مليت أكابر وانه متعوب
بگلبي خنكه محيره الغروب
مامش أدين التفتح البوب
ساكت واحس ابداخلي اصياح
وجفوفي لازم بيها الصفاح
خاف انفضح لو گول مرتاح
خاف من اگول اشتاكله انعاب
وعثر لون طاريه ينجاب
اشتاك بس بالمستحه اتگول
جاهل واباوع من ورا الباب
جيه شوگي بين عل تعابير
سويت كلشي الما اضن يصير
ومن ذكرى ما ضلتلي وياك
ضميت بعيوني التصاوير
خاف الحچي اليفضحني اگوله
وانه المحنه بروحي سوله
ما ادري هيچي يسوي الفراك
لو بيدي اشك گلبي على طوله
فراگك چبير ابيش اسده
تكتني وحده وتبچي وحده
ماخذني من روحي وياك
خايب دولاب ما ينحمل فرگاك
الكاتبه: شهد علي
وتين: بقينه مصدومين بقرار بابا الي كاله
عفاف: هاي شجاي تحجي كريم نلتقل للبصره شنوو
كريم: مثل ماسمعتو نروح انعيش بلبصره
عفاف: مستحيل منروح احنه شجاي تحجي كريم كل عقلك
كريم: اني اخذت قراري عفاف شنو تعارضيني انتيي
عفاف: طبعا اعارض شنسوي بلبصره هاا شنسوي نسيت دوامك ودوام البنات وبيتنه وحياتنه الي متعودين عليه تريدنه انعوفه ونروح نعيش بلبصره ليش
كريم: عفاف البيت راح ابيعه واشتري بلبصره واذا على دوام انقل البنات هناك واني هم انتقل اداوم هناك فضت راحت
عفاف: شنو بهل البساطه عندك كريم شجاي تحجي انته اني مااروح للبصره شنو تجبرنيي لا اني ولا بناتيي
كريم: بناتي يرحن وياي عفاف وانتيي حره بكيفج اذا متردين تجين على راحتج ماابقه اتوسل بيج
عفاف: هيج صار الحجي كريم
كريم: اي عفاف هذا العندي وانتي بكيفج القرار تجين وياي لو لا
خديجه: شبيكم كولو يالله شجاكم كريم تحجي صدك انته لو تشاقه احنه شنسوي بلبصره
كريم: اسمعوني زين انيي من باجر راح اعرض البيت للبيع واشتري بلبصره واذا على الدوام عادي انقلكم اني رايح انام تعبان من الطريق
وتين: عافنه بصدمتنه وفات ينام شنوو يعنيي
عفاف: شفتوو شلون يحجي متخذ القرار الوحده ولا عبالك عنده احد ياخذ رائيه بس والله ماابقه دقيقه هناا
خديجه: هاي شبيج عفاف انتي الثانيه بدال هلمشكله اكعدي وتفاهمي وياه ليش تكبريه
عفاف: مشفتي شلون يحجي شنو ماعندي كرامه وابقه هسه اخابر غيث يجي ياخذني
وتين: ماما شسالفه وين ترحين
عفاف: اروح لبيت اخواني شنو ضلتي هنا بعد
وتين: عافتنه وراحت بقينه اني وخدوج وحده تباوع لثانيه عود صدوك يحجي بابا
خديجه: اي مبين الموضوع حاسمه يمه بس مجان لازم هيج يحجي وي عفاف
وتين: استغفر الله شعدنه بلبصره احنه تره القرار مو بس البابا اني هم رائيي من رائي ماما
خديجه: واني هم نفس رائيجن مستحيل نعيش بلبصره
وتين: شويه وطلعت اصواتهم داء يتعاركون شويه وفتحت الباب ماما شايله الجنطه مالته
كريم: يعني هذا الحل العندج انتيي عفاف ترحين
عفاف: لعد شنو تتنضر مني اكعد اتفرج عليك وانته جاي تقرر بكيفك حياتنه
كريم : ام وتين ياحبيبتي تعالي واهدئي خلينه نكعد نحجي ليش تكبرين لامور ياحبيبتي
عفاف: ماكو داعي نحجي اذا هذا قرارك تروح تعيش بلبصره فااني مو وياك وهسه غيث بطريق راح اروح لبيت اخويه
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
