مالتعبان مِن روحَه
بيا گاع تگدر تبرد جروحه !💔
الكاتبه شهد: علي
وتين: ثاني يوم الصبح رحنه للمرزعه مالت بيت خالو غيث بس بابا مااجه ويانه كالو مشغول اصلا حتى مايكعد بلبيت دائما بشغل سئلت ماما مره عليه كالت جاي يدور على السجين الشرد وجاي يحقق وي الزمهم عرفت يعني خاله حميد شرده اسيد بس سكتت شكد كرهت روحي لان اعرف وماكلت لبابا وبنفس الوقت اكول اني جاي اسوي مثل ماسوه بيه وصلنه البيت المزرعه الخضار بيه فدشي جنه دائما نجي هنا بلعلطه وي بيت خالو ليث خالو ليث عنده ولد اثنين وبنات اثنين وديان واديان ومسلم وسالم سالم دكتور. اسنان ومسلم داء يدرس بعده وديان واديان هم توم بعمر سيلين وبيلين عمرهن 15 سنه نفس النسه انولدن. رحت كعدت على الخضار وصافنه مااعرف ليش اجه بالي من اخذني البيتهم وصفنت بلبيت ابتسمت اجتي خدوج
خديجه: شنو هلابتسامه الحلوه يروحي
وتين: انتبهت على. نفسي مبتسمه مااعرف ليش لحضه ضجت من نفسي لا ابتسمت من ذكرته كتله لا وله شي اذكرت ميلااا
خديجه: ولج ميلااا صارت بيه توحد من وراج كلما تجي تريد تبقه وياج تعوفيه وترحين تنامين خطيه اضوج وتروح لهله
وتين: خدوج اني مااعرف شجاي يصير وياي كاره العالم كله
خديجه: الله لا ينطيهم العافيه ولا يوفقهم ان شاء الله
وتين: لا تدعين عفيه لا تدعين
خديجه: ليش ماادعي شكوو
وتين: يجوز عدهم عائله واطفال من تدعي اطيح بااطفالهم
خديجه: اني ادعي عليهم ماادعي على اطفالهم هذوله مجرمين قذريين
وتين: عوفج من هلسيره هذا شبيي مسلم.صافن بوجهي تره نرفزني
خديجه: ههههه معجب هذا على عمه
وتين: هاي العايزه والله
خديجه: ولج شبي عمت عينج شناقصه مسلم شاب شحلاته
وتين: اسيد احله منه انتبهت على نفسي جفصت
خديجه: هاا منو اسيد وتين
وتين: ها هو شسمه هوه ممثل يطلع بمسلسل
خديجه: واني غبيه حتى اصدكج ولج كليلي منو اسيد
وتين: يووو هاي شبيج جاي تحققين وياي احنه جايين نتونس لو نحجي كومي نروح نلعب طوبه وي البنات يله
خديجه: هاا لا انتي روحي اني رايحه اشوف غيث
وتين: عبالج مامنتبهه عليكم صايرين مثل العسل شنو هلحركات والحضن والبوس وكذا
خديجه: ولج ادبسزز يمته بايسني منين هلحجي اجيبينه
وتين: هذاك اليوم من طلع راد يروح وطلعتي سديتي الباب وراه شفتكم من المطبخ من باسج
خديجه: يا حقيره ممنوع تحجين لاحد
وتين: سرج يم الشرقيه نيوز ولا يهمج
خديجه: ولييي، عنييي وليي
وتين: ههههه عافتني وراحت رحت لعبت طوبه وي البنات تونس كلش وياهن وسوينه مشاوي خالو غيث ومسلم يشون بقينه هناك يومين كلش، تغيرت نفسيتي للاحسن رجعنه للبيت وخالو كال حرامات تروح عليج هاي السنه راح احجي وي العماده علمود ترجعين وافقت على كلامه وفعلا ثاني يوم راح اتفق وي العماده وكالو خلي ترجع تدرس طبعا خالو عنده هواي معارف بلجامعه
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
