نسولف بيك لـ أخر لحظه بالليل
وترد من الصُبح تشغل فِكرنه
#جبار رشيد
الكاتبه: شهد علي
نسيم: فتحت الباب وجان اشوفه لازمه سيف من قميصه وتحجي وياه وتبجي وهوه راصع على سنونه شافوني وهيه بسرعه وخرت منه
سيف: نسيم هاي شجابج شسوين هناا..
نسيم: وخرت من الباب وطلعت كبل بدون مااحجي وياهم ماطبيت للغرفه كبل طلعت لاطارمه كمت ابجي كاتمه صوتي بيدي كعدت بلكاع وابجيي مرة ربع ساعه وحسيت احد كعد يمي باوعت شفته سيف
سيف: ليش تبجين وليش كاعده هناا
نسيم: وليش يهمك يعنيي
سيف: لااصيرين زعطوطه طبعا يهمنيي شبيج تبجين
نسبم: انته تحبه الضحى موو هااا تحبه احجي الصدك لاتكذب عليه
سيف: هههه احب منوو ضحى شبيج تخبلتيي الي يسمعج يكول متدرين بيه شكد احبه الجنه
نسيم: لعد فسرلي وجوده يمك بلغرفه ولا مو وجود عادي جنتو كلش متقربين البعض لعد وين حبك الجنه التحجي بيي لو بس حجي
سيف: اولا اني مامجبور اوضحلج بس راح اكلج شعده يمي جنت كاعد واندكت الباب وطبت هيه
ضحى: ممكن احجي وياك اذا مابيه ازعاج
سيف: ضحى تحجين وياي اي طبعا ماكو ازعاج بس مو هنا بلغرفه لا يجي احد ويفهم غلط طبت وسدت الباب
ضحى: سيف اني احبك والله
سيف: شبيج بابا حلمانه انتيي شجاي تلوصين انتيييي
ضحى: سيف ادري بيك شكد حزين واعرف متكدر تتخطى جنه اني مستعده ازوجك واخليك تنساه والله احبك قبل جنه انيي من زمان بس انته مدرت بال اليه ورحت الجنه
سيف: كافيي بابا اتفضلي اطلعي بره وهلكلام بعد لا تكولينه
ضحى: لا تكول هيج والله احبك انيي وميته عليك لا تطردني مستعده كلشي اسوي الك حتى ماعندي مانع هسه تتقرب اليه
سيف: تقربة لزمته من ايده ردت اطلع وهيه جلبت بقميصي
ضحى: لااسوي هيج سيف والله احبك انيي
سيف: امشي اطلعي بره لا تجبريني اطلع اكول لاسيدد اطلعي بهلاثناء، دخلتي انتي،
نسيم: يجوز تحبك صدك شكوو سويت وياه هيج
سيف: هاي العايزه اخذ، ضحى الي تكره جنه وتموت منه جانت وتغار منه هلدرجه نذل انيي
نسيم: ردت اكوم كال
سيف: اكعدي احجي وياج كلامي مخلص
نسيم: على شنوو تحجيي
سيف: ليش جنتي تبجين
نسيم: ضايجه على ملاك باجر تروح عنيي
سيف: هسه اني اصدك يعني غبي كدامج
نسيم: هلشي راجعلك لااصدك
سيف: نسيم ليش مجنبتني ليش متحجين وياي ولج حتى متباوعين عليه ليش هيج اسوين فهميني لان كتلج مااحبج واحب جنه اتوقع اني حجيت الصراحه لااسوين هيج خلينه مثل قبل نرجع ممتعود عليج هيج وياي
نسيم: سيف اصلا الكلام الحجيته جان عابر وتندمت عليه وماعندي شي وياك
سيف: متأكده نسيم من حجيج هذا
نسيم: اي طبعامتأكده
سيف: جا والبجي هذا كله لان شفتي ضحى يمي بلغرفه
نسيم: كتلك مو يمك السالفه ضايجه على ملاك اترخص تصبح على خير عفته ورحت انام الثاني يوم هم راحت ملاك للصالون واني وتين رحنه وياه احنه خلينه مكياج كلش خفيف وملاك طلعت احلى من البارحه بقاطات كملنه ب3ونص خابرنه سيف كال اني باب الصالون لبسناه البرنص وطلعنه فتح الباب وصعدناه وتين كعدت يمه ماكو مكان اكعد اني اطريت اكعد يمه طول الطريق يشاقه و ي ملاك لحد ماوصلنه قبل لا انزل كال
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
