما خلصنا فطور و بديت اشيل السفره و ارتب تكلم صالح فجأه ؟
صالح : لا لا خلي! انتي عروس لا تلمسي ولاشيء
ابتسمت تلقائيًا من كلامه
سندت على طرف الاريكه وانا اتأمله وهو يرتب والابتسااامه من الخد للخد!
لما خلص قرب مني
حط يده على فخدي..
بهاللحظه كل جسمي تقشعر وحسيت بحرارة فجأه غريبه
تجاهل توتري وحط يده الثانيه على فخذي الثاني..
صار يبعد بينهم و دخل جسمه بين فخذيني!
تجمدت ب مكاني ولا عرفت ايش اسوي..
بهاللحظه كنت اردد بداخلي ليش لبستي شورت ! كله مني افف
يحرك اصابعه على فخذي ويرتفع لفوق لين وصل لـ بطني..
حسيته رح يبوسني باي ثانيه!

قرب وجهه لي بهاللحظه و همس ..
صالح : وين اتفاقية العقد ؟
دفيته بهاللحظه عني
انتي : كل هالحركات الرومانسيه والتلميس عشان تسألني وين العقد!!
صالح : ههههههه ليش كنتي منتظره شيء ثاني
انتي : قليل ادب! عيب عليك
صالح : يلا علميني وبعدها اعيد لك كل هالحركات
انتي : مارح اعلمك الا اذا وعدتني ماعاد تكرر هالشيء
صالح : وعد حبيبتي يلا علميني يلا
كلامه كانه يسلك؟ مايهمني المهم وعدني
انتي : فوق بغرفتي بالدرج الاخير اللي جنب دولابي

مامرت دقيقه الا جا ومعه العقد ..
رفعه ب وجهي وشقه نصين قدامي
صالح : انتي زوجتي بدون قيود و عقود ، العقد مفسوخ من هاللحظه
ماكان عندي ردة فعل انبسطت بنفس اللحظه انصدمت ماتوقعت يشقه كذا بهالوحشيه هههههه
صالح : الحين اقدر اعيد هالحركات
انتي : لا صالح لا انت وعدتني!
صالح : بس العقد انشق والوعد راح مع العقد
صرت ابعد عني ويقرب اكثر لين لمس ظهري الجدار..

حط يده على خدي وصار يتحسسه
صار يبوس خدي وانفي واطراف شفايفي..
انتي : خلاص صلوح ماخليت شيء لبعد الزواج!
صالح : دقيقه دقيقه ؟ كاني سمعت دلع لاسمي؟
ابتسمت باحراج ..
صالح : عيديها يلا!
انتي : صالح خلاص خليني بتأخر !
صالح : عيديها يلا انتظرك ولا مارح اتركك..
انتي : ااا.. صلوح ممكن تخليني امشي؟
باس خدي بسرعه اول ماخلصت كلامي!