لا تأتي يوماً وتسالني أين انت
أنا رحلت وتركت لك وقتك مع من تحب
أنا من انتظرت منك شيء جميلً حتى ذبل أنتظاري.
الكاتبه: شهد علي
وتين: منوو تحجون عليه هاا
عفاف: شبيج ماما ماكو شي جنه نحجي على نسيم
وتين: هههه لا والله المفروض اصدك منو ملاك احجي دير بالج اتكذبين عليه صدكيني ازعل منج
ملاك: هاي شبيج وتين قابل منو يعني
وتين: زين لعد هسه اروح اعرف من خاله ليلى وهيه اكيد مراح تكذب عليه ردت اتصل على خاله ليلى صاحت ماما
عفاف: اوكفي لحظه تعالي اكعدي احجيلج
وتين: كعدت واهزز برجلي بتوتر كلبي حاس هيه الي يحجون عليه بس جذبت الفكره كلت اكيد غير شي
عفاف: ماما حبيبتي اسمعي اسيد جاب البنيه البيتهم
وتين: جنت اعرف هيج راح يسوي خاف جان عندي شك بي واحد بلميه هسه صار ميه بلميه كلشي اتوقع منه مالي علاقه بيهم بس خلي بابا يسويلي حل حتى لو يسجنه خلي يطلكني تره اذا مطلكني والله العضيم انتحر اسمعوني
عفاف: اهديي ماما يطلكج مو بكيفه ابوج جان منتضر تخلص السنه هاهيه مدام خلصت اخلي ينهي هلموضوع
وتين: عفتهن وصعدت للغرفه حتى نفستي انسدت متريكت لحكتني ملاك
ملاك: وتين عادي نحجي شويه
وتين: اذا بخصوص اسيد مااريد افتح موضوع رجائا
ملاك: بس لازم تفتهمين السالفه حكمتي عليه من غير متعرفين شنو الموضوع
وتين: الله يخليج ملاك اني اصلا اكبر غلطه بحياتي هيه حبيته لاسيد وهاي دفعت ثمنه المثله مستحيل يتغير
ملاك: يعني مصره مسمعين السالفه
وتين: لا ماكو اي مبرر الموضوعه وبلاخير جابه واجه البيتكم يعني حاب يكمل وي عائلته اني شنو بلموضوع طرف ثالث
ملاك: اسيد يحبج الج والله مشفته هيج من قبل مدمر من دونج حتى هيه تعرف شكد يحبج
وتين: ههه كتيلي يحبني اي صح يحبني للتصحيح اخوج ميحب بس لان اني عجبته حب يدخل من باب الحب لا اكثر ولا اقل واحد روحه بلنسوان ميحب يخلي شي بنفسه انسان اناني عوفج مني شنو ذنب هيه هاا شنو ذنبه وهيه تحبه وحامل باابنه واشوفه يدور غيره حطي نفسج بمكانه مستحيل وحده تقبل بهلشي
ملاك: تمام سدي الموضوع ارتاحي انتي اني رايحه
وتين: اوك حبيبي اخذي راحتج راحت واني رجعت راسي على مخده اعصر بيه بقهر اكتم صرختي مااريد احد يسمعني
اسيد: هلا والله شلونك
سلام: عال العال انته شلونك اخبارك بغيابنه
اسيد: ههه بنص الخير
سلام: ها يخوي تحجيه بستهزاء خيرك احجيلي
اسيد: وتين عرفت بموضوع ريم
سلام: لا بربك شسوت
اسيد: شسوت ماخلت شي ماسوته صارله اربع اشهر مجاهلتني ومتخليني اكعد احجي وياه نافرتني كلش كارهتني سلام ومصممه على طلاك
سلام: صدك عود ماحجيت وي كريم
اسيد: حجيت وياه طلع اضرب من وتين يكلي خاف الله بلبنيه اليتيمه ماله احد وحامل بابنك شلون تتركه وهيه ماعده احد
سلام: الصراحه صدك اسيد ريم فقيره ويتيمه ماعده احد غير رب العالمين وغيرك
اسيد: شوف الحظ حتى خالته توفت عود جنت ناوي بس تولد اطلكه وابقيه بشقه اصرف عليهم
سلام: اله رحمة الله شوكت هلحجي
اسيد: لك سلام كلي شسوي حاير وتعبان عقلي بعد ميجمع
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
