حبيتك شجاني
وماحسبت حساب
خيعونك علّي
مو انا خيعوني
متحبني واحبك
والمصيبة انوب
أريدك وانهزم من اليريدوني
ومن دونك صرت
ما أعيش ويه الناس
وانتَ بكل سعاده
تعيش من دوني
بأحزانك اود عيوني تبچي وياك
بأفراحك ابد ما تِذكر أسمي
من سمعوا اهلنا العشگ دك الباب
ما خلوك اهلك واهلي خلوني
ما خلوك اهلك حقهم يخافون
بس اهلي لمحبتك شلَع باعوني🖤
الكاتبه: شهد علي
وتين: منو اجه منو يم بابا بلمكتب
عفاف: مااعرف خالج كال شغل الله اعلم شكوو
وتين: كعدت وحجيت مكلج بابا وين جان هوه
عفاف: هوه اني شفته جان وياه واحد وكبل فاتو للمكتب
وتين: شويه وبدت تطلع اصواتهم سمعت صوت اسيد يصيح كمت بسرعه وكلت هذاا اسيد اسيد هناا
خديجه: يااسيد ياااا شنوو هذا الخاطفج هنااا
عفاف: شجاي يصير هنااا
وتين: عفتهن وطلعت اركض كامن يصيحن عليه ارجع مهتمين وكفت باب المكتب اسمع حجيهم وسمعت اسيد يهد ويرد وكو بابا سكته نوب اصواتهم هدأت وصار كلام بينهم حاولت اسمع مكدرت كمت افتر بمكاني اخاف افوت ويعيط بيه بابا بقيت واكفه يم باب المكتبه لحد مانفتح وطلع خالوو خزرني وخرني من يم الباب محد شافني بيهم
غيث: شسوين هنااا هاا شكووو واكفه. هنا
وتين: خالو شجاي يصير اسيد ليش هناا
غيث: شغل مالج علاقه انتييي روحي يم امج وعمتج بسرعه ماريد المح خيالج يلااا
وتين: شفت خالوو عصبي مو مال احجي شي هسه عفته ورجعت لمكاني واني احوص اريد اعرف شكوو
عفاف: هااا عرفتي شي عليمن هنااا شعنده وي ابوج
هذا
وتين: معرفت وخالوو عاط بيه ميقبل افوت
خديجه: تستاهلين شكوو حاشره نفسج بلنص استري على روحج واسكتيي
وتين: شويه واجه خالو سد الباب علينه معناه راح يطلعون كمت وكفت يم شباك الصاله وخرت البرده وكمت اباوع طلعوو وهوه مبين عليه كلش عصبي وبابا يطبطب على كتفه بخفه مااعرف شنو كله وحضنه بعدين طلعوو من البيت رجعت المكاني اريد اعرف شكوو شنو صار اكيد بابا راح يحجي شي شويه وطب بابا تلكته ماما
عفاف: وين جنت اليوم كريم هاا
كريم: هاي شبيج عفاف واحد يكول الله يساعدك متلكيتني تحقيق من الباب
عفاف: فوكاه انته ابو الراهييي شكووو جايب هذا المجرم البيتي
كريم: عفاااااف ممنوع تكولين عليه مجرم مره ثانيييه هذا ابن اخويه معناه ابنيييي
عفاف: شبييييك نسيت شنووو سوه البنتك هااا هذا خطف بنتك وعقد عليه اجباري وجاي اتكول ابنيييي تحجي صدك انته لو تشاقه
كريم: انييي اعرف شنوو احجييي الي سواه صح غلط بس مجان يعرف الحقيقه وهسه هوه عرف كلشييي يعني اكيد لو يعرف الحقيقه مستحيل يسوي هيج
عفاف: اضاهر حبك العزيز مخلاك اشوف اغلاط ابنه وافعاله يااكريم اضاهر صرت مهوس، بعائلته اكثر منه
كريم: لا تحجين بكيفج انتييي عفااااف
غيث: صلوو على محمد شبيكم يمعودين صدك جذب
كريم: مشوف اختك متنطيي مجال واحد يحجي
عفاف: وهيه هاي بيه مجال ياكريم هاا بيه مجال اطبب خاطف بنتك البيتك بدال مااشمره بسجن ياخذ جزاته
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
